PĀ GƏ̄ 39:5 - Bibəl ta Sar̄

⁵ Kɔ́ɔ̄ɓē, ɔ́jəm̄ ndɔ̄ ń gír yāḿ a gāngəń ní ādə̄ m̄-ger̄. M-ā m̄-rāā i ndɔ̄ kóndóńg? Ādə̄ m̄-ger̄ kadə̄ mā i de kə́ ndɔ̄ḿ i ngá̰ý alé!

Bible sar

⁵ Kɔ́ɔ̄ɓē, ɔ́jəm̄ ndɔ̄ ń gír yāḿ a gāngəń ní ādə̄ m̄-ger̄. M-ā m̄-rāā i ndɔ̄ kóndóńg? Ādə̄ m̄-ger̄ kadə̄ mā i de kə́ ndɔ̄ḿ i ngá̰ý alé!

PĀ GƏ̄ 39:5 Referans Kwoze

PĀ GƏ̄ 144:4

Deē ndul to i tītə̄ nél, ndɔ̄n gə̄ ton̄ i tītə̄ ndíl kāgə̄ gə̄ kə́ a mānə̄n̄ kɔ̄ɔ́ beē.

PĀ GƏ̄ 89:47

Kɔ́ɔ̄ɓē, ā ī-ɓɔ̄ɔ̄ rɔ̄í i bátə́ ta kə́ rá? Wōn̄g yāí a o̰o̰ loo bir bir i bátə́ ta kə́ rá?

PĀ GƏ̄ 62:9

Sḭḭ̄ gír de gə̄ ə̄ndāī kemsí dɔn tə́ ngándáńg! Ə́daniī yá̰á̰ ń tōr̄ rɔ̄sí ní. Nə́ɓā i loo ɓɔ̄ɔ̄ rɔ̄ yājí.

KOHELET 2:11

Banī m̄-tél m̄-tūr̄ rɔ̄ḿ kə̄ rɔ̄ kəla gə̄ malang ń m̄-rāādə́ kə jīḿ ní tə́ ō, kə̄ rɔ̄ kəla ń rāān tōr̄ rɔ̄ḿ ngá̰ý ní tə́ ō. M-á̰a̰ kadə̄ yá̰a̰ gə̄ ń noō malang i yá̰á̰ kə́ kanjə̄ kumən tītə̄ loo ngɔ̄də́ gō nél yā kəhɔn beé. Deē a ənge yá̰á̰ kógə̄ḿ gírí dɔ nang tə́ laā alé.

JAKƏ 4:14

ba ī-gerī ta kə́ nosí tə́ aĺ ní, ndisí kə kumsí i tītə̄ kūndə́ man̄ kə́ sū sa sḛ́ý ba sində̄ kɔ̄ɔ́.

PĀ GƏ̄ 39:11

Ādə̄ asiī kəndam̄, na ndéy jīí a tɔ̄lə̄m̄.

Makətūbə̄ yā Job 7:6

Ndɔ̄ḿ mān̄ láẃ ngá̰ý tɔȳ goy kəlā kə́ jī nge kəjō kūbə̄ tə́, ndɔ̄ḿ təgā dan ń kəla kəndā kem dɔ tə́ yāḿ ugə̄ ta ngóý tə́ kɔ̄ɔ́ ní.

IJAI 40:17

Nápar de gə̄ malang ní nin̄ i yá̰á̰ kógə̄ḿ ta kum Kɔ́ɔ̄ɓē tə́ alé, ni tə́dádə́ alé, nin̄ i néĺ ngóy.

KOHELET 1:2

Kohelet ń i nge kɔjə ngé kán̄ naā gə̄ najə̄ ní, əda na: Yá̰a̰ malang kumən gətóo, yá̰a̰ malang kumən gətóo, yá̰a̰ malang i yá̰á̰ kə́ kumən gətóo.

TA KƏLA 47:9

Jakob tél ədan na ɓāl̄ gə̄ ń na n-njə̄rań mbā ní na i ɓāl̄ ɓú kə kutə mətá. Ndɔ̄n gə̄ na təgān̄ láẃ ngá̰ý ō, ɓāl̄ gə̄ ń yá̰á̰ kə́ ngan̄g gə̄ na rāānənə̄ń ní na i ngá̰ý ō. Ɓālə̄n na asə gō yā bɔbə̄n ō, yā kaan gə̄ ō ń na njə̄rānəń mbā tə́ ní alé.

2 PIYER 3:8

Ɓá tā ba kó tár gə̄, yá̰á̰ kógə̄ḿ to noó kə́ majə kadə̄ dɔsí ndígə̄nal alé. Yá̰á̰ ni n toó: Tām̄ yā Kɔ́ɔ̄ɓē tə́ ɓáa ndɔ̄ kə́ kógə̄ḿ beē i tītə̄ ɓāl̄ kə́ dūbú beé ō, ɓāl̄ kə́ dūbú i tītə̄ ndɔ̄ kə́ kógə̄ḿ beē beé ō.

2 SAMUEL 19:34

Mban̄g ədan na kə aw̄ kə ndi seneé Jerusalem kadə̄ n-a̰a̰ gōn.

PĀ GƏ̄ 90:12

Ī-ndóōjí loo tə́da ndɔ̄jí gə̄. Anī kemjí a ger̄ najə̄.