PĀ GƏ̄ 40:10 - Bibəl ta Sar̄

¹⁰ M-ə́da najə̄ yá̰á̰ kə́ gōtə́ gə̄ ń ī-rāā ní dan ngé kán̄ naā kə́ ngá̰ý gə̄ tə́. Kɔ́ɔ̄ɓē, ī-ger̄ kadə̄ m-ūtə̄ taḿ alé.

Bible sar

¹⁰ M-ə́da najə̄ yá̰á̰ kə́ gōtə́ gə̄ ń ī-rāā ní dan ngé kán̄ naā kə́ ngá̰ý gə̄ tə́. Kɔ́ɔ̄ɓē, ī-ger̄ kadə̄ m-ūtə̄ taḿ alé.

PĀ GƏ̄ 40:10 Referans Kwoze

PĀ GƏ̄ 34:6

Ngé gə̄ ń a̰a̰n̄ loo kum kə̄ rɔ̄n tə́ ní ta kumdə́ i kə kəgōó jarya ō, dɔ kumdə́ a síndə̄rī to̰ aĺ ō.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

1 TESALONIK 1:8

Tɔdɔ̄ najə̄ yā Kɔ́ɔ̄ɓē ń ḭḭ loosí ní, ugə̄ i Masedəwan ō, Akayi ō, ngóy alé. Tām̄ de gə̄ oōn̄ najə̄ taā kem yāsí i kə̄ loo gə̄ tə́ malang, adə̄ j-a j-ɔr̄ najə̄n kə de gēé to̰ alé.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

Makətūbə̄ ń Pol ndang adə̄ Rom gə̄ ní 10:3

Tɔdɔ̄ nin̄-gerə̄n̄ loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé, adə̄ ḭḭ sāān̄ i loon yādə́ nin̄ kɔ́ gə̄ kə́ sɔɔ̄ dɔdə́. A loo ń noō tə́ ní nin̄-aw̄n̄ gír loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé.

Najə̄ kə́ Majə yā Jeju ń Luk ndang ní 3:6

Loo ń noō tə́ de gə̄ malang a a̰a̰n̄ loo kajə ń Nə́ɓā a ajə deē ní.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

EJEKIEL 2:7

Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

PĀ GƏ̄ 89:1

Pā kə́ kəda yā Etan kə́ ngōn̄ nge ɓē.

PĀ GƏ̄ 25:10

Yá̰a̰ gə̄ ń Kɔ́ɔ̄ɓē ɔjə malang ní i kem majə ō, ra dɔ ndū tə́ ō tām̄ yā ngé gə̄ ń rāān̄ yá̰á̰ ń ndū najə̄ kə́ dɔ madə̄ naā yān tə́ əda ní.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

PĀ GƏ̄ 22:26

Kɔ́ɔ̄ɓē, i ḭ̄ n ī-rāā adə̄ m̄-ɓókíī tɔ̄ȳ dan kósə́ ngé kán̄ naā kə́ ngá̰ý gə̄ tə́ ní. M-ā m̄-ra dɔ ndūḿ ń m-ə̄nī m-ādī tə́ ní ta kum ngé ɓōĺ ndílí gə̄ tə́.

PĀ GƏ̄ 75:9

Kɔ́ɔ̄ɓē əhɔ kópə kógə̄ḿ jīn tə́, ɓōkə́ kasə nduú kə́ ngan̄g ō, kə́ tām̄ ō, kemeé. Ngé mbātə́ Nə́ɓā gə̄ malang kə́ dɔ nang tə́ a a̰ȳn̄ ō, a tō̰nə́n̄ bɔrən kə́ na̰y gírí gə̄gē dɔ tə́ ō.