PĀ GƏ̄ 44:2 - Bibəl ta Sar̄

² Nə́ɓā, yá̰á̰ kə́ to rī ɓār̄ gə̄ ń ī-rāā kété jóo ɓāl̄ yā kaají gə̄ tə́ ní, bɔbə̄jí gə̄ ənīn̄jí gotə, adə̄ j-oō kə mbījí.

Bible sar

² Nə́ɓā, yá̰á̰ kə́ to rī ɓār̄ gə̄ ń ī-rāā kété jóo ɓāl̄ yā kaají gə̄ tə́ ní, bɔbə̄jí gə̄ ənīn̄jí gotə, adə̄ j-oō kə mbījí.

PĀ GƏ̄ 44:2 Referans Kwoze

Teē Ngán Israel gə̄ 15:17

Kə́ ngɔr ń toō tə́ ní Kɔ́ɔ̄ɓē, ā āw̄ sedə́ i kə̄ dɔ mbal̄ yāí tə́ yā kaw̄ kəndādə́ tū tə́. I loo ń ə̄ndā dɔ danaá yā kadə̄ ī-ndi tū tə́, yā kadə̄ īkɔ́ ī-rāā loo kə́ táĺ yāí tū tə́ ní.

PĀ GƏ̄ 78:55

Ni-tə̄ɓā nápar de gə̄ nodə́ tə́ kɔ̄ɔ́, gán̄g dɔ nang yā de gə̄ ní naā tə́ nə̄ɓōdə́ yá̰a̰ ndəbā tə́, tə́ndā gír ɓē kə́ Israel tə́ gə̄ dɔ tə́.

2 SAMUEL 7:10

M-ā m̄-gō̰ loo yā kadə̄ gír deē yāḿ gə̄ ń i Israel gə̄ ní. M-ā m-ə̄ndādə́ tū tə́ kadə̄ ndin̄ gotə kógə̄ḿ loo yādə́ tə́. Yá̰a̰ a yéȳdə́ to̰ aĺ ō, ngé rāā majaĺ gə̄ a rāān̄də́ ndoō tə́ tītə̄ kə́ kété ń

JOJUE 21:43

Kɔ́ɔ̄ɓē adə̄ ngán Israel gə̄ dɔ nang ń ni-ənī ndūn yā kadə̄ kaadə́ gə̄ ní malang. Nin̄ taān̄ dɔ nang ní ba ndin̄ tū tə́.

JOJUE 11:23

Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.

PĀ GƏ̄ 105:44

Adə̄də́ dɔ nang yā nápar de kə́ rang gə̄. Nin̄-teēn̄ dɔɔ́ kə tətō de kə́ rang gə̄ ń rāān̄ kəla ní,

JOJUE 24:12

M-ə́la kə gəmbā gēé adə̄ tə̄ɓān̄ mban̄g kə́ jōó gə̄ yā Amor gə̄ kɔ̄ɔ́ nosí tə́. Tū yá̰a̰ gə̄ ń noō tə́ malang ní, kaskar yāsí gə̄, kə ga̰ gərā yāsí gə̄ rāān̄ yá̰á̰ kógə̄ḿ alé.

JOJUE 10:42

Jojue tetə mban̄g gə̄ ń nuū rɔ̄ɔ̄ gidə kógə̄ḿ ō, taā dɔ nang yādə́ ō, tɔdɔ̄ Kɔ́ɔ̄ɓē Nə́ɓā yā Israel n rɔ̄ɔ̄ tām̄ yā Israel tə́ ní.

JOJUE 10:11

Dan ń Amor gə̄ ń a̰ȳn̄ naā no ngán Israel gə̄ tə́ ní, ḭḭn̄ Bet Horon ba a risən̄ kə̄ wól loo tə́ anī, Kɔ́ɔ̄ɓē rāā adə̄ kɔ̄sə̄ kə́ bo tītə̄ kūbə̄rū mbal̄ gə̄ tə́sōn̄ dɔdə́ bátə́ Ajeka. Adə̄ de gə̄ ngá̰ý oyn̄. De gə̄ ń kɔ̄sə̄ tɔ̄ldə́ ní, kutədə́ tɔȳ kutə de gə̄ ń ngán Israel gə̄ tɔ̄lə̄n̄də́ kə kaskaraá ní.

JOJUE 3:10

Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō:

NDŪ NAJƏ̄ 7:1

Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.

