PĀ GƏ̄ 3:3 - Bibəl ta Sar̄

³ Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

Bible sar

³ Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

PĀ GƏ̄ 3:3 Referans Kwoze

PĀ GƏ̄ 27:6

Ń toō ní dɔḿ un dɔ madə̄ ba̰ā̰ḿ gə̄ ń gīrə̄n̄ gidəḿ ní, dɔḿ un dɔdə́ malang. M-ā m̄-tun̄ yá̰a̰ yā kadə̄ Kɔ́ɔ̄ɓē kem kújə yān tə́ kə kɔŕ rɔ̄nelēé ō, m-ā m-ə̄nī pā yā kɔsəń gɔn Kɔ́ɔ̄ɓē ō.

PĀ GƏ̄ 28:7

Kɔ́ɔ̄ɓē i loo ɓɔ̄ɔ̄ rɔ̄ yāḿ kə́ ngan̄g ngá̰ý ō, i der yāḿ ō. M-ə̄ndā kemḿ dɔn tə́, anī ni dḭḭ̄m̄. Adə̄ m̄-rāā walya ō m-ə̄nī pā m-ɔ́səń gɔnən ō!

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

PĀ GƏ̄ 119:114

I ḭ̄ n i loo ɓɔ̄ɔ̄ rɔ̄ yāḿ ō, der yāḿ ō ní. M-ə̄ndā kemḿ dɔ najə̄ yāí tə́.

IJAI 60:19

Ā ī-sāā i mbang yā ka̰a̰ń loo kadaá to̰ aĺ ō, i nāā yā ka̰a̰ń loo ndɔ̄ɔ́ to̰ aĺ ō. Mā Kɔ́ɔ̄ɓē Nə́ɓā yāí, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́ ō, m-ā m̄-rāā kadə̄ á̰a̰ loo kə́ unjə̄ kow ń m-ūnjə̄ ní ō.

PĀ GƏ̄ 62:7

A̰á̰ā̰, ni i mbal̄ yāḿ ō, nge kajəḿ ō, loo ndiḿ kə́ ngan̄g ō. Adə̄ m-ā m̄-yéȳ alé.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

JEJU TEĒ KUM JA̰A̰ 21:23

Ɓē ní sāā i mbang ō nāā ō tá kadə̄ loo unjə̄ń kemeé alé. Tɔdɔ̄ kɔsə gɔn yā Nə́ɓā rāā adə̄ loo unjə̄ kow kemeé ō, lámbá kə́ kemeé i Ngōn̄ Batə̄ ō.

PĀ GƏ̄ 110:7

Dan ń mban̄g i róbó ní, aw̄ a̰ȳ man̄ kə́ a nūgə́. Dan ń ni a̰ȳ oy anī ɔr̄ dɔn dɔɔ́.

PĀ GƏ̄ 4:3

Sḭḭ̄ de gə̄ ń nel̄sí sekə́ deē kanjə̄ kumən ō, ī-sāāī tetə najə̄ dɔḿ tə́ ō ní, i rə́ngáý tə́ n a asəsí kídə̄ kɔsə gɔn yāḿ ní?

JEJU TEĒ KUM JA̰A̰ 21:11

Kɔsə gɔn yā Nə́ɓā nəkɔ́ rāā adə̄ ɓē ní ndə́lē tītə̄ mbal̄ kə́ gātə̄n i ngá̰ý ń i mbal̄ jaspə kə́ ndə́lē tītə̄ kəristal kə́ unjə̄ yáŕ yáŕ beē ní.

Najə̄ kə́ Majə yā Jeju ń Luk ndang ní 2:32

Ni i loo kə́ unjə̄ kow tām̄ yā nápar de kə́ rang gə̄ tə́ ō, a ɔsə gɔn Israel ń i gír deē yāí gə̄ ní ō.

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

TA KƏLA 40:13

Kem ndɔ̄ mətá anī Parao̰ na a un dɔn dɔɔ́, na a tél yā kəndān loo kəla yān tə́ gogə́ kadə̄ a əla kópə jīn tə́ tītə̄ ń na a rāań kété ní.

IJAI 45:25

De gə̄ malang ń Israel ojədə́ ní a əngen̄ yá̰a̰ rāā kə́ gōtə́ i kə ta kūlə̄ḿ mā ō, nin̄ a əndan̄ kadədə́ najə̄n tə́ ō.

2 MBAN̄G 25:27

Əhