PĀ GƏ̄ 3:8 - Bibəl ta Sar̄

⁸ Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄! Ḭ̄ ń i nge kənda mbɔ́r madə̄ ba̰ā̰ḿ gə̄ ō, nge tétə̄ ngān̄g ngé kem ndul gə̄ ō ní.

Bible sar

⁸ Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄! Ḭ̄ ń i nge kənda mbɔ́r madə̄ ba̰ā̰ḿ gə̄ ō, nge tétə̄ ngān̄g ngé kem ndul gə̄ ō ní.

PĀ GƏ̄ 3:8 Referans Kwoze

IJAI 43:11

Kɔ́ɔ̄ɓē i mā ō, i mə̄kɔ́ kal kógə̄ḿ beē ngóy ō. Nge kajə de kə́ rang gətóo, i mā ngóy.

JONAS 2:9

Ngé ndɔ̄ȳ nə́ɓā kə́ rɔ̄kum aĺ gə̄ ní, əngen̄ ta róbə́ kə́ yā kadə̄ ajən̄neédə́ alé.

OJEE 13:4

Ɓá tā ba Israel, mā i Kɔ́ɔ̄ɓē Nə́ɓā yāí, əla gír i ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní. Ḭ̄ ī-ger̄ Nə́ɓā kə́ rang alé ba i mā ngóy. Nge kajə de kə́ rang gətóo ba i mā ngóy.

JEJU TEĒ KUM JA̰A̰ 7:10

Nin̄-əgan̄ kɔŕ ngá̰ý ədan̄ na: Kajə deē i yá̰a̰ yā Nə́ɓā yājí ń ndi dɔ kōr̄ kāgə̄ mbang tə́ ní ō, i yā Ngōn̄ batə̄ ō.

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

KƏLA RĀĀ 4:12

Loo kə́ rang kə́ kadə̄ deē ənge kajə tū tə́ gətóo, deē a ajə i kə ta kūlən ni ngóy. Tɔdɔ̄ rī kə́ rang kə́ adə̄n̄ de gə̄ dɔ nang tə́ laā kadə̄ j-ajiī kə ta kūlənneé ní gətóo.

Gōsə̄ najə̄ gə̄ 21:31

Rákən̄ yá̰a̰ rɔ̄ɔ̄ sə́nda gə̄ tə́ yā ngóoń ta rɔ̄ɔ̄, banī ta tɔ̄l̄ ta anī i Kɔ́ɔ̄ɓē n i nge tetə rɔ̄ɔ̄ kadə̄ deē ní.

KƏLA RĀĀ 3:26

Adə̄ Nə́ɓā teē kə nge kəla yānneé i tām̄ yāsí sḭḭ̄ tə́ ta kəga dɔ. Ni əlan i yā kadə̄ rāā majə sesí ō, tūr̄sí kógə̄ḿ kógə̄ḿ kɔ̄ɔ́ ta yá̰a̰ rāāsí kə́ majaĺ gə̄ tə́ ō.

PĀ GƏ̄ 72:17

ādə̄ ni-rāā adə̄ rīn to ngándáńg, ādə̄ rāā adə̄ rīn ní ɓār̄ ta kaw̄ kə̄ jóo, dɔ nang ń mbang a ɔsə tū tə́ ní tə́. Kadə̄ de gə̄ ədan̄ najə̄ yān tɔ́rə̄n̄neé tadə́ dɔ naā tə́ ō, kadə̄ nápar de gə̄ malang ədan̄ na mban̄g ndi kə rɔ̄nelēé ō.

JEREMI 3:23

Kə́ rɔ̄kum gə̄ tə́ ní, yá̰á̰ kə́ ḭḭ dɔ ngán mbal̄ gə̄ tə́ i yá̰á̰ kə́ rɔ̄kum alé. De gə̄ rāān̄ adə̄ i kōōdə́ ngóy n ɓār̄ dɔ mbal̄ gə̄ tə́ ní. Kə́ rɔ̄kum gə̄ tə́ ní, Israel ənge kajə i kem Kɔ́ɔ̄ɓē Nə́ɓā yājí tə́ ngóy.

JEJU TEĒ KUM JA̰A̰ 19:1

Gō tə́ anī m-ōō kōō yá̰á̰ kə́ ɓār̄ tītə̄ ndū kósə de kə́ ngá̰ý gə̄ beé dɔ rā̰ tə́, əda na: Aleluya! Kajə ō, kɔsə gɔn ō, tɔ́gə ō, i yā Nə́ɓā yājí.

PĀ GƏ̄ 29:11

Kɔ́ɔ̄ɓē a adə̄ gír deē yān gə̄ tɔ́gə. Ni a rāā sedə́ kadə̄ ndin̄ kə lápə́yaá.

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

HEBƏRO 6:14

əda na: m̄-túbə kadə̄ m̄-rāā majə seí ō, kadə̄ m-ā m̄-rāā kadə̄ ngán kaan gə̄ i ngá̰ý ō.

TƏ́DA 10:35

Ré sandúkə madə̄ naā a ɔr̄ dɔɔ́ anī Moijə əda na: Kɔ́ɔ̄ɓē, ḭ́ḭ dɔɔ́ ādə̄ madə̄ ba̰ā̰í gə̄ tə̄ndān̄ naā tḭ̄ḭ̄n̄ kɔ̄ɔ́ ō, ādə̄ ngé rɔ̄ɔ̄í gə̄ a̰ȳn̄ naā kɔ̄ɔ́ noí tə́ ō.

2 SAMUEL 23:12

Banī Sama ra gotoó kem ndɔr̄ ní tə́. Ni ngɔ̄m̄ ndɔr̄ ní ō, tɔ̄l̄ Pilistin gə̄ ō. I beé n Kɔ́ɔ̄ɓē tetəń rɔ̄ɔ̄ kə́ bo adə̄ ngán Israel gə̄ ní.

PĀ GƏ̄ 9:20

Kɔ́ɔ̄ɓē, ḭ́ḭ dɔɔ́! Ādə̄ tɔ́gə deē ndul tɔȳ yāí alé! Āw̄ kə gíŕ nápar de kə́ rang gēé ta loo gān̄g sarya yāí tə́!

PĀ GƏ̄ 31:16

Ndɔ̄ḿ gə̄ malang i kem jīí tə́. Ī-taām̄ jī madə̄ ba̰ā̰ḿ gə̄ ń a rɔ̄ɔ̄mə̄n̄ kə ngangá ngá̰ý ní tə́.

PĀ GƏ̄ 58:7

Ɓɔ́ Nə́ɓā, ī-tétə̄ gɔgədə́ tadə́ tə́ kɔ̄ɔ́! Kɔ́ɔ̄ɓē, ī-tétə̄ ngān̄g ɓɔl gə̄ ń noō kɔ̄ɔ́!

PĀ GƏ̄ 119:94

Mā i yāí, ájəm̄, tɔdɔ̄ m̄-sāā yá̰a̰ gə̄ ń ī-ra kə de gēé ta rāā ní.