PĀ GƏ̄ 32:1 - Bibəl ta Sar̄

¹ Pā yā Dabid kə́ yā ndóoń deē yá̰a̰. Rɔ̄nel̄ i kə deē ń Nə́ɓā un yá̰á̰ kə́ gōtə́ aĺ yān dɔn tə́ kɔ̄ɔ́ ō, mā̰ȳ rɔ̄n dɔ yá̰á̰ kə́ majaĺ ń ni-rāā tə́ ō ní.

Bible sar

¹ Pā yā Dabid kə́ yā ndóoń deē yá̰a̰. Rɔ̄nel̄ i kə deē ń Nə́ɓā un yá̰á̰ kə́ gōtə́ aĺ yān dɔn tə́ kɔ̄ɔ́ ō, mā̰ȳ rɔ̄n dɔ yá̰á̰ kə́ majaĺ ń ni-rāā tə́ ō ní.

PĀ GƏ̄ 32:1 Referans Kwoze

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

PĀ GƏ̄ 85:2

Kɔ́ɔ̄ɓē, ḭ̄ ɔ́jə kadə̄ nelī kə ɓē yāí! Deē yā Jakob gə̄ ń əhɔn̄də́ aw̄n̄ sedə́ ɓəloó ní, ḭ̄ ī-tél ī-reē sedə́ gogə́ ɓēé.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

JEJU TEĒ KUM JA̰A̰ 22:14

Ngé gə̄ ń tə́gon̄ kūbə̄ ngāl̄ yādə́ gə̄ ní, rɔ̄də́ nel̄də́. Tɔdɔ̄ nin̄ a əngen̄ ta róbə kəsa kan̄ kāgə̄ ndi kə kumuú ní ō, a udən̄ kem ɓē ní tə́ kə ta róbə gə̄ ní ō.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

PĀ GƏ̄ 40:4

Ni-əndā pā kə́ kijə taḿ tə́, i pā tɔ̄ȳ Nə́ɓā yājí. Ngá̰ý gə̄ a a̰a̰n̄, adə̄ a ɓōlə́n̄ ō, a əndān̄ kemdə́ dɔ Kɔ́ɔ̄ɓē tə́ ō.

PĀ GƏ̄ 106:3

Rɔ̄nel̄ i kə ngé gə̄ ń ngɔ̄mə̄n̄ ndū najə̄ yā Nə́ɓā ní ō, kə ngé gə̄ ń rāān̄ yá̰a̰ kə́ gōtə́ kə kum mbang gə̄ malang ní ō.

Najə̄ kə́ Majə yā Jeju ń Luk ndang ní 11:28

Banī Jeju tél əda na: Ɓá tā ba i ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i ngé rɔ̄nel̄ kə́ rɔ̄kum gə̄ ní!

PĀ GƏ̄ 53:1

Pā kə́ kem makətūbə̄ yā ngār yā gōsə̄ pā gə̄ tə́. Deē ā ə̄nīn i kə ndūí kə́ ɔjə kadə̄ rɔ̄í nelī alé. I pā yā Dabid kə́ yā ndóoń deē yá̰a̰.

PĀ GƏ̄ 42:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā ngán Kore gə̄.

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.

PĀ GƏ̄ 128:1

Pā kə́ yā kaw̄ń kə̄ loo kə́ táĺ tə́. De gə̄ malang ń ɓōlə́n̄ ndíĺ Kɔ́ɔ̄ɓē ō, unən̄ gō róbə yān gə̄ ō ní rɔ̄də́ nel̄də́!

PĀ GƏ̄ 89:15

Ko̰o̰ ɓē yāí ndi i dɔ yá̰á̰ kə́ gōtə́ tə́ ō, yá̰á̰ kə́ súmūú tə́ ō. Kem majə ō najə̄ kə́ rɔ̄kum ō njə̄rān̄ kété noí tə́.

PĀ GƏ̄ 84:12

A̰á̰ā̰, Kɔ́ɔ̄ɓē Nə́ɓā i mbang ō i der ō. Kɔ́ɔ̄ɓē i nge rajə deē ō, i nge rāā kadə̄ rī deē ɓār̄ ō. Ngé gə̄ ń háĺdə́ i súmūú ní, yá̰á̰ kógə̄ḿ kə́ majə kə́ ni ɔgə̄də́ gətóo.

PĀ GƏ̄ 52:1

Pā kə́ kem makətūbə̄ yā ngār yā gōsə̄ Pā gə̄ tə́. I pā yā Dabid kə́ yā ndóoń deē yá̰a̰.

PĀ GƏ̄ 45:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. Pā yā ngán Kore gə̄ yā ndóoń deē yá̰a̰. I pā tár.

PĀ GƏ̄ 55:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā yā Dabid kə́ yā ndóoń deē yá̰a̰.

NEHEMI 4:5

Madə̄ ba̰ā̰jí gə̄ ədan̄ yādə́ na: A gerə̄n̄ gōjí aĺ ō, a a̰a̰n̄jí aĺ ō, bátə́ kadə̄ j-ugīīneé dandə́ tə́. Loo ń noō tə́ j-a jə-tɔ̄līdə́ ō, j-a jə-bāāī ta kəla ō.

2 SAMUEL 12:13

Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé.

PĀ GƏ̄ 103:3

I ni n i nge mā̰ȳ rɔ̄n dɔ yá̰á̰ kə́ gōtə́ aĺ gə̄ ń ī-rāā tə́ ní ō, nge tɔ̄l̄ mo̰y gə̄ malang dɔí tə́ ō ní.