TƏ́DA 13:32

Ba əlan̄ gír a tə́dan̄ najə̄ kə́ majaĺ gə̄ dɔ ɓē ń aw̄ a̰a̰n̄ tə́ ní ta kum ngán Israel gə̄ tə́, ədan̄ na: Dɔ nang ń j-āw̄ j-əndā ma̰ȳ j-a̰ā̰ ní i dɔ nang kə́ a əsa i de kə́ tū tə́ gə̄. Tá de gə̄ malang ń j-a̰a̰də́ tū tə́ ní i de ké ngāl̄ ngá̰ý gə̄.

Teē Ngán Israel gə̄ 34:11

Yá̰á̰ ń m-ā m-ɔ́jə́sí ɓōólaā kadə̄ ī-rāāī ní, ə̄ndāī kumsí gírí majə, na m-ā m̄-tə̄ɓā Amor gə̄ ō, Kanaan gə̄ ō, Het gə̄ ō, Periji gə̄ ō, Hibi gə̄ ō, Yebus gə̄ ō, nosí tə́ kɔ̄ɔ́.

Teē Ngán Israel gə̄ 23:28

M-ā m-ə́la kə gəmbā gēé kété nosí tə́ kadə̄ tə̄ɓān̄ Hibi gə̄ kə Kanaan gə̄ kə Het gə̄ kɔ̄ɔ́ pá tá kadə̄ ā ūgī ɓáý.

Teē Ngán Israel gə̄ 15:19

Dan ń sə́nda gə̄ kə púsə rɔ̄ɔ̄ gə̄ kə ngé kal̄ sə́nda yā Parao̰ gə̄ udən̄ kem kār̄ bā bo tə́ ní, Kɔ́ɔ̄ɓē rāā adə̄ man̄ tél reē ɔr tan dɔdə́ tə́. Banī ngán Israel gə̄ tá gāngə̄n̄ bā bo kanjə̄ kadə̄ man̄ ɔdə njadə́.

Teē Ngán Israel gə̄ 10:2

kadə̄ ə̄niń ngání gə̄ ō, ngán kaaí gə̄ ō, gotə yá̰á̰ ń n-rāā kə de kə́ Ejiptə gə̄ kem ɓē yādə́ tə́ ní ō. Loo ń noō tə́ na ā ī-gerī kadə̄ ni i Kɔ́ɔ̄ɓē.

NDŪ NAJƏ̄ 4:38

Ngɔlaā ni a tə̄ɓā nápar de gə̄ kə́ kutədə́ ō, tɔ́gə́də́ ō, tɔȳ yāsí kɔ̄ɔ́ nosí tə́, ba a aw̄ sesí dɔ nang yādə́ tə́ yā kadə̄sí kadə̄ téĺ yá̰a̰ halasí.

NDŪ NAJƏ̄ 32:7

Ādə̄ əga kemsí dɔ ndɔ̄ kə́ kété gə̄ tə́. Ādə̄ əga kemsí dɔ ɓāl̄ gə̄ ń mānə̄n̄ tə́ ní. Ī-dəjeī bɔbə̄sí gə̄ anī, a ɔjən̄sí. Ī-dəjeī kum kɔɔ̄ yāsí gə̄ anī, a ədan̄sí.

NGÉ SARYA 6:13

Jedeo̰ tél ədan na: Kɔ́ɔ̄ḿ, ré Kɔ́ɔ̄ɓē i naā tə́ sejí anī yá̰a̰ malang kə́ tōr̄ gə̄ ń toō rāān̄jí i tām̄ rí tə́? Yá̰á̰ kə́ yáā gə̄ ń kaají gə̄ ədan̄jí dan ń a ənīnəńjí gotə teē kə́ Kɔ́ɔ̄ɓē teē sedə́ kɔ̄ɔ́ kem ɓē kə́ Ejiptə tə́ ní i rá? Kə́ rɔ̄kum tə́ tā anī Kɔ́ɔ̄ɓē əya̰jí kɔ̄ɔ́ tām̄ ni əlají kem jī Madian gə̄ tə́.

2 SAMUEL 23:12

Banī Sama ra gotoó kem ndɔr̄ ní tə́. Ni ngɔ̄m̄ ndɔr̄ ní ō, tɔ̄l̄ Pilistin gə̄ ō. I beé n Kɔ́ɔ̄ɓē tetəń rɔ̄ɔ̄ kə́ bo adə̄ ngán Israel gə̄ ní.

IJAI 51:9

Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.