PĀ GƏ̄ 32:10 - Bibəl ta Sar̄

¹⁰ Yá̰á̰ kə́ tōr̄ ngá̰ý gə̄ a rāān̄ deē ń ɓōĺ ndíĺ Nə́ɓā aĺ ní. Ba Kɔ́ɔ̄ɓē a rāā kem majə kə deē ń əndā kemən dɔn tə́ ní ngándáńg.

Bible sar

¹⁰ Yá̰á̰ kə́ tōr̄ ngá̰ý gə̄ a rāān̄ deē ń ɓōĺ ndíĺ Nə́ɓā aĺ ní. Ba Kɔ́ɔ̄ɓē a rāā kem majə kə deē ń əndā kemən dɔn tə́ ní ngándáńg.

PĀ GƏ̄ 32:10 Referans Kwoze

Gōsə̄ najə̄ gə̄ 16:20

De kə́ gír̄ najə̄ dɔ yá̰á̰ tə́ majə a ndi majə najə̄ yá̰á̰ ní tə́. Rɔ̄nel̄ i kə deē ń ənī kemən mámák adə̄ Kɔ́ɔ̄ɓē ní.

Gōsə̄ najə̄ gə̄ 13:21

Yá̰á̰ kə́ majaĺ un gō ngé rāā yá̰a̰ majaĺ gə̄, banī yá̰á̰ kə́ majə i yá̰a̰ kəndā nja yā de kə́ súmūú gə̄.

PĀ GƏ̄ 147:11

Ba o̰o̰n tɔdɔ̄ ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 146:5

Deē ń Nə́ɓā yā Jakob i nge rāā seneé ō, əndā kemən dɔ Kɔ́ɔ̄ɓē Nə́ɓā yān tə́ ō ní, rɔ̄n nelə̄n!

PĀ GƏ̄ 34:8

Nge kaw̄ kəla yā Kɔ́ɔ̄ɓē a ngɔ̄m̄ dɔ ngé ɓōĺ ndíĺ Kɔ́ɔ̄ɓē gə̄ ō, a ɔr̄də́ kɔ̄ɔ́ kum yá̰á̰ kə́ majaĺ gə̄ tə́ ō.

PĀ GƏ̄ 5:12

Loo ń noō tə́ de gə̄ malang ń ḭ̄ i loo ɓɔ̄ɔ̄ rɔ̄ yādə́ ní a rāān̄ rɔ̄nel̄. Nin̄ a rāān̄ walya ngándáńg. Ngé gə̄ ń rīí nel̄də́ ní ā ī-rāādə́ kadə̄ əgan̄ kɔŕ rɔ̄nel̄ ō, ā ī-ngɔ̄m̄də́ ō.

1 TIMOTE 6:10

Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

PĀ GƏ̄ 84:12

A̰á̰ā̰, Kɔ́ɔ̄ɓē Nə́ɓā i mbang ō i der ō. Kɔ́ɔ̄ɓē i nge rajə deē ō, i nge rāā kadə̄ rī deē ɓār̄ ō. Ngé gə̄ ń háĺdə́ i súmūú ní, yá̰á̰ kógə̄ḿ kə́ majə kə́ ni ɔgə̄də́ gətóo.

PĀ GƏ̄ 16:4

nujən̄ loo ngɔlaā tɔȳ kə́ kété ɓáý. De gə̄ bə̄gān̄ naā aw̄n̄ gōdə́ tə́. Banī mā m-ā m̄-tə́té mósə nang tə́ yā ndējə̄də́ to̰ aĺ ō taḿ a əda rīdə́ to̰ aĺ ō.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

KOHELET 8:12

Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

PĀ GƏ̄ 140:11

Ādə̄ bə̄gān̄ yā̰l̄ hor dɔdə́ tə́. Ādə̄ Nə́ɓā mbə́rē tə́nīdə́ kum hor tə́, kem bəlo kə́ lú ngá̰ý kə́ asən̄ teē tū tə́ aĺ tə́!

PĀ GƏ̄ 40:4

Ni-əndā pā kə́ kijə taḿ tə́, i pā tɔ̄ȳ Nə́ɓā yājí. Ngá̰ý gə̄ a a̰a̰n̄, adə̄ a ɓōlə́n̄ ō, a əndān̄ kemdə́ dɔ Kɔ́ɔ̄ɓē tə́ ō.

IJAI 57:21

Nə́ɓā yāḿ əda na: De kə́ majaĺ gə̄ ní, kem sɔl̄ lɔm kə́ tām̄ yādə́ tə́ gətóo.

PĀ GƏ̄ 11:6

Ādə̄ ni-rāā yā̰l̄ hor ō, hor bursu ō adə̄ edən̄ kə́ man̄ tə́ dɔdə́ tə́. Ādə̄ nél man̄ bā kə́ bo undə́ no kem! Yá̰a̰ kəndā nja yādə́ n noó.