PĀ GƏ̄ 34:9 - Bibəl ta Sar̄

⁹ Kɔ́ɔ̄ɓē i de kə́ majə ngá̰ý, ī-nāāī majən á̰a̰ī. Rɔ̄nel̄ i kə́ deē ń ni i loo ɓɔ̄ɔ̄ rɔ̄ yān ní.

Bible sar

⁹ Kɔ́ɔ̄ɓē i de kə́ majə ngá̰ý, ī-nāāī majən á̰a̰ī. Rɔ̄nel̄ i kə́ deē ń ni i loo ɓɔ̄ɔ̄ rɔ̄ yān ní.

PĀ GƏ̄ 34:9 Referans Kwoze

Makətūbə̄ ń Pol ndang adə̄ Rom gə̄ ní 8:32

Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

PILIPƏ 4:19

Ba Nə́ɓā yāḿ a adə̄sí yá̰a̰ malang ń ndoōn rāāsí ní, kə gō yá̰a̰ kal̄ loo yānneé ō, a adə̄sí i kadə̄ kə́ majə ngá̰ý kə ta kūl̄ Jeju Kərist ō.

PĀ GƏ̄ 23:1

Pā yā Dabid. Kɔ́ɔ̄ɓē i nge kulə̄ḿ, adə̄ m-ā m̄-nal̄ yá̰a̰ alé.

PĀ GƏ̄ 31:23

Kété ní hángaləḿ ndi majə alé, adə̄ m-ə́da na: Ɔr̄mə̄n̄ kə̄ gogə́ kɔ̄ɔ́ adə̄ ā á̰a̰m̄ to̰ alé. Ba m-ə́ga kɔŕ kə̄ dɔí tə́ anī, ḭ̄ ōō ndūḿ kə́ m̄-rāāīneé ɓɔ́ adə̄ ī-dḭḭ̄m̄.

PĀ GƏ̄ 89:7

Kɔ́ɔ̄ɓē, de kə́ asə seí gətóo dɔ rā̰ tə́. Dan nə́ɓā gə̄ tə́ ní, nge kə́ to tītə̄ Kɔ́ɔ̄ɓē gətóo.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

PĀ GƏ̄ 22:23

M-ā m̄-tél yā ɓāŕ rīí dan ngákó̰ó̰ḿ gə̄ tə́ ō, m-ā m̄-tɔ̄yī dan ngé kán̄ naā gə̄ tə́ ō.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.