PĀ GƏ̄ 40:8 - Bibəl ta Sar̄

⁸ Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

Bible sar

⁸ Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

PĀ GƏ̄ 40:8 Referans Kwoze

Makətūbə̄ ń Pol ndang adə̄ Rom gə̄ ní 7:22

Ndū najə̄ yā Nə́ɓā nel̄ kemḿ ngá̰ý,

JA̰A̰ 4:34

Jeju ədadə́ na: Yá̰a̰ kəsa yāḿ i kadə̄ m̄-rāā kem ndigə yā nge ń əlam̄ ní ō, kadə̄ m̄-rāā kəla yān m̄-tɔ̄l̄ ta ō.

PĀ GƏ̄ 119:16

Yá̰a̰ gə̄ ń ī-ndang kadə̄ yā rāā ní nelə̄m̄ ngá̰ý. dɔḿ ndígə̄nal najə̄ yāí alé.

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

PĀ GƏ̄ 119:24

Yá̰a̰ gə̄ ń ə́dá ní adə̄mə̄n̄ rɔ̄nel̄ ngá̰ý, m-ə́nge kɔjə̄ kə́ majə gə̄ tū tə́.

PĀ GƏ̄ 119:47

Gō míndí gə̄ nelə̄m̄ ngá̰ý, m̄-rāā tɔdɔ̄də́ ngá̰ý.

PĀ GƏ̄ 119:92

Nə́ngētə́ ndū najə̄ yāí nelə̄m̄ ngá̰ý aĺ anī, wur kɔl tɔ̄lə̄m̄ kɔ̄ɔ́.

PĀ GƏ̄ 112:1

Aleluya! Rɔ̄nel̄ i kə deē ń ɓōĺ ndíl Kɔ́ɔ̄ɓē ō, nelə́n kə gō míndən gēé ō ní.

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 3:1

Ngōnə̄ḿ, ī-lōō kadə̄ dɔí ndígə̄nal yá̰á̰ ń m̄-ndóōí ní ō, ādə̄ dan wurií ngɔ̄m̄ gō míndə́ḿ gə̄ ō.

2 KORḚNTƏ 3:3

Kadə̄ sḭḭ̄ i makətūbə̄ kə́ Kərist ndang əla jījí tə́ kadə̄ j-adə̄ de gə̄ ní, nge ń noō to i kə̄ dɔ ndágá. Sḭḭ̄ i makətūbə̄ kə́ ndang kə man̄ yá̰á̰ kə́ nduluú alé, banī i kə́ ndang kə Ndíĺ Nə́ɓā kə́ ndi kə kumneé. Sḭḭ̄ i najə̄ kə́ ndang dɔ ngán mbal̄ kə́ laa gə̄ tə́ alé, ba i dan wur deē tə́.

Makətūbə̄ yā Job 23:12

Yá̰á̰ ń ni-əda na kə m̄-rāā ní, m̄-mbātə́ alé. m̄-ndigə yá̰a̰ gə̄ ń ni ndang kadə̄ yā rāā ní tɔȳ gír̄ yāḿ mə̄kɔ́ ń m̄-rā dɔ tə́ yā rāań yá̰á̰ ní.

Makətūbə̄ ń Pol ndang adə̄ Rom gə̄ ní 8:29

Tɔdɔ̄ ngé gə̄ ń Nə́ɓā gə̄rādə́ kété ní, ni-gḛy rāādə́ kadə̄ a ton̄ tītə̄ Ngōnən i kété ō, yā kadə̄ Ngōnən i ngatɔ́gə́ ngákó̰o̰n kə́ ngá̰ý gə̄ ō.