PĀ GƏ̄ 40:5 - Bibəl ta Sar̄

⁵ Rɔ̄nel̄ i kə deē ń ənī kemən adə̄ Kɔ́ɔ̄ɓē, ba tūr̄ gidən adə̄ ngé kɔjə rɔ̄ gə̄ ō, ngé sor̄ gə̄ ō ní.

Bible sar

⁵ Rɔ̄nel̄ i kə deē ń ənī kemən adə̄ Kɔ́ɔ̄ɓē, ba tūr̄ gidən adə̄ ngé kɔjə rɔ̄ gə̄ ō, ngé sor̄ gə̄ ō ní.

PĀ GƏ̄ 40:5 Referans Kwoze

JEREMI 29:11

Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

Teē Ngán Israel gə̄ 15:11

Kɔ́ɔ̄ɓē, i nə́ɓā kə́ rá n to tītīí ní? I náā n hálən i kə́ táĺ ngá̰ý tītə̄ yāí ō, to ɓōĺ tītīí ō, asə kadə̄ ɓōkə́nən̄ tɔ̄ȳ tītīí ō, asə rāā yá̰á̰ kə́ to ɓōĺ gə̄ tītə̄ yāí ō ní?

PĀ GƏ̄ 71:15

Kə ndɔ̄í bátə́ kadə̄ loo tíbəń ní, m-ɔ̄r̄ i najə̄ háĺ kə́ gōtə́ yāí ō, m-ɔ́jə i loo kajə ń ájə deē ní ō, tām̄ kem majə ń ī-rāā ní deē asə tə́da kutən təgā alé.

PĀ GƏ̄ 92:5

Tɔdɔ̄ Kɔ́ɔ̄ɓē, yá̰a̰ rāāí adə̄m̄ rɔ̄nel̄ ō, ré m̄-rā ta kəla gə̄ ń ī-rāādə́ kə jīí tə́ ní ɓáa, m-úr i kɔĺ rɔ̄nel̄ ō.

PĀ GƏ̄ 136:4

I nəkɔ́ ngóy n rāā yá̰á̰ kə́ yáā kə́ bo ngá̰ý gə̄ ní, tɔdɔ̄ kem majə yān to ngándáńg.

PĀ GƏ̄ 139:6

I yá̰a̰ ger̄ kə́ to loo mundə̄ tə́ kə́ tɔȳ dɔḿ, i dɔɔ́ sa̰y ngá̰ý adə̄ m-ásə kugə̄ gō tə́ alé!

Makətūbə̄ yā Job 9:10

Ni-rāā yá̰á̰ kə́ bo gə̄ kə́ deē asə ger̄ aĺ gə̄. Yá̰á̰ kə́ majə kə́ to kɔr kum gə̄ ń ni-rāā ní, deē asə tə́da kutədə́ alé.

Makətūbə̄ yā Job 5:9

Nge rāā yá̰á̰ kə́ bo gə̄ kə́ deē asə ger̄ kum aĺ gə̄, ni ń deē asə tə́da kutə yá̰á̰ kə́ to kɔr kum gə̄ ń ni-rāā ní malang aĺ ní.

Makətūbə̄ yā Job 26:14

Kəla rāān gə̄ ní ré i núsən kə́ sḛ́ý beē ngóy n noó, i kōōn kə́ sḛ́ý beē ngóy n j-ōōī noó anī, kəla rāān kə́ bo gə̄ ń kōōdə́ ɓār̄ tītə̄ ndán̄g man̄ beé ní, i náā n a ger̄ kum ní?

Teē Ngán Israel gə̄ 11:8

Kum mbang ń noō tə́ ní ngé kəla yān gə̄ ń ran̄ noó ní, na a reēn̄ yā tétə̄ kejədə́ nang tə́ non ni Moijə tə́ malang ō, a ədanən̄ na kə n-teē kɔ̄ɔ́ kə gír deē yān gēé ō. Loo ń noō tə́ n-a n-teē. Wōn̄g rāā Moijə ngá̰ý adə̄ teē ta Parao̰ tə́ kɔ̄ɔ́.

PĀ GƏ̄ 73:28

Banī ndi majə yāḿ mā i ndi ngɔr rɔ̄ Nə́ɓā tə́. m̄-ɓɔ̄ɔ̄ rɔ̄ḿ i rɔ̄ Kɔ́ɔ̄ɓē Nə́ɓā tə́, kadə̄ m-ɔ́jəń kəla rāāí gə̄ malang.