PĀ GƏ̄ 3:6 - Bibəl ta Sar̄

⁶ m̄-to kə̄ nang tə́ ō m̄-ɓīī ō. m̄-ndól̄ anī m-á̰a̰ kadə̄ tɔ́gə́ḿ i Kɔ́ɔ̄ɓē.

Bible sar

⁶ m̄-to kə̄ nang tə́ ō m̄-ɓīī ō. m̄-ndól̄ anī m-á̰a̰ kadə̄ tɔ́gə́ḿ i Kɔ́ɔ̄ɓē.

PĀ GƏ̄ 3:6 Referans Kwoze

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

PĀ GƏ̄ 23:4

Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

2 SAMUEL 18:7

De gə̄ yā Dabid gə̄ tetən̄ de gə̄ yā Absalom gə̄ rɔ̄ɔ̄. Ndɔ̄ ń noō tə́ rɔ̄ɔ̄ rāā de gə̄ yā Absalom gə̄ ngá̰ý, adə̄ oyn̄ asən̄ dūbú kutə jōó.

PĀ GƏ̄ 46:2

Nə́ɓā i loo ɓɔ̄ɔ̄ rɔ̄ yājí kə́ ngan̄g. Ni i nge dḭḭ̄jí kə́ ndi dɔ rɔ̄n tə́ ngándáńg yā rāā sejí ndɔ̄ kə́ wur kɔl əsōń dɔjí tə́.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

Gōsə̄ najə̄ gə̄ 3:24

Ré ā ī-to kə̄ nang tə́ anī, ā ī-ɓōĺ aĺ ō, ré ī-to nang tə́ oy anī, ā ī-ɓīī kadə̄ nel̄ taí ō.

Gōsə̄ najə̄ gə̄ 6:22

Kə dɔ kawí gə̄ ō, kə dɔ télí gə̄ ō ní, nin̄ a ɔjənī ta róbə ō, a ngɔ̄mənī dɔ tə̄rā toí tə́ ō. Dan ń ī-ndól̄ dɔ ɓīī tə́ anī nin̄ a adə̄nī kɔjə̄.