PĀ GƏ̄ 43:2 - Bibəl ta Sar̄

² Tɔdɔ̄ ḭ̄ i Nə́ɓā ń i loo ɓɔ̄ɔ̄ rɔ̄ kə́ ngan̄g ngá̰ý yāḿ ní. Ī-mbātə́m̄ kɔ̄ɔ́ i najə̄ rí tə́? I tām̄ rí tə́ á m̄-njə̄rā kə rɔ̄nelēé aĺ ō, madə̄ ba̰ā̰ rāā kumḿ ndoō tə́ ō ní?

Bible sar

² Tɔdɔ̄ ḭ̄ i Nə́ɓā ń i loo ɓɔ̄ɔ̄ rɔ̄ kə́ ngan̄g ngá̰ý yāḿ ní. Ī-mbātə́m̄ kɔ̄ɔ́ i najə̄ rí tə́? I tām̄ rí tə́ á m̄-njə̄rā kə rɔ̄nelēé aĺ ō, madə̄ ba̰ā̰ rāā kumḿ ndoō tə́ ō ní?

PĀ GƏ̄ 43:2 Referans Kwoze

PĀ GƏ̄ 42:9

Kadaá anī Kɔ́ɔ̄ɓē rāā kem majə seḿ, ndɔ̄ɔ́ anī m-ə̄nī pā yān ō, m̄-ndɔ̄ȳ Nə́ɓā ń i nge rāā kadə̄ m̄-ndi kə kumḿ ní ō.

PĀ GƏ̄ 28:7

Kɔ́ɔ̄ɓē i loo ɓɔ̄ɔ̄ rɔ̄ yāḿ kə́ ngan̄g ngá̰ý ō, i der yāḿ ō. M-ə̄ndā kemḿ dɔn tə́, anī ni dḭḭ̄m̄. Adə̄ m̄-rāā walya ō m-ə̄nī pā m-ɔ́səń gɔnən ō!

EPEJƏ 6:10

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.

PĀ GƏ̄ 94:14

Tɔdɔ̄ Kɔ́ɔ̄ɓē əya̰ gír deē yān gə̄ kɔ̄ɔ́ alé, ni əya̰ yá̰a̰ yān kɔ̄ɔ́ alé.

PĀ GƏ̄ 44:9

J-ənī pā kə dɔ ndɔ̄ gə̄ jə-tɔ̄yń Nə́ɓā yājí. Jə-ndigə tɔ̄ȳ rīn ngándáńg.

JAKARI 10:12

M-ā m-ādə̄ gír deē yāḿ gə̄ tɔ́gə ō, nin̄ a rāān̄ yá̰á̰ kə́ nelə̄m̄ ō. I mā Kɔ́ɔ̄ɓē n m-ə́da najə̄ ń noō ní.

IJAI 45:24

Deē a ənge yá̰a̰ rāā kə́ gōtə́ ō, tɔ́gə ō, i rɔ̄ Kɔ́ɔ̄ɓē tə́ ngóy. De gə̄ malang ń rɔ̄ɔ̄mə̄n̄ ní, a reēn̄ rɔ̄ḿ tə́ kə rɔ̄sɔl̄ kə́ ngá̰ý.

PĀ GƏ̄ 140:7

M-ə́dá Kɔ́ɔ̄ɓē na: Ḭ̄ i Nə́ɓā yāḿ! Kɔ́ɔ̄ɓē, ī-nēl̄ mbīí ōoń ndūḿ loo rāāī ɓɔ́ tə́.

PĀ GƏ̄ 77:7

Ndɔ̄ɔ́ anī əga kemḿ dɔ pā yāḿ tə́, m̄-tél m̄-gír̄ dɔ tə́ ɓáý ō, m̄-dəje rɔ̄ḿ najə̄ ō.

PĀ GƏ̄ 71:9

Dan ń m̄-tɔgə ɓə́ga kɔ̄ɔ́ toō ī-lōō mbātə́m̄, ī-lōō kəya̰m̄ kɔ̄ɔ́ dan ń tɔ́gə́ḿ gətóó ní.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

Teē Ngán Israel gə̄ 15:2

Tɔ́gə́ḿ kə́ ngá̰ý i Kɔ́ɔ̄ɓē, ni dḭḭ̄m̄. Ni i Nə́ɓā yāḿ, m-ā m̄-tɔ̄ȳn. Ni i Nə́ɓā yā bɔbə́ḿ, m-ā m-ɔ́jə kə̄ ndágá kadə̄ ni i de kə́ bo.

PILIPƏ 4:13

Yá̰a̰ gə̄ ń noō malang ní, m-ásə kundə́ dɔḿ tə́ kɔ̄ɔ́, kə ta kūl̄ Kərist nge kadə̄m̄ tɔ́gə.

PĀ GƏ̄ 31:4

Mbal̄ yāḿ ō loo ndiḿ kə́ ngan̄g ngá̰ý ō i ḭ̄. Ɔ́jəm̄ róbə ō ɔ́r noḿ ō ādə̄ de gə̄ tɔ̄ȳn̄neé rīí.

PĀ GƏ̄ 42:10

m̄-ndigə kəda Nə́ɓā ń i mbal̄ yāḿ ní na: Dɔí ndígə̄naləḿ i tām̄ rí tə́? I tām̄ rí tə́ á m̄-njə̄rā kə rɔ̄nelēé aĺ ō, madə̄ ba̰ā̰ḿ rāā kumḿ ndoō tə́ ō ní?

PĀ GƏ̄ 88:15

Kɔ́ɔ̄ɓē, ī-mbātə́m̄ i najə̄ rí tə́? Ī-ɓɔ̄ɔ̄ ta kumií kɔ̄ɔ́ ɔ̄gə̄m̄neé ka̰a̰ī i tām̄ rí tə́?