PĀ GƏ̄ 33:2 - Bibəl ta Sar̄

² Úgiī kənde ī-ɓōkíīneé Kɔ́ɔ̄ɓē tɔ̄ȳ. Úgiī kənde kə́ kəlān i kutə ādə̄niī!

Bible sar

² Úgiī kənde ī-ɓōkíīneé Kɔ́ɔ̄ɓē tɔ̄ȳ. Úgiī kənde kə́ kəlān i kutə ādə̄niī!

PĀ GƏ̄ 33:2 Referans Kwoze

PĀ GƏ̄ 144:9

Nə́ɓā, m-ā m-ə̄nī pā kə́ kijə yā kadī ō, m-ā m-úgə kənde kə́ kəlān i kutə yā kadī ō.

Teē Ngán Israel gə̄ 15:20

Tā anī Miriam kə́ nge koō ta yā Nə́ɓā ń i ngōkó̰o̰ Aaro̰ kə́ dəyá̰ ní, un kɔdə kə̄ jīn tə́. Dəyá̰ gə̄ teēn̄ gōn tə́ malang kə ndāmāá kə gō ndū kɔdɔɔ́.

JEJU TEĒ KUM JA̰A̰ 14:2

Anī deē kógə̄ḿ ɔr̄ najə̄ adə̄ m-ōō ndūn dɔ rā̰ tə́ tītə̄ kōō man̄ kə́ ɓār̄ ngá̰ý beē ō, tītə̄ kōō man̄ kə́ ndang ngá̰ý beē ō. Ba ndūn ń m-ōō ní ɓār̄ tītə̄ kōō kənde gə̄ kə́ ngé kugədə́ gə̄ a ugən̄ beé.

JEJU TEĒ KUM JA̰A̰ 5:8

Ba dan ń ni-taā makətūbə̄ ní oy anī, yá̰á̰ kə́ kə kumuú kə́ sɔ́ gə̄ ní ō, kum kɔɔ̄ kə́ kutə jōó gidə i sɔ́ gə̄ ní ō, əsōn̄ kə̄ nang tə́ non tə́. Kənde i jīdə́ gə̄ tə́ kógə̄ḿ kógə̄ḿ ō, kópə gə̄ kə́ rāā kə lɔ́rɔ́ kə́ ítər rosə kem gə̄ i jīdə́ gə̄ tə́ ō. Yá̰a̰ gə̄ ń noō i ndɔ̄ȳ yā de gə̄ kə́ ɔrə̄n̄ kam̄də́ tām̄ yā Nə́ɓā tə́.

PĀ GƏ̄ 92:3

Kəda najə̄ kem majə yāí dəloí ɓatə i yá̰á̰ kə́ majə ō, kəda najə̄ yá̰á̰ kə́ rɔ̄kum yāí ndɔ̄ɔ́ i yá̰á̰ kə́ majə ō.

1 YÁ̰A̰ GƏ̄ 25:6

De gə̄ malang ń noó i bɔbə̄də́ n i nge kɔr̄də́ ta róbə́ á a ənīn̄neé pā kem kújə yā Kɔ́ɔ̄ɓē tə́ ní. A dānə̄n̄ gō pā yādə́ i kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, i kə kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō. I mban̄g ō, Asap ō, Yedutun ō, Heman ō n i ngé kɔr nodə́ loo rāā kəla yādə́ tə́ tām̄ yā kújə yā Nə́ɓā tə́ ní.

1 YÁ̰A̰ GƏ̄ 25:3

Ngán Yedutun gə̄ i Gedalia ō, Seri ō, Yesaya ō, Simei ō, Hasabia ō, Matitia ō. Nin̄ mehḛ́ mbak ní i bɔbə̄də́ Yedutun n ɔr nodə́ ní. Bɔbə̄də́ i nge dān̄ gō najə̄ kɔrə̄n kə́ loo nge koō ta tə́ i kə kəndeé yā kɔsəń gɔn Kɔ́ɔ̄ɓē ō, yā tɔ̄ȳnneé ō.

1 YÁ̰A̰ GƏ̄ 15:28

Ngán Israel gə̄ malang unən̄ sandúkə madə̄ naā yā Kɔ́ɔ̄ɓē aw̄n̄neé Jerusalem. Nin̄ əgan̄ kɔŕ rɔ̄nel̄ dɔ tə́ ō, kɔ̄rə́n̄ tōw̄ ō, bərúnjə ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, ugən̄ kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō.

1 YÁ̰A̰ GƏ̄ 15:16

Dabid əda ngol ngán Lebi gə̄ kadə̄ tə́ndān̄ ngákó̰ó̰də́ kə́ ngé kənī pā gə̄ kem kəla yādə́ tə́, kadə̄ ənīn̄ pā kə yá̰á̰ kə́ ɓār̄ gōsə̄ gēé. Yá̰a̰ gə̄ ní i kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō, i gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō. A ugən̄ kənde gə̄ ní ō, a əndan̄ gində̄ kə́ laa gə̄ ní naā tə́ ō, kadə̄ kōōdə́ ɓār̄ ngá̰ý yā kɔjəń na rɔ̄nel̄ to.

2 SAMUEL 6:5

Dabid nin̄ kə ngán Israel gə̄ malang ɔjən̄ rɔ̄nel̄ yādə́ kə̄ ndágá. Nin̄-ugən̄ yá̰á̰ kə́ ɓār̄ gōsə̄ kə́ tayā gə̄ kə́ rāān̄də́ kə kāgə̄ sipəres gə̄, adə̄ i kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō. Əndan̄ kɔdə gō tə́ ō, sə̄kān̄ yá̰a̰ gō tə́ ō, dānə̄n̄ gō kə kōō gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō.

PĀ GƏ̄ 149:3

Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.

PĀ GƏ̄ 71:22

Loo ń noō tə́ m-ā m̄-ɓōkíī tɔ̄ȳ kə kəndeé. Nə́ɓā yāḿ, m-ā m-ə̄nī pā seí najə̄ ra kə̄ ī-ra dɔ ndūí tə́. M-ā m-úgə kənde yā kɔsəń gɔnií, ḭ̄ Nə́ɓā kə́ táĺ yā Israel.

PĀ GƏ̄ 92:4

Majə kadə̄ deē dān̄ gō kə kənde kə́ kəlān i sḛ́ý beē ō, kə́ kəlān asə tām̄ ō, kə́ kəlān i ngá̰ý ō.