PĀ GƏ̄ 42:5 - Bibəl ta Sar̄

⁵ Əga kemḿ dɔ yá̰a̰ gə̄ ń toō tə́ anī kemḿ əgam̄ biting. Kété m̄-njə̄rā no kósə de kə́ ngá̰ý gə̄ tə́, m-ɔ́r nodə́ bátə́ m-āw̄ sedə́ kújə yā Nə́ɓā tə́. I kósə́ ngé rāā nāā gə̄ kə́ a əgan̄ i kɔŕ rɔ̄nel̄ dɔ Nə́ɓā tə́ ō, a ɓōkə́n̄ i Nə́ɓā tɔ̄ȳ ō.

Bible sar

⁵ Əga kemḿ dɔ yá̰a̰ gə̄ ń toō tə́ anī kemḿ əgam̄ biting. Kété m̄-njə̄rā no kósə de kə́ ngá̰ý gə̄ tə́, m-ɔ́r nodə́ bátə́ m-āw̄ sedə́ kújə yā Nə́ɓā tə́. I kósə́ ngé rāā nāā gə̄ kə́ a əgan̄ i kɔŕ rɔ̄nel̄ dɔ Nə́ɓā tə́ ō, a ɓōkə́n̄ i Nə́ɓā tɔ̄ȳ ō.

PĀ GƏ̄ 42:5 Referans Kwoze

PĀ GƏ̄ 37:7

Ī-ndi jəke rɔ̄ Kɔ́ɔ̄ɓē tə́, ə̄ndā kemií dɔn tə́. Ī-lōō kadə̄ tōrī kə deē ń kəla rāān teēn yá̰á̰ tə́ ní ō, kə deē ń a rāā yá̰a̰ i kə gól̄ looó ō ní.

PĀ GƏ̄ 61:2

Ɓɔ́ Nə́ɓā, ōō nōō yāḿ, ī-nēl̄ mbīí ōoń ndɔ̄ȳ yāḿ.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

PĀ GƏ̄ 56:3

Ngé rɔ̄ɔ̄ḿ gə̄ aw̄n̄ seḿ gadə gadə kə ndɔ̄ gə̄, banī ɓūtə̄ de kə́ ngá̰ý gə̄ rɔ̄ɔ̄n̄ dɔ rā̰ tə́ tām̄ yāḿ tə́.

PĀ GƏ̄ 43:5

Kə m̄-rāā rɔ̄ḿ ndoō i najə̄ rí tə́? kə m̄-nōō rɔ̄ḿ i tām̄ rí tə́? Kəndā kem dɔ Nə́ɓā tə́, ba tél ɓōkə́n tɔ̄ȳ gogə́ rang i só tə́. Ni i nge kajəḿ ō Nə́ɓā yāḿ ō,

PĀ GƏ̄ 42:11

Ndū ń madə̄ ba̰ā̰ḿ gə̄ tájə̄mə̄n̄ ní tétə̄ kə̄ngāḿ rárák. Nin̄ ədamə̄n̄ kə dɔ ndɔ̄ gə̄ na ké Nə́ɓā yāḿ ngaá i rá wa.

1 SAMUEL 30:6

Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

TƏ́DA 6:26

Ādə̄ Kɔ́ɔ̄ɓē əndā kumən gōsí tə́ ō, sɔl̄ kemsí ō.

Makətūbə̄ yā Job 13:15

Rɔ̄kum, Nə́ɓā a tɔ̄lə̄m̄. Yá̰á̰ kə́ kadə̄ m-ə̄ndā kemḿ dɔ tə́ gətóo. Ɓá tā ba, m-ā m̄-rā non tə́ yā nējəń najə̄ dɔ hálə́ḿ tə́.

PĀ GƏ̄ 71:14

Mā m-ə̄ndā kemḿ dɔí tə́ ngándáńg ō, m-ā m̄-na̰y kə̄ loo kənī pā tə́ yā ɓōkíīneé tɔ̄ȳ ō.

PĀ GƏ̄ 56:11

m̄-tɔ̄ȳ Nə́ɓā tām̄ najə̄ kɔrə̄n tə́. A̰á̰ā̰, m̄-tɔ̄ȳ Kɔ́ɔ̄ɓē tām̄ najə̄ ní tə́.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

PĀ GƏ̄ 77:3

Dan ń wur kɔl əsō dɔḿ tə́ ní, m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́. Ndɔ̄ɔ́ anī m̄-ə́la jīḿ kum kə̄ rɔ̄n tə́ kanjə̄ kɔr ta tə́, m̄-mbātə́ kadə̄ deē sɔl̄ kemḿ.

PĀ GƏ̄ 44:3

Ḭ̄ ī-taā dɔ nang yā nápar de kə́ rang gə̄ jīdə́ tə́ kə jīí ādə̄də́. Ḭ̄ ī-rāā gír de kə́ rang gə̄ majaĺ yā kadə̄ gír deē yāí gə̄ taān̄neé loo kə̄ loo gə̄ tə́.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

PĀ GƏ̄ 35:14

M-āw̄ ō m̄-tél ō tītə̄ kə́ i madə̄ taḿ aké i ngōkó̰ó̰ḿ deē n i mo̰y ní. Rɔ̄ḿ nelə̄ḿ aĺ bátə́ ō, tɔ́gə́ḿ ur̄ wak ō, tītə̄ kə́ i kó̰o̰ kojəḿ n oy beé.

MATIYE 26:38

Anī ni-ədadə́ na rɔ̄n na nelə̄n kə rɔ̄neé aĺ tītə̄ kə́ yā kadə̄ n-oy kɔ̄ɔ́ beē. Kə ndin̄ loo ń toō tə́ laā, kə lōōn̄ ɓīī ba kə́ ndin̄ kə kumdə́ seneé.

PĀ GƏ̄ 38:6

Do kə́ rɔ̄ḿ tə́ gə̄ a̰ȳn̄ wī, otən̄ ndum rḭḭ, ba nge ń noō sɔɔ̄ń i mbóo yāḿ mə̄kɔ́.

IJAI 30:29

Sḭḭ̄ de kə́ Jerusalem gə̄, ā ə̄nīī pā tītə̄ ndɔ̄ rāā nāā tə́ ndɔ̄ɔ́ beē. Kemsí a nel̄sí tītə̄ kem ngé njə̄rā kə gō ndū nalaá kum kə̄ rɔ̄ mbal̄ bo yā Kɔ́ɔ̄ɓē tə́ beē, kum kə̄ rɔ̄ Nə́ɓā ń i mbal̄ yā Israel ní tə́ beē.