PĀ GƏ̄ 40:2 - Bibəl ta Sar̄

² M-ə̄ndā kemḿ dɔ Kɔ́ɔ̄ɓē tə́ adə̄ ngan̄g ngá̰ý, anī ni nēl̄ mbīn oōń nōō yāḿ.

Bible sar

² M-ə̄ndā kemḿ dɔ Kɔ́ɔ̄ɓē tə́ adə̄ ngan̄g ngá̰ý, anī ni nēl̄ mbīn oōń nōō yāḿ.

PĀ GƏ̄ 40:2 Referans Kwoze

PĀ GƏ̄ 37:23

Nja deē a ngan̄g loo njə̄rā tə́ i kə ta kūl̄ Kɔ́ɔ̄ɓēé ō, róbə́ ń un ní nel̄ Kɔ́ɔ̄ɓē ō.

PĀ GƏ̄ 119:133

Ī-rāā ādə̄ njaḿ əhɔ dɔ nang majə kə ta kūl̄ yá̰a̰ gə̄ ń ɔ́sə kə de gēé ta rāā ní ō, ī-lōō kəya̰ yá̰á̰ kə́ majaĺ kógə̄ḿ kadə̄ o̰o̰ ɓē dɔḿ tə́ ō.

PĀ GƏ̄ 27:5

Tām̄ ndɔ̄ ń yá̰á̰ kə́ to kum kaȳ aĺ teē dɔḿ tə́ ní, ni ɓɔ̄ɔ̄m̄ looneé. Ni ɓɔ̄ɔ̄m̄ gə́lé kújə yān tə́ ō, əndām̄ dɔɔ́ dɔ mbal̄ tə́ ō.

PĀ GƏ̄ 61:2

Ɓɔ́ Nə́ɓā, ōō nōō yāḿ, ī-nēl̄ mbīí ōoń ndɔ̄ȳ yāḿ.

PĀ GƏ̄ 71:20

Ḭ̄ ī-rāā ādə̄ wur kɔl əsō dɔḿ tə́ ō, yá̰á̰ kə́ to kum kaȳ aĺ gə̄ teēn̄ dɔḿ tə́ ō. Banī ā ī-reē yā rāām̄ kadə̄ m-ā m̄-ndi kə kumḿ gogə́. Ā ī-reē yā teē seḿ kɔ̄ɔ́ ɓádá, kem bəlo kə́ lú ngá̰ý tə́.

PĀ GƏ̄ 86:13

Tɔdɔ̄ kem majə ń ī-rāā seḿ ní to ɓōĺ ngá̰ý, ī-teē seḿ kem bəlo kə́ lú ngá̰ý yā yo tə́ kɔ̄ɔ́.

PĀ GƏ̄ 69:2

Nə́ɓā, ájəm̄, tɔdɔ̄ man̄ əhɔm̄ míndə́ḿ tə́ dɔɔ́.

JAKARI 9:11

Kɔ́ɔ̄ɓē əda na: Sɔɔ̄ń madə̄ naā ń m-ə́hɔ sesí ní ō, mósə́ kə́ ɓōkə́ nang tə́ kə́ ɔjə kadə̄ m-ə́hɔ madə̄ naā sesí rɔ̄kum ō ní, de gə̄ ń əhɔn̄də́ dəngáyá á ton̄ gə́le bəlo taā man̄ ndi kə́ man̄ gətóo kemeé tə́ ní, m-ā m-ɔ̄r̄də́ dəngáyá.

PĀ GƏ̄ 18:36

Ḭ̄ ādə̄m̄ der yāí ń ī-tetəń rɔ̄ɔ̄ ní. Jī ko̰í ɔsəm̄ kə̄ dɔɔ́. Kem majə yāí rāā adə̄ m̄-tél de kə́ bo.

KƏLA RĀĀ 2:24

Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.

PĀ GƏ̄ 143:3

Madə̄ ba̰ā̰ḿ rāā kumḿ ndoō tə́, ənīm̄ nang tə́ ba tə́ɓām̄ kə njaneé, rāā adə̄ m̄-ndi kum loo kə́ risə til nding tə́ tītə̄ de gə̄ ń oyn̄ jōó kɔ̄ɔ́ ní beē.

PĀ GƏ̄ 17:5

M-ə́hɔ rɔ̄ḿ tɔgə dɔ róbə́ kə́ kunən tōr̄ ngá̰ý tə́. Njaḿ tɔ̄ɔ̄ sḛ́ý dɔ róbə́ ń ə́da na kə m-úń ní tə́ alé.

PĀ GƏ̄ 116:3

Yo ɓírə̄m̄ kə kəlā yānneé adə̄ ngan̄g, loo kə́ ɓádá əhɔm̄, ɔgə̄m̄ loo rāā rɔ̄ḿ, wur kɔl əsō dɔḿ tə́ ō, m-ə́ngé yá̰á̰ kə́ tōr̄ ō.

MATIYE 13:50

yā tə́nīdə́ kum hor kə́ bo ngá̰ý tə́. Nin̄ a nōōn̄ ō, a máyā̰n̄ ngān̄gdə́ ō loo ngeé ń noō tə́.

IJAI 24:22

A kánə̄n̄də́ tītə̄ dəngáy gə̄ beé kem bəlo kógə̄ḿ kə́ bo tə́. A utə̄n̄ tadə́ kem kújə dəngáý kógə̄ḿ tə́. Ndɔ̄ ngá̰ý gō tə́ anī, i gáŕ kadə̄ nin̄ a ɔjən̄ yá̰a̰ rāādə́ gə̄.

PĀ GƏ̄ 18:7

Dan ń wur kɔl əsō dɔḿ tə́ ní m̄-ɓāŕ Kɔ́ɔ̄ɓē, m̄-nōō kə̄ dɔ Nə́ɓā yāḿ tə́ kadə̄ dḭḭ̄m̄. Ni-ndi kem kújə yān tə́ oō ndūḿ. Nōō yāḿ əsō mbīn tə́.