PĀ GƏ̄ 30:1 - Bibəl ta Sar̄

¹ Pā rāā nāā kújə yā Kɔ́ɔ̄ɓē. I pā yā Dabid.

Bible sar

¹ Pā rāā nāā *kújə yā Kɔ́ɔ̄ɓē. I pā yā Dabid.

PĀ GƏ̄ 30:1 Referans Kwoze

PĀ GƏ̄ 25:2

Nə́ɓā yāḿ, m-ə̄ndā kemḿ dɔí tə́ ba ī-lōō kəla rɔ̄sɔl̄ dɔḿ tə́! Ādə̄ madə̄ ba̰ā̰ḿ gə̄ tetəmə̄n̄ rɔ̄ɔ̄ alé!

PĀ GƏ̄ 35:19

Ādə̄ mā i kur̄ kəgō yā ngé gə̄ ń kemdə́ majaĺ seḿ kanjə̄ kumən ní alé. Ngé gə̄ ń imə̄mə̄n̄ kanjə̄ kumən ní, ādə̄ asədə́ kɔr̄ najə̄ kə naá kə ngēl̄ kumdə́.

PĀ GƏ̄ 140:8

Nə́ɓā, Kɔ́ɔ̄ɓē, tɔ́gə́ kə́ nge kajəḿ, ī-taā dɔḿ ndɔ̄ rɔ̄ɔ̄ tə́ adə̄ yá̰a̰ ɔdə alé.

PĀ GƏ̄ 13:4

Kɔ́ɔ̄ɓē Nə́ɓā yāḿ, ī-mbel á̰a̰m̄ ba ī-tūrə̄m̄ najə̄ tə́. Ādə̄ kumḿ teē yḛr sḛ́ý, na sōgə́ m̄-ɓīī ɓīī kə́ kanjə̄ ndól̄,

2 SAMUEL 5:11

Mban̄g kə́ Tir ń rīn na i Hiram ní əla ngé kəla yān gə̄ rɔ̄ Dabid tə́ kə kāgə̄ sédər gēé ō, kə ngé njar kāgə̄ gēé ō, ngé tɔ́sə̄ ndogə̄ mbal̄ gēé ō, kadə̄ rāān̄ kújə adə̄nən̄.

NŌŌ RƆ̄ 2:15

Ngé mān̄ róbə gə̄ malang əndan̄ jīdə́ gírí tə́ mbóon̄neé seí. Nin̄ kɔ̄rə́n̄ ngél ō, tə́gān̄ dɔdə́ nek nek ō, mbóōon̄neé kə ngōmandə kə́ Jerusalem. I ɓē ń de gə̄ ɓārə́n̄ na i yá̰á̰ kə́ majə ɔtə̄ kə taá ō, na i rɔ̄nel̄ yā dɔ nang kə taá malang ō ní n toó a?

PĀ GƏ̄ 145:1

Pā tɔ̄ȳ. I pā yā Dabid. Nə́ɓā yāḿ, mban̄g yāḿ, m-ā m-ɔ́sə gɔnií ō, m-ā m̄-tɔ̄ȳ rīí ō ngándáńg.

PĀ GƏ̄ 79:10

Ə́ya̰ ādə̄ nápar de gə̄ ədan̄ na Nə́ɓā yādə́ i rá i najə̄ rí tə́? Ādə̄ nápar de gə̄ gerə̄n̄ dan ń jə-rań jījí tə́ toō, kadə̄ a dalən̄ ba̰ā̰ ngé kəla yāí gə̄ ń tɔ̄lə̄n̄də́ ní.

PĀ GƏ̄ 41:11

Banī Kɔ́ɔ̄ɓē, á̰a̰ kum tō ndoō yāḿ, únəm̄ dɔɔ́ gogə́, ādə̄ m̄-rāādə́ yá̰á̰ ń rāān̄ seḿ ní!

PĀ GƏ̄ 28:9

Kɔ́ɔ̄ɓē, ájə́ gír deē yāí gə̄ ō, ī-rāā majə kə yá̰a̰ halaí gēé ō. ādə̄ ḭ̄ i nge kuldə́ ō, nge ka̰a̰ gōdə́ ngándáńg ō!

PĀ GƏ̄ 27:6

Ń toō ní dɔḿ un dɔ madə̄ ba̰ā̰ḿ gə̄ ń gīrə̄n̄ gidəḿ ní, dɔḿ un dɔdə́ malang. M-ā m̄-tun̄ yá̰a̰ yā kadə̄ Kɔ́ɔ̄ɓē kem kújə yān tə́ kə kɔŕ rɔ̄nelēé ō, m-ā m-ə̄nī pā yā kɔsəń gɔn Kɔ́ɔ̄ɓē ō.

1 YÁ̰A̰ GƏ̄ 21:6

Ni tə́dá ngán Lebi gə̄ aĺ ō, ngán Benjamḛ gə̄ aĺ ō, tɔdɔ̄ yá̰á̰ ń mban̄g əndā dɔn tə́ kadə̄ rāā ní nelə̄n aĺ ngá̰ý.

2 SAMUEL 24:25

Ni-rāā loo tun̄ yá̰a̰ loo ní tə́ ba ndējə̄ Kɔ́ɔ̄ɓē yá̰a̰ tun̄ kə́ róō horoó gə̄ ō, yá̰a̰ tun̄ kə́ tām̄ yā kem kógə̄ḿ tə́ gə̄ ō. Loo ń noō tə́ Kɔ́ɔ̄ɓē ɔjə kem majə yān kə́ tām̄ yā ɓē tə́ kə̄ ndágá, adə̄ gíŕ yá̰á̰ kə́ tōr̄ ń reē dɔ de gə̄ tə́ kem ɓē kə́ Israel tə́ ní gān̄g.

2 SAMUEL 7:2

ni-əda Natan ń i nge koō ta yā Nə́ɓā ní na: Á̰a̰ā̰, mā m̄-ndi i kem kújə́ kə́ rāā kə kāgə̄ sédəreé tə́, banī sandúkə yā Nə́ɓā ndi i gír kújə kūbūú.

2 SAMUEL 6:20

Dan ń Dabid tél reē ɓēé yā tɔ́r̄ tan dɔ de gə̄ kə́ kem kújə yān tə́ anī, Mikal ngōn̄ Saul teē tə́nī tan ba ədan na: Mban̄g kə́ Israel tə́ ɔr ta rɔ̄n ɓōólaā tā! Ɔr̄ yá̰a̰ rɔ̄n tə́ ta kum ngé kəla kə́ dəyá̰ yā ɓer̄ yān gə̄ tə́ tītə̄ de kə́ karī beé!

NDŪ NAJƏ̄ 20:5

Gō tə́ anī ngé kɔy de gə̄ áskaraá gə̄ a ədan̄ de gə̄ na: De kə́ rāā kújə́ kə́ kijə ba ndi kemeé aĺ ɓáý i dansí tə́ laā a? Ādə̄ kɔ́ɔ̄ tél aw̄ gogə́ ɓēé na sōgə́ oy ta rɔ̄ɔ̄ tə́ anī de kə́ rang aw̄ ndi kemeé.

PĀ GƏ̄ 79:4

Madə̄ ɓējí gə̄ tájə̄n̄jí, de gə̄ ń ndin̄ kə gō gidəjí ní əgōn̄jí ō, mbóon̄ sejí ō.

PĀ GƏ̄ 66:17

m̄-nōō kə̄ dɔn tə́ kə taḿ ō, ta ndo̰ḿ ɓōkə́n tɔ̄ȳ ō.

2 SAMUEL 20:3

Dabid tél aw̄ gogə́ kem kújə yān kə́ Jerusalem tə́. Ni ɓōkə́ də̄yá̰ gidə ndogə̄ yān kə́ kutə gə̄ ń əya̰də́ kadə̄ ngɔ̄mə̄n̄ kem kújə yān ní kem kújə́ kə́rēý tə́, ba əndā ngé ngɔ̄m̄ loo gə̄ tadə́ tə́ adə̄ ngɔ̄mə̄n̄də́ majə. Ni-a̰a̰ gōdə́ majə banī aw̄ rɔ̄də́ to̰ alé. Utə̄n̄ tadə́ kújú bátə́ ndɔ̄ yodə́ tə́. Nin̄ ndin̄ i tītə̄ dəyá̰ kə́ ngaa koy gə̄ beé.

1 MBAN̄G GƏ̄ 8:63

Salomo̰ tɔ̄l̄ man̄g gə̄ dūbú kutə jōó gidə i jōó ō, batə̄ gə̄ kə bə̄yā̰ gə̄ dūbú ɓú kə kutə̄ jōó ō, ba tun̄ adə̄ Kɔ́ɔ̄ɓē tām̄ yā kem kógə̄ḿ tə́. I beé n mban̄g ō, ngán Israel gə̄ malang ō, ɔr̄ə̄n̄neé kam̄ kújə yā Kɔ́ɔ̄ɓē tayā ní.