PĀ GƏ̄ 33:1 - Bibəl ta Sar̄

¹ Sḭḭ̄ de kə́ gōtə́ gə̄ ə́gaī kɔŕ rɔ̄nel̄ dɔ Kɔ́ɔ̄ɓē tə́! Ɓōkə́n tɔ̄ȳ əhɔ i de kə́ súmūú gə̄.

Bible sar

¹ Sḭḭ̄ de kə́ gōtə́ gə̄ ə́gaī kɔŕ rɔ̄nel̄ dɔ Kɔ́ɔ̄ɓē tə́! Ɓōkə́n tɔ̄ȳ əhɔ i de kə́ súmūú gə̄.

PĀ GƏ̄ 33:1 Referans Kwoze

PĀ GƏ̄ 32:11

Sḭḭ̄ de kə́ gōtə́ gə̄ ḭ́ḭī bal walya najə̄ yā Kɔ́ɔ̄ɓē tə́ ō, ī-rāāī rɔ̄nel̄ ō. Sḭḭ̄ malang ń kemsí i súmūú ní, ə́gaī kɔŕ rɔ̄nel̄!

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

PĀ GƏ̄ 147:1

Aleluya! Kɔsə gɔn Nə́ɓā yājí i yá̰á̰ kə́ majə ngá̰ý, ɓōkə́n tɔ̄ȳ kə gōó majə i yá̰á̰ kə́ nel̄ ta ngá̰ý!

PĀ GƏ̄ 118:15

Kɔĺ rɔ̄nel̄ ō kɔĺ tetə rɔ̄ɔ̄ ō taā loo kem kújə tandā yā de kə́ súmūú gə̄ tə́. Jī Kɔ́ɔ̄ɓē kə́ ko̰ó̰ rāā yá̰á̰ kə́ to kɔsə gɔn.

PĀ GƏ̄ 97:12

Sḭḭ̄ de kə́ sew gə̄, ī-rāāī rɔ̄nel̄ najə̄ yā Kɔ́ɔ̄ɓē tə́, ī-ɓōkíin̄ tɔ̄ȳ ə́daī na ni i de kə́ táĺ.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

PĀ GƏ̄ 135:3

Aleluya! Kɔ́ɔ̄ɓē i de kə́ majə! Ī-tɔ̄yī rīn kə pāá, tɔdɔ̄ ni i de kə́ kemən ndaa ngá̰ý!

Makətūbə̄ ń Pol ndang adə̄ Rom gə̄ ní 3:10

Tɔdɔ̄ ndangən̄ kem makətūbūú na: De kə́ súmūú gətóo, kal kógə̄ḿ lélék gə̄gē gətóo.

Makətūbə̄ ń Pol ndang adə̄ Rom gə̄ ní 5:19

Tɔdɔ̄, tītə̄ ń de kə́ kal kógə̄ḿ beē mbātə́ najə̄ ta Nə́ɓā tə́, adə̄ de kə́ ngá̰ý gə̄ malang télən̄ń gíŕ ngé rāā majaĺ gə̄ ní, tītə̄ nəkɔ́ ń toō ɓáý to̰, de kə́ kal kógə̄ḿ beē a oō najə̄ ta Nə́ɓā tə́ yā kadə̄ de kə́ ngá̰ý gə̄ télnə̄ń de kə́ súmūú gə̄ ō.