PĀ GƏ̄ 4:1 - Bibəl ta Sar̄

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. A dānə̄n̄ gō i kə kəndeé.

Bible sar

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. A dānə̄n̄ gō i kə kəndeé.

PĀ GƏ̄ 4:1 Referans Kwoze

2 KORḚNTƏ 1:10

I ni n ɔr̄jí ta yo kə́ tītə̄ ń noō tə́ ō, a ɔr̄jí ɓáý ō ní. A̰á̰ā̰, j-əndā kemjí dɔn tə́ kadə̄ a ajəjí ta yo tə́ ɓáý.

PĀ GƏ̄ 119:132

Ī-tūr̄ kumií kə̄ rɔ̄ḿ tə́, ba ī-rāā seḿ tītə̄ ń ī-gḛyń kadə̄ i tītə̄ ń noō tām̄ yā ngé gḛy rīí gə̄ tə́ ní.

PĀ GƏ̄ 25:16

Kɔ́ɔ̄ɓē, ī-tūr̄ kumií kə̄ rɔ̄ḿ tə́ á̰a̰ kum tō ndoō yāḿ, tɔdɔ̄ mə̄kɔ́ i kə kérə́ḿ ō kumḿ tō ndoō ngá̰ý ō.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

PĀ GƏ̄ 17:6

Ngɔlaā ní m̄-reē kə sarya yāḿ rɔ̄í tə́ kadə̄ ī-gān̄g kə gōó. Tɔdɔ̄ ḭ̄ i Nə́ɓā kə́ deē ɓāríī anī ā ī-ndigən. Ī-nēl̄ mbīí kə̄ rɔ̄ḿ tə́, ōō yá̰á̰ ń m-ə́dá ní.

HABAKUK 3:19

Kɔ́ɔ̄ɓē Nə́ɓā i tɔ́gə́ḿ. Ni rāām̄ adə̄ m-ɔ́l tītə̄ dul beé ō, rāām̄ ādə̄ m̄-njə̄rā dɔ loo kə́ kḭḭ kə̄ dɔɔ́ gə̄ tə́ ō.

IJAI 45:24

Deē a ənge yá̰a̰ rāā kə́ gōtə́ ō, tɔ́gə ō, i rɔ̄ Kɔ́ɔ̄ɓē tə́ ngóy. De gə̄ malang ń rɔ̄ɔ̄mə̄n̄ ní, a reēn̄ rɔ̄ḿ tə́ kə rɔ̄sɔl̄ kə́ ngá̰ý.

PĀ GƏ̄ 143:2

Mā i nge kəla yāí adə̄ ī-lōō rāā sarya seḿ, tɔdɔ̄ de kə́ súmūú ta kumií tə́ gətóo.

PĀ GƏ̄ 57:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.

PĀ GƏ̄ 45:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. Pā yā ngán Kore gə̄ yā ndóoń deē yá̰a̰. I pā tár.

PĀ GƏ̄ 22:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā: Wāl̄ kə́ ta gír loo tə́ beē. I pā yā Dabid.

1 SAMUEL 17:37

Dabid əda to̰ na: Kɔ́ɔ̄ɓē ń ɔrə̄m̄ kɔ̄ɔ́ ta hēl̄ jī ɓɔl tə́ ō, ta hēl̄ jī dā̰ úrsə tə́ ō ní, a ɔrə̄m̄ kɔ̄ɔ́ jī Pilistin ń toō tə́ ō. Saul əda Dabid na: Āw̄ ba ādə̄ Kɔ́ɔ̄ɓē i naā tə́ seí.

2 KORḚNTƏ 1:8

Tɔdɔ̄ ngákó̰ó̰jí gə̄, jə-gḛy kadə̄ ī-gerī gō yá̰á̰ kə́ tōr̄ gə̄ ń rāān̄jí dɔ nang kə́ Aji tə́ ní: Yá̰á̰ kə́ tōr̄ gə̄ ní ɔȳn̄jí ngá̰ý, kɔȳdə́ tɔȳ tɔ́gə́jí, adə̄ j-əndā kemjí dɔ ndi tə́ kə kumjí to̰ alé.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

PĀ GƏ̄ 76:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā yā Asap. Pā.

PĀ GƏ̄ 67:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kendeé. Pā.

PĀ GƏ̄ 42:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā ngán Kore gə̄.

PĀ GƏ̄ 31:8

M-ā m̄-ndām̄ kə rɔ̄nelēé tām̄ yá̰a̰ rāāí kem majə yāí tə́, tɔdɔ̄ ḭ̄ á̰a̰ rɔ̄ tō ndoō yāḿ ō, ī-ger̄ wur kɔl yāḿ ō.

PĀ GƏ̄ 24:5

Kɔ́ɔ̄ɓē a rāā majə seneé, ni a tél de kə́ súmūú kə ta kūl̄ Nə́ɓā yān kə́ nge kajən.

PĀ GƏ̄ 11:7

Tɔdɔ̄ Kɔ́ɔ̄ɓē i de kə́ súmūú, ni gḛy yá̰a̰ malang ń i yá̰á̰ kə́ gōtə́ ní ō, de kə́ súmūú gə̄ a a̰a̰n̄ ta kumən ō.

PĀ GƏ̄ 116:16

A̰á̰ā̰ Kɔ́ɔ̄ɓē, mā i nge kəla yāí, nge kəla yāí kə́ dəngam kə́ ngōn̄ kem nge kəla yāí kə́ dəyá̰. Ḭ̄ ī-tútə kəla ń do̰ō̰mə̄n̄neé ní kɔ̄ɔ́.

PĀ GƏ̄ 116:6

Kɔ́ɔ̄ɓē i nge ngɔ̄m̄ de kə́ kumdə́ gān̄g aĺ gə̄. Kété ní tɔ́gə́ḿ gətóo ba ni ajəm̄.

PĀ GƏ̄ 56:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā déŕ kə́ dɔ kāgə̄ kə́ bo gə̄ kə́ loo kə́ sa̰y ngá̰ý tə́. I pā yā Dabid kə́ yā ndóoń deē yá̰a̰. Ɔr̄ i najə̄ yā Dabid ń Pilistin gə̄ əhɔnən̄ kem ɓē kə́ Gat tə́ ní.

PĀ GƏ̄ 41:12

Yá̰á̰ ń m̄-gerə̄ń kadə̄ nelī seḿ ní n toó: Madə̄ ba̰ā̰ḿ əga kɔŕ tetə rɔ̄ɔ̄ dɔḿ tə́ to̰ alé.

PĀ GƏ̄ 6:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kənde kə́ kəlān i sɔ́sɔ́. I pā yā Dabid.

Makətūbə̄ yā Job 36:16

Kété ní Nə́ɓā un yá̰á̰ kə́ majaĺ dɔí tə́ kɔ̄ɔ́, ba adī ndi majə kə́ ngá̰ý kum gotə. Dan ngeé ń noō tə́ ní, yá̰a̰ kəsa kə́ nel̄ gə̄ i ngá̰ý dɔ tábəl kəsa yá̰a̰ yāí tə́.