PĀ GƏ̄ 30:11 - Bibəl ta Sar̄

¹¹ Kɔ́ɔ̄ɓē, ōō ndūḿ, á̰a̰ kum tō ndoō yāḿ! Kɔ́ɔ̄ɓē, ī-rāā seḿ!

Bible sar

¹¹ Kɔ́ɔ̄ɓē, ōō ndūḿ, á̰a̰ kum tō ndoō yāḿ! Kɔ́ɔ̄ɓē, ī-rāā seḿ!

PĀ GƏ̄ 30:11 Referans Kwoze

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

KOHELET 3:4

Kum mbang kə́ yā kadə̄ deē nōoń i noó ō, ni kə́ yā kadə̄ deē əgōń i noó ō. Kum mbang kə́ yā kadə̄ deē nōoń rɔ̄n i noó ō, ni kə́ yā kadə̄ deē ndāməń i noó ō.

2 YÁ̰A̰ GƏ̄ 20:12

Kɔ́ɔ̄ɓē Nə́ɓā yājí, ā ī-gān̄g sarya dɔdə́ tə́ aĺ a? Jə-tūr̄ kumjí kə̄ rɔ̄í tə́ ba jə-rāāī ɓɔ́ tām̄ tɔ́gə́jí gətóo no kósə de kə́ ngá̰ý gə̄ ń a reēn̄ kə̄ rɔ̄jí tə́ toō ō, jə-ger̄ yá̰á̰ kə́ yā rāā aĺ ō.

PĀ GƏ̄ 149:3

Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.

PĀ GƏ̄ 150:4

Əndaī kɔdə ō, ī-ndāmī ō ī-tɔ̄ȳniīneé. Ī-tɔ̄ȳniī kə yá̰á̰ kə́ ɓār̄ gōsə̄ kə́ rāā kə kəlāá ō, ī-tɔ̄ȳniī kə nalaá ō.

Najə̄ kə́ Majə yā Jeju ń Luk ndang ní 15:22

Banī bɔbə̄n əda ngé kəla yān gə̄ na: Ī-reēī kə kūbə̄ kə́ majə mān̄ madə̄ gēé láẃ, ə́laī rɔ̄n tə́ ō, ə́laī kulūm̄ ta ngōn̄ jīn tə́ ō, ī-tə́laī sākə̄rā njan tə́ ō.

PĀ GƏ̄ 30:5

Sḭḭ̄ deē yā Kɔ́ɔ̄ɓē gə̄ ə̄nīī pā ādīin̄, ī-ɓōkíin̄neé tɔ̄ȳ ə́daī na, ni i de kə́ táĺ.

2 SAMUEL 6:14

Gō tə́ anī ni ndām̄ kə tɔ́gən gēé malang ta kum Kɔ́ɔ̄ɓē tə́ ɔsəń gɔn Kɔ́ɔ̄ɓē. Kūbə̄ ń do̰ō̰ gírən tə́ ní i ta kūbə̄ lḛ́ḛ.

JEJU TEĒ KUM JA̰A̰ 21:4

Ni a ɔl̄ man̄ nōō kə́ kumdə́ tə́ kɔ̄ɔ́ ō, deē a oy to̰ aĺ ō. Kəhɔ ndoō a gətóo ō, kɔŕ a gətóo ō, rɔ̄ tōr̄ a gətóo ō, tɔdɔ̄ yá̰á̰ kə́ jóo gə̄ mānə̄n̄ kɔ̄ɔ́.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

PĀ GƏ̄ 4:7

Ngá̰ý gə̄ ədan̄ na, i náā n a rāā sejí kadə̄ jə-ndiī majə ní? Kɔ́ɔ̄ɓē, á̰á̰jí kə kumií kə́ majaá!

JA̰A̰ 16:20

Ādə̄ m-ə́dásí najə̄ kə́ bo ngá̰ý, ā ī-nōōī ō, ā ī-sō̰míī ō, ba de kə́ dɔ nang tə́ gə̄ a rāān̄ rɔ̄nel̄. Rɔ̄sí a nel̄sí alé, banī rɔ̄nelāĺ yāsí ní a tél rɔ̄nel̄.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

2 YÁ̰A̰ GƏ̄ 20:9

Ré yá̰á̰ kə́ to kum kaȳ aĺ əsō dɔdə́ tə́ adə̄ i kaskar, aláa i kōō gə̄ n ndumən̄ kə njadə́ dɔɔ́, aláa i mo̰y ngāl̄bɔ̄gīí, aláa i ɓō kə́ əsō kem ɓēé, ba ré n-reē n-ndan̄ noí tə́ ta kújə́ ń toō tə́, tɔdɔ̄ rīí i kem kújə́ ń toō tə́, ba ré n-əgan̄ kɔŕ kə̄ dɔí tə́ kadə̄ ī-dḭḭ̄də́, tɔdɔ̄ wur kɔl kə́ ngá̰ý əsō dɔdə́ tə́ anī, kə ōō ndūdə́ ba kə ájə́də́.

IJAI 25:3

I tām̄ najə̄ ń toō tə́ n gír de kə́ ngan̄g gə̄ ɔsən̄ gɔnií ní, ɓē gə̄ yā nápar de gə̄ kə́ ngé rāā yá̰a̰ kə dɔ́nɔ́ gə̄ ɓōlə́n̄ gidií ní.

ESTER 9:22

Tɔdɔ̄ Jipə gə̄ rāān̄ adə̄ madə̄ ba̰ā̰də́ gə̄ əya̰n̄də́ jəke i kem ndɔ̄ gə̄ ngeé ń noō tə́. I kem nāā ń noō tə́ n ngān̄g nōō téləń ngān̄g kəgō ō, yá̰á̰ kə́ majaĺ kə́ reē dɔdə́ tə́ téləń yá̰a̰ rɔ̄nel̄ ō ní. Nin̄ rāān̄ ndɔ̄ gə̄ ngeé ń noō i ndɔ̄ kəsa yá̰a̰ kə rɔ̄nelēé yādə́ tə́. Nin̄ əlan̄ kə núsə yá̰a̰ gēé adə̄n̄ naā kem ndɔ̄ gə̄ ngeé ń noō tə́ ō, adə̄n̄ ngé ndoō gə̄ yá̰a̰ karī ō.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

TA KƏLA 45:28

Loo ń noō tə́ Israel əda na kadə̄ asə, ngōnə̄n Jəjep na ndi noó kə kumneé ɓáý, na n-aw̄ yā ka̰a̰n pá tá kadə̄ n-oy.

TA KƏLA 37:35

Ngánən kə́ dəngam gē kə́ dəyá̰ gē reēn̄ rɔ̄n tə́ malang yā sɔl̄ kemən tā, ba ni ɔdə alé, əda na n-a n-nōō na i ngōnə̄n bátə́ yā kaw̄ń gōn tə́ ɓádá, adə̄ ndi a nōō ngōnə̄n.

2 YÁ̰A̰ GƏ̄ 20:3

Ɓōĺ rāā Josapat adə̄ ni gḛy sāā Kɔ́ɔ̄ɓē. Ni-ənī mbēr̄ kadə̄ de gə̄ ndin̄ ɓō tām̄ yā Nə́ɓā tə́ gō nang kə́ Juda tə́ malang.

PĀ GƏ̄ 27:7

Kɔ́ɔ̄ɓē, ōō ɓār̄ yāḿ! Ɓɔ́, ī-ndigəm̄ tə́!

JEREMI 52:33

Ni adə̄n ta róbə kɔr̄ kūbə̄ dəngáy rɔ̄n tə́ kɔ̄ɔ́. Adə̄ əla gír ndɔ̄ ń noō tə́ ní, Joakin a əsa yá̰a̰ i ta kum mban̄g kə́ Babilon tə́.