PĀ GƏ̄ 43:3 - Bibəl ta Sar̄

³ Ī-rāā ādə̄ m-á̰a̰ loo kə́ unjə̄ kow yāí ō, najə̄ kə́ rɔ̄kum yāí ō. Ādə̄ loo kə́ unjə̄ kow yāí ō, najə̄ kə́ rɔ̄kum yāí ō ɔrmə̄n̄ ta róbə aw̄n̄ seḿ kadə mbal̄ kə́ táĺ yāí tə́, aw̄n̄ seḿ kújə yāí tə́!

Bible sar

³ Ī-rāā ādə̄ m-á̰a̰ loo kə́ unjə̄ kow yāí ō, najə̄ kə́ rɔ̄kum yāí ō. Ādə̄ loo kə́ unjə̄ kow yāí ō, najə̄ kə́ rɔ̄kum yāí ō ɔrmə̄n̄ ta róbə aw̄n̄ seḿ kadə mbal̄ kə́ *táĺ yāí tə́, aw̄n̄ seḿ kújə yāí tə́!

PĀ GƏ̄ 43:3 Referans Kwoze

PĀ GƏ̄ 36:9

Nin̄ əsan̄ yá̰á̰ kə́ nel̄ gə̄ kə́ kem kújə yāí tə́ adə̄ ndān̄də́ ō, ādə̄də́ yá̰á̰ kə́ nel̄ yāí gə̄ kə́ ngá̰ý tītə̄ man̄ bā beé ní adə̄ a̰ȳn̄ ō.

JA̰A̰ 1:4

Ndi kə kumuú i tū Najə̄ tə́, ba ndi kə kumuú ní i loo kə́ unjə̄ kow yā de gə̄.

PĀ GƏ̄ 143:10

Ī-ndóōm̄ loo rāā yá̰á̰ ń kemií ndigə ní, tɔdɔ̄ ḭ̄ i Nə́ɓā yāḿ. Ndílí i Ndíĺ kə́ majə, ādə̄ njə̄rā seḿ dɔ róbə́ kə́ gidə asə naā majə tə́!

PĀ GƏ̄ 119:105

Najə̄ yāí i hor lámbá kə́ unjə̄ kété noḿ tə́, kadə̄ m-á̰a̰ń loo m-ə̄ndań njaḿ. I hor kə́ unjə̄ dɔ róbə yāḿ tə́.

PĀ GƏ̄ 97:11

Loo kə́ unjə̄ kow teē tām̄ yā de kə́ sew tə́, tá de gə̄ ń kemdə́ i súmūú ní rɔ̄də́ nel̄də́ ō.

PĀ GƏ̄ 84:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kənde kə́ Gat. I pā yā ngán yā Kore gə̄.

PĀ GƏ̄ 40:11

m̄-ɓɔ̄ɔ̄ dɔ yá̰a̰ rāāí kə́ gōtə́ kemḿ tə́ alé. M-ə́da na: Ḭ̄ i de kə́ rɔ̄kum ō nge kajə deē ō. m̄-ɓɔ̄ɔ̄ dɔ kem majə yāí ō najə̄ kə́ rɔ̄kum yāí ō, dan ngé kán̄ naā kə́ ngá̰ý gə̄ tə́ alé.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

PĀ GƏ̄ 57:3

m̄-nōō kə̄ dɔ Nə́ɓā kə́ dɔɔ́ sa̰y ngá̰ý tə́ kadə̄ ajəm̄, m̄-nōō kə̄ dɔ Nə́ɓā ń a rāā yá̰a̰ malang tām̄ yāḿ tə́ ní.

PĀ GƏ̄ 3:4

Banī Kɔ́ɔ̄ɓē, ḭ̄ i der yāḿ. Ḭ̄ i kɔsə gɔn yāḿ, nge kun dɔḿ dɔɔ́.

MISE 7:8

Sḭḭ̄ madə̄ ba̰ā̰jí gə̄, ī-lōōī rāā rɔ̄nel̄ najə̄ yājí tə́. Ré j-əsō anī, j-a j-ḭḭ dɔɔ́. Ré jḭḭ i kum loo kə́ ndɔ̄ɔ́ tə́ anī, Kɔ́ɔ̄ɓē i loo kə́ unjə̄ kow yājí.

PĀ GƏ̄ 78:68

Ba gə̄rā i gír ɓē yā Juda, adə̄ i mbal̄ kə́ Siyo̰ ń ni gḛy ní.

PĀ GƏ̄ 46:4

Ká̰a̰ bā bo gə̄ ní ɓār̄ bu bu ō, húūlú dɔdə́ ḭḭ puk puk ō, bā bo gə̄ ní ḭḭn̄ ō, mbal̄ bo gə̄ ndāmə̄n̄ ngingin ō.

PĀ GƏ̄ 42:4

Kadaá ō ndɔ̄ɔ́ ō ní yá̰a̰ kəsaḿ i man̄ kumḿ, tām̄ a dəjemə̄n̄ ngándáńg na ké Nə́ɓā yāḿ ngaá i rá wa.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

1 YÁ̰A̰ GƏ̄ 16:1

Reē əndān̄ sandúkə ní kem kújə tandā ń Dabid adə̄ udən̄ kə rīí ní danaá bang. Gō tə́ anī ndējə̄n̄ Nə́ɓā yá̰a̰ tun̄ gə̄ kə́ róō horoó ō, yá̰a̰ tun̄ gə̄ kə́ tām̄ yā kem kógə̄ḿ tə́ ō.

1 YÁ̰A̰ GƏ̄ 16:39

Dabid əndā Sadok nge tun̄ yá̰a̰ nin̄ kə ngákó̰o̰n kə́ ngé tun̄ yá̰a̰ gēé ta kújə yā Kɔ́ɔ̄ɓē tə́, loo kə́ kḭḭ kə̄ dɔɔ́ kə́ Gabaon tə́,

2 SAMUEL 15:20

Ḭ̄ ī-reē gōḿ tə́ i kə̄ tagə́bēé laā anī ɓōólaā kə m-āw̄ seí loo ɓá a? Loo nəkɔ́ ń kadə̄ m-āw̄ tū tə́ ní gə̄gē m̄-ger̄ aĺ kə̄ laā anī, kə m-úniī kadə̄ āw̄ sejí a? I beé alé, ī-tél āw̄ gogə́ kem ɓēé kə ngákó̰ó̰í gēé, ba ādə̄ Kɔ́ɔ̄ɓē rāā kem majə seí ō, rāā yá̰á̰ kə́ gōtə́ seí ō.

1 YÁ̰A̰ GƏ̄ 21:29

Dan ngeé ń noō tə́ ní kújə yā Kɔ́ɔ̄ɓē ń Moijə rāā kem dəla loo tə́ ní ō, loo tun̄ yá̰á̰ kə́ tām̄ yā yá̰a̰ tun̄ kə́ yā róō horoó tə́ ō ní, ran̄ i loo kə́ kḭḭ kə̄ dɔɔ́ kə́ Gabaon tə́.

2 SAMUEL 15:25

Tā anī mban̄g əda Sadok na: Ī-tél kə sandúkə yā Nə́ɓāá āwń gogə́ kem ɓēé. Ré Kɔ́ɔ̄ɓē ndigə rāā majə seḿ anī a tél yā reē seḿ gogə́ kadə̄ m-á̰a̰ sandúkə yān ɓáý ō, kadə̄ m-á̰a̰ loo ndi yān ɓáý ō.

PĀ GƏ̄ 57:4

Ādə̄ ni ń ndi dɔ rā̰ tə́ ní əla kə kajaá adə̄m̄. Ādə̄ əla rɔ̄sɔl̄ dɔ nge ngɔ̄də̄ḿ tə́, ādə̄ Nə́ɓā əla kə yá̰á̰ kə́ ɔjə kadə̄ ni i nge kem majə ō, nge ra dɔ ndūn tə́ ō, adə̄m̄!