PĀ GƏ̄ 34:5 - Bibəl ta Sar̄

⁵ M-ə́dá Kɔ́ɔ̄ɓē najə̄ anī ni tūrə̄m̄ tə́. Ni ɔrə̄m̄ kem yá̰á̰ kə́ to ka̰ȳ ndíl gə̄ tə́ kɔ̄ɔ́ malang.

Bible sar

⁵ M-ə́dá Kɔ́ɔ̄ɓē najə̄ anī ni tūrə̄m̄ tə́. Ni ɔrə̄m̄ kem yá̰á̰ kə́ to ka̰ȳ ndíl gə̄ tə́ kɔ̄ɔ́ malang.

PĀ GƏ̄ 34:5 Referans Kwoze

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

PĀ GƏ̄ 25:3

De gə̄ ń əndān̄ kemdə́ dɔí tə́ ní, deē kógə̄ḿ kə́ tél ndə̄ngā rɔ̄n gətóo. Banī ngé gə̄ ń télən̄ kɔ̄ɔ́ gōí tə́ ní rɔ̄də́ sɔl̄də́, tām̄ jīdə́ i karī!

PĀ GƏ̄ 18:28

Gír de gə̄ ń madə̄də́ gə̄ əlan̄ rɔ̄sɔl̄ dɔdə́ tə́ ní, i ḭ̄ n i nge rāā kadə̄ nin̄ tetən̄ rɔ̄ɔ̄ ō, i ḭ̄ n i nge rāā kadə̄ kum ngé kɔjə rɔ̄də́ gə̄ tetə kə̄ nang tə́ ní ō.

PĀ GƏ̄ 97:11

Loo kə́ unjə̄ kow teē tām̄ yā de kə́ sew tə́, tá de gə̄ ń kemdə́ i súmūú ní rɔ̄də́ nel̄də́ ō.

PĀ GƏ̄ 36:9

Nin̄ əsan̄ yá̰á̰ kə́ nel̄ gə̄ kə́ kem kújə yāí tə́ adə̄ ndān̄də́ ō, ādə̄də́ yá̰á̰ kə́ nel̄ yāí gə̄ kə́ ngá̰ý tītə̄ man̄ bā beé ní adə̄ a̰ȳn̄ ō.

IJAI 60:5

Dan ń á̰á̰ yá̰á̰ ń noō anī, rɔ̄nel̄ a rāā kadə̄ ta kumií a ndə́lē ō, dan wurií a ndām̄ ndām̄ rɔ̄nel̄ ō. Tām̄ yá̰a̰ kənge gə̄ kə́ kum bā bo tə́ a reēn̄ yā kugə̄ ɓēé looí, yá̰a̰ kənge kə́ to loo ɓɔ̄ɔ̄ tə́ gə̄ yā nápar de gə̄ a reēn̄ bátə́ yā kugə̄ looí, ḭ̄ Jerusalem.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

PĀ GƏ̄ 13:3

Kə m̄-ndi kə sōlōó ō, kə wurəḿ ɔləm̄ kə ndɔ̄ gə̄ ō i yā tɔ̄l̄ ta rá? Madə̄ ba̰ā̰ḿ a ndi dɔḿ tə́ i kə̄ non tə́ a?

PĀ GƏ̄ 83:16

ī-ngɔ̄də̄də́ kə nél man̄ yāí kə́ əla kə ngangá ngá̰ý, ə́la ɓōĺ kemdə́ tə́ kə nél balway yāí.

ESTER 8:16

Rɔ̄ Jipə gə̄ neldə́ ngá̰ý ō, rāān̄ walya ō, tɔ̄yə̄n̄ jīdə́ ō.

2 SAMUEL 19:5

Mban̄g seĺ kūbə̄ ta kumən tə́ kɔ̄ɔ́. Ni un ndūn kə̄ dɔɔ́ nōoń kə najá tan tə́, əda na: Ngōnə̄ḿ Absalom, Absalom, ngōnə̄ḿ, ngōnə̄ḿ!

1 SAMUEL 23:13

Tā anī Dabid ɔr̄ dɔɔ́ kə deē yān gə̄ kə́ asən̄ ɓú mehḛ́ ń noō. Nin̄ teēn̄ kɔ̄ɔ́ kem ɓēé ba dáȳn̄ kə̄ loo gə̄ tə́. De gə̄ ədan̄ Saul na Dabid na teē kem ɓē kə́ Keila tə́ a̰ȳ kɔ̄ɔ́, anī Saul loo gír kaw̄ rɔ̄ tə́ kɔ̄ɔ́.

PĀ GƏ̄ 3:5

M-ún ndūḿ kə̄ dɔɔ́ m̄-ɓārəń Kɔ́ɔ̄ɓē anī ni ndigəm̄ dɔ mbal̄ yān kə́ táĺ tə́.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

PĀ GƏ̄ 50:23

Deē ń yá̰a̰ tun̄ yān i tɔ̄ȳ ní n i deē ń ɔsə gɔnəḿ ní. Deē ń ngɔ̄m̄ hálən majə adə̄ ni i de kə́ súmūú ní, m-ā m-ɔ́jən loo kajə ń Nə́ɓā a ajə deē ní.

PĀ GƏ̄ 138:3

Ndɔ̄ ń m̄-ɓāríī á ī-ndigə ní, ḭ̄ ə́la go̰ kemḿ tə́ ō, ādə̄m̄ tɔ́gə ō.