PĀ GƏ̄ 38:2 - Bibəl ta Sar̄

² Kɔ́ɔ̄ɓē, ī-lōō kəndam̄ kə wur katāá! Ī-lōō kəndam̄ kə wōngōó!

Bible sar

² Kɔ́ɔ̄ɓē, ī-lōō kəndam̄ kə wur katāá! Ī-lōō kəndam̄ kə wōngōó!

PĀ GƏ̄ 38:2 Referans Kwoze

PĀ GƏ̄ 32:4

Tɔdɔ̄ kadaá gē, ndɔ̄ɔ́ gē ní, Kɔ́ɔ̄ɓē, ndéy jīí ɓār̄ dɔḿ tə́ rututu. Adə̄ tɔ́gə́ḿ gətóo tītə̄ yā kōō kə́ man̄ əhɔ laa dɔ tə́ beé.

Makətūbə̄ yā Job 6:4

A̰á̰ā̰, Nə́ɓā kə́ tɔ́gən i ngá̰ý túrə̄m̄ kə kum gərā yān gēé, adə̄ dā̰ rɔ̄ḿ njíbə̄ kong kəga kə́ majaĺ ngá̰ý kə́ ta gərā yān gə̄ tə́. Yá̰a̰ gə̄ malang ń Nə́ɓā a əlań ɓōĺ kə́ ngá̰ý kem de gə̄ tə́ ní, əndān̄ rɔ̄də́ kə ta naá kə jī loo rɔ̄ɔ́ yā rɔ̄ɔ̄m̄.

NŌŌ RƆ̄ 3:12

Ni ndɔ́r̄ gō ga̰ gərā yān ō, serəm̄ tītə̄ yá̰á̰ kə́ yā kur kə kum gərāá ō.

PĀ GƏ̄ 64:7

Nin̄ gírə̄n̄ yá̰á̰ kə́ majaĺ yā rāā ba ədan̄ na: Yá̰á̰ ń jə-sāā rāā ní jə-nóm̄ loon majə, deē asə ger̄ gír̄ kə́ kem deē tə́ alé!

PĀ GƏ̄ 21:12

Ré nómə̄n̄ rāā yá̰á̰ kə́ majaĺ seí ō, oōn̄ naā dɔí tə́ loo mundə̄ tə́ ō anī, a asən̄ rāā yá̰á̰ kógə̄ḿ seí alé.

1 SAMUEL 6:9

Ba á̰a̰ī gōdə́: Ré man̄g gə̄ unən̄ i róbə́ kə́ ta kaw̄ kə̄ dɔ nang kə́ Israel tə́ adə̄ kumdə́ sɔɔ̄ Bet Semes anī, kumən na i Nə́ɓā yā Israel gə̄ nəkɔ́ n rāājí yá̰á̰ kə́ tōr̄ ń toō ní. Ba ré unən̄ i róbə́ kə́ rang anī i ni alé ba i kɔ́l n rāājí ní.

1 SAMUEL 5:11

Ə́lan̄ gō ngār gə̄ yā Pilistin gə̄ tə́ adə̄ reēn̄ malang ba ədan̄də́ na: Əlaī kə sandúkə yā Nə́ɓā yā Israel gēé gogə́ ɓēé. Ré ə́laīneé aĺ anī j-a j-oyiī malang. Kɔ́ɔ̄ɓē rāā adə̄ yá̰á̰ kə́ to yo reē dɔ ɓē yādə́ tə́, adə̄ de gə̄ malang ɓōlə́n̄ ngá̰ý.

1 SAMUEL 5:6

Kɔ́ɔ̄ɓē rāā adə̄ yá̰á̰ kə́ tōr̄ rāā de kə́ Asdod gə̄. Ni- rāā adə̄ yá̰a̰ gə̄ nujən̄ ngá̰ý kem ɓē yādə́ tə́ ō, adə̄ yá̰a̰ agə̄də́ ō, agə̄ de kə́ gō nang kə́ Asdod tə́ gə̄ malang ō.

RUTƏ 1:13

ā ī-ndiī yā ngóōdə́ kadə̄ tɔgən̄ a? Ā ī-lōōī gír taā de kə́ rang tə́ tām̄ yādə́ tə́ a? I beé alé ngánə́ḿ gə̄! Wurəḿ ɔlə̄m̄ ngá̰ý, wur kɔl yāḿ tɔȳ yāsí, tɔdɔ̄ Kɔ́ɔ̄ɓē əndam̄ kə ndéy jīneé.

NDŪ NAJƏ̄ 2:15

Kɔ́ɔ̄ɓē nəkɔ́ əndā jīn gōdə́ tə́ tə̄ɓańdə́ kem ɓēé kɔ̄ɔ́ bátə́ adə̄ təgān̄neé malang.

PĀ GƏ̄ 6:2

Kɔ́ɔ̄ɓē, ī-lōō kəndam̄ kə wur katāá! Ī-lōō kəndam̄ kə wōngōó!