PĀ GƏ̄ 45:2 - Bibəl ta Sar̄

² Najə̄ kə́ majə ngá̰ý i kemḿ tə́, m-ə́hɔ taḿ dɔ tə́ sétə́. m̄-tə́da pā yā rɔȳń mban̄g kógə̄ḿ. Ādə̄ ta ndo̰ḿ i yá̰a̰ ndang makətūbə̄ kə́ jī de kə́ ger̄ ndang makətūbə̄ ngá̰ý tə́.

Bible sar

² Najə̄ kə́ majə ngá̰ý i kemḿ tə́, m-ə́hɔ taḿ dɔ tə́ sétə́. m̄-tə́da pā yā rɔȳń mban̄g kógə̄ḿ. Ādə̄ ta ndo̰ḿ i yá̰a̰ ndang makətūbə̄ kə́ jī de kə́ ger̄ ndang makətūbə̄ ngá̰ý tə́.

PĀ GƏ̄ 45:2 Referans Kwoze

Najə̄ kə́ Majə yā Jeju ń Luk ndang ní 4:22

De gə̄ malang a ədan̄ i najə̄ kə́ majə yā Jeju. Najə̄ kɔrə̄n kə́ majə ngá̰ý gə̄ ní ɔr kumdə́ ngá̰ý adə̄ ədan̄ na: I ngōn̄ Jəjep ní n noó aĺ a?

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

JA̰A̰ 7:46

Pajā gə̄ tél ədan̄də́ na: De kə́ ɔr̄ najə̄ tītə̄ deē ń noō gətóó bátə́.

PĀ GƏ̄ 21:6

Ī-tetə rɔ̄ɔ̄ ādə̄n adə̄ rīn ɓār̄ ngá̰ý. ī-rāā ādə̄ ni-tél de kə́ bo, adə̄ de gə̄ ɓōlə́n̄ ndílən.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

PĀ KƏ́ MAJƏ 2:3

Kāgə̄ jīm̄ tītə̄ ń ra dan kāgə̄ kə́ rang gə̄ kə́ kem ku loo tə́ ní, kó tár yāḿ to i tītə̄ ń noō dan ngáń kə́ dəngam kə́ rang gə̄ tə́! m̄-ndi ndílən tə́ tītə̄ ń kemḿ gḛy ní ō, kanə̄n nel̄ taḿ ō.

Gōsə̄ najə̄ gə̄ 22:11

Mban̄g i madə̄ de kə́ nge gḛy de kə́ kemən unjə̄ njáý njáý ō, najə̄ kə́ tan tə́ i najə̄ kə́ majə ō.

MATIYE 17:2

Anī ta kumən tél tūr̄ kə́ rang kɔ̄ɔ́ kə̄ ta kumdə́ tə́ noō. Ta kumən ní ndə́lē tītə̄ mbang beé ō, kūbə̄ yān gə̄ ndaan̄ tītə̄ loo kə́ unjə̄ kow beé ō.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

IJAI 50:4

Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

Gōsə̄ najə̄ gə̄ 5:2

Loo ń noō tə́ kɔjə̄ yāḿ gə̄ a rāān̄ majə seí ō, ā ɔ̄r̄ najə̄ loo de kə́ ger̄ gír najə̄ tə́ ō.

IJAI 33:17

Ā ásə ka̰a̰ majə mban̄g malang ō, ā á̰a̰ ɓē kə taá malang ō.