PĀ GƏ̄ 30:2 - Bibəl ta Sar̄

² Kɔ́ɔ̄ɓē, m-ɔ́sə gɔnií, tɔdɔ̄ ɔ̄rə̄m̄ bəlo kə́ lú ngá̰ý tə́ kɔ̄ɔ́. Ḭ̄ ə́ya̰ madə̄ ba̰ā̰ḿ gə̄ adə̄ əgōn̄ naā dɔḿ tə́ alé.

Bible sar

² Kɔ́ɔ̄ɓē, m-ɔ́sə gɔnií, tɔdɔ̄ ɔ̄rə̄m̄ bəlo kə́ lú ngá̰ý tə́ kɔ̄ɔ́. Ḭ̄ ə́ya̰ madə̄ ba̰ā̰ḿ gə̄ adə̄ əgōn̄ naā dɔḿ tə́ alé.

PĀ GƏ̄ 30:2 Referans Kwoze

2 MBAN̄G 20:5

kə tél dɔ tə́ kə aw̄ gogə́ rɔ̄ Ejekias, ngār kə́ dɔ gír de gə̄ yān ni Kɔ́ɔ̄ɓē tə́ tə́. Kə ədan na yá̰á̰ ń Kɔ́ɔ̄ɓē Nə́ɓā yā kaan Dabid əda ní n toó: M-ōō ndɔ̄ȳ yāí ō, m-á̰a̰ man̄ kumií ō, adə̄ m-ā m̄-rāā kadə̄ rɔ̄í ngan̄g. Bírí i karī, ba loo tḭ̄ḭ̄ anī ā ásə kaw̄ kem kújə yā Kɔ́ɔ̄ɓē tə́.

PĀ GƏ̄ 6:2

Kɔ́ɔ̄ɓē, ī-lōō kəndam̄ kə wur katāá! Ī-lōō kəndam̄ kə wōngōó!

PĀ GƏ̄ 147:3

I ni n i nge sɔl̄ kem ngé gə̄ ń kemdə́ nujə sá sák kɔ̄ɔ́ ní ō, nge kun rɔ̄ tōr̄ yādə́ gə̄ ō ní.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

PĀ GƏ̄ 88:13

Yá̰á̰ kə́ yáā gə̄ ń ī-rāā ní, de kə́ kum til tə́ gə̄ a gerə̄n̄ yá̰á̰ kə́rēý tū tə́ a? Ɓē ń dɔ deē a ndígə̄nal yá̰a̰ malang tū tə́ ní, yá̰á̰ kə́ gōtə́ ń ī-rāā ní deē a ger̄ tū tə́ a?

TA KƏLA 20:17

Kɔ́ɔ̄ɓē rāā adə̄ dəyá̰ kə́ kem ndogə̄ yā Abimelek tə́ gə̄ malang ojən̄ ngán gə̄ to̰ alé najə̄ yā Sara nə̄yá̰ Abəraham tə́. Banī Abəraham ndɔ̄ȳ Nə́ɓā, adə̄ Nə́ɓā adə̄ rɔ̄ Abimelek ngáā ō, rɔ̄ nə̄yá̰n ngáā ō, rɔ̄ ngé kəla yān kə́ dəyá̰ gə̄ ngáā ō, adə̄ nin̄ tél ojən̄ ngán gə̄ gogə́.

PĀ GƏ̄ 51:8

Banī ḭ̄ ī-sāā i kadə̄ najə̄ kə́ rɔ̄kum ndi kem deē tə́. Ī-ndóōm̄ kum kedə̄ ngarā̰ kemḿ tə́.

PĀ GƏ̄ 118:18

Kɔ́ɔ̄ɓē əndam̄ najə̄ yá̰á̰ kə́ gōtə́ aĺ kə́ m̄-rāā tə́ rɔ̄kum, banī ni əya̰m̄ adə̄ m-óy alé.

PĀ GƏ̄ 35:24

Kɔ́ɔ̄ɓē, ḭ̄ ń i de kə́ gōtə́ ní, ī-gān̄g sarya yāḿ! Nə́ɓā yāḿ, ādə̄ asədə́ rāām̄ kur̄ kəgō yādə́ tə́!

PĀ GƏ̄ 41:12

Yá̰á̰ ń m̄-gerə̄ń kadə̄ nelī seḿ ní n toó: Madə̄ ba̰ā̰ḿ əga kɔŕ tetə rɔ̄ɔ̄ dɔḿ tə́ to̰ alé.

PĀ GƏ̄ 145:1

Pā tɔ̄ȳ. I pā yā Dabid. Nə́ɓā yāḿ, mban̄g yāḿ, m-ā m-ɔ́sə gɔnií ō, m-ā m̄-tɔ̄ȳ rīí ō ngándáńg.