PĀ GƏ̄ 33:3 - Bibəl ta Sar̄

³ Ə̄nīī pā kə́ kijə ādə̄niī. Loo ń ā ə́gaī kɔŕ rɔ̄nel̄ anī úgiī kənde ādī majə.

Bible sar

³ Ə̄nīī pā kə́ kijə ādə̄niī. Loo ń ā ə́gaī kɔŕ rɔ̄nel̄ anī úgiī kənde ādī majə.

PĀ GƏ̄ 33:3 Referans Kwoze

IJAI 42:10

Ə̄nī pā kə́ kijə ādī Kɔ́ɔ̄ɓē. Sḭḭ̄ ngé njə̄rā mbā dɔ bā bo tə́ gə̄ ō, sḭḭ̄ yá̰a̰ gə̄ ń ī-rosiī loo kum bā bo tə́ ní ō, sḭḭ̄ gír de gə̄ ń ī-ndiī sa̰y ní ō, ī-ndiī ta ngóy dɔ nang tə́ ə̄nīīneé pā tɔ̄ȳ Kɔ́ɔ̄ɓē.

EPEJƏ 5:19

Ɔ̄rī najə̄ kə naá kə pā gə̄ kə́ yā ndɔ̄yń Nə́ɓā ō, kə́ yā tɔ̄ȳnəń ō, kə pā gə̄ ń Ndíĺ adə̄sí ní ō. Ə̄nīī pā gə̄ ɔ́siīneé gɔn Kɔ́ɔ̄ɓē kə ngarān̄g kemsí malang.

1 YÁ̰A̰ GƏ̄ 25:7

Gōsə̄ pā gə̄ ō, de kə́ kem ɓūtə̄ yādə́ gə̄ tə́ ń ndóōn̄də́ loo kənī pā tɔ̄yń Kɔ́ɔ̄ɓē ō ní, nin̄ malang naā tə́ i deē ɓú jōó kə kutə sɔ́sɔ́ kə kalən kə́ sɔ́sɔ́.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

PĀ GƏ̄ 96:1

Ə̄nīī pā kə́ kijə ī-rɔyīneé Kɔ́ɔ̄ɓē. De gə̄ malang kə́ dɔ nang tə́, ə̄nīī pā ī-rɔyīneé Kɔ́ɔ̄ɓē.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

PĀ GƏ̄ 144:9

Nə́ɓā, m-ā m-ə̄nī pā kə́ kijə yā kadī ō, m-ā m-úgə kənde kə́ kəlān i kutə yā kadī ō.

PĀ GƏ̄ 98:1

Pā. Ə̄nīī pā kə́ kijə ī-rɔyīneé Kɔ́ɔ̄ɓē, tɔdɔ̄ ni-rāā yá̰á̰ kə́ to kɔr kum gə̄. Jī ko̰o̰n ō, jīn kə́ táĺ ngá̰ý ō, rāān̄ adə̄ ni-tetə rɔ̄ɔ̄.

1 YÁ̰A̰ GƏ̄ 13:8

Dabid ō, Israel gə̄ malang ō, ənīn̄ pā ndāmə̄n̄neé kə tɔ́gə́də́ gēé malang ō, ugən̄ kənde gə̄ kə́ kəladə́ i ngá̰ý gə̄ ō, kə́ kəladə́ i ngá̰ý aĺ gə̄ ō, əndan̄ kɔdə tamburḛ̄ḛ gō tə́ ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kɔ̄rə́n̄ bərúnjə gə̄ ō.

JEJU TEĒ KUM JA̰A̰ 14:3

Dūbūú de gə̄ ní ran̄ ta kōr̄ kāgə̄ mbang tə́ ō, no yá̰á̰ kə́ kə kumuú kə́ sɔ́ gə̄ tə́ ō, no kum kɔɔ̄ gə̄ tə́ ō, ənīnəń pā kə́ kijə. De kə́ rang kə́ asə ndóō pā ní gətóo, ba i de gə̄ kə́ 144 000 gə̄ ń gāngə̄n̄ dɔdə́ dan de kə́ dɔ nang tə́ gə̄ tə́ ní tá ngóy.

PĀ GƏ̄ 149:1

Aleluya! Ə̄nīī pā kə́ kijə ī-rɔyīneé Kɔ́ɔ̄ɓē. Ī-tɔ̄yī Kɔ́ɔ̄ɓē loo kán̄ naā yā deē yān gə̄ tə́!

PĀ GƏ̄ 40:3

Ni ɔrə̄m̄ kem bəlo kə́ majaĺ ngá̰ý tə́ ō, kum bɔr kə́ loo kə́ lú ngá̰ý tə́ ō, teē seḿ ndágá. Un udəm̄ dɔɔ́ dɔ mbal̄ tə́ ō, rāā adə̄ njaḿ əhɔ dɔ nang majə ō.

2 YÁ̰A̰ GƏ̄ 34:12

Ngé kəla gə̄ rāān̄ kəla yādə́ kə gōó majə. Ngé kun dɔ kəla gə̄ i ngán Lebi gə̄ adə̄ i Yahat ō, Obadia ō. Nin̄ i de kə́ gír kaa yā Merari tə́ gə̄. Jakari ō, Mesulam ō, i de kə́ gír kaa yā Kehat tə́ gə̄. Gotə ngán Lebi kə́ rang gə̄ kə́ ngé ger̄ kugə yá̰á̰ kə́ ɓār̄ gōsə̄ gə̄ ní,

1 YÁ̰A̰ GƏ̄ 15:22

Dan ngán Lebi gə̄ tə́ ní Kenania i ngār yā ngé kətō sandúkə madə̄ naā. I ni n i nge kəndā kumən gō kəla ń noō tə́ ní, tɔdɔ̄ ger̄ loon majə.

PĀ GƏ̄ 40:4

Ni-əndā pā kə́ kijə taḿ tə́, i pā tɔ̄ȳ Nə́ɓā yājí. Ngá̰ý gə̄ a a̰a̰n̄, adə̄ a ɓōlə́n̄ ō, a əndān̄ kemdə́ dɔ Kɔ́ɔ̄ɓē tə́ ō.