PĀ GƏ̄ 38:10 - Bibəl ta Sar̄

¹⁰ Kɔ́ɔ̄ɓē, to̰ō̰ yāḿ gə̄ malang i ta kumií tə́ ō, sɔ̄ḿ yāḿ kə́ ḭ̄ ī-ger̄ gō aĺ gətóo ō.

Bible sar

¹⁰ Kɔ́ɔ̄ɓē, to̰ō̰ yāḿ gə̄ malang i ta kumií tə́ ō, sɔ̄ḿ yāḿ kə́ ḭ̄ ī-ger̄ gō aĺ gətóo ō.

PĀ GƏ̄ 38:10 Referans Kwoze

PĀ GƏ̄ 6:7

m̄-to̰ō̰ bátə́ adə̄ kɔr to̰ō̰ taā tɔ́gə́ḿ kɔ̄ɔ́. Man̄ kumḿ nɔ̄l̄ tə̄rá yāḿ ndɔ̄ɔ́ kə dɔ ndɔ̄ gə̄. Man̄ nōō kə́ kumḿ tə́ nɔ̄l̄ yá̰a̰ toḿ.

PĀ GƏ̄ 88:9

Ḭ̄ ī-rāā adə̄ ngé gə̄ ń j-ənī kemjí j-adə̄ naā ní əya̰mə̄n̄ kɔ̄ɔ́. Ī-rāā ādə̄ m̄-téĺ yá̰á̰ kə́ to yḛr kum ta kumdə́ tə́. Gāngə̄n̄ gírə́ḿ kum yá̰á̰ kə́ tōr̄ tə́, ta róbə́ kə́ yā kadə̄ m̄-teēń gətóo.

PĀ GƏ̄ 69:3

M-údə kum bɔr kə́ lú ngá̰ý tə́ kə́ loo kə́ ngan̄g gətóó gírí ō, yá̰á̰ kə́ yā kəhɔm̄ kə̄ dɔɔ́ gətóo tū tə́ ō. Mā i dan ɓūlūú. Katə man̄ əjam̄ aw̄ seḿ.

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

IJAI 21:4

Dɔḿ ndi kə gōó alé, ɓōĺ rāām̄ adə̄ m̄-ndew. m̄-ngóō loo kə́ loo tíbí yā kadə̄ loo sɔlə̄m̄ lɔm sḛ́ý, ba ń toō ɓáa loo kə́ ndɔ̄ɔ́ əla ɓōĺ kemḿ tə́.

PĀ GƏ̄ 119:123

Kumḿ ɔr kɔ̄ɔ́ loo ngóō kajə kə́ kadə̄ ájəm̄ tə́ ō, loo sāā yá̰á̰ ń háĺ kə́ gōtə́ yāí ɔjə ní tə́ ō.

PĀ GƏ̄ 42:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā ngán Kore gə̄.

PĀ GƏ̄ 31:10

Kɔ́ɔ̄ɓē á̰a̰ kum tō ndoō yāḿ, tɔdɔ̄ mā i dan wur kɔl tə́. Gír̄ najə̄ nujə kumḿ ō míndə́ḿ ō kemḿ ō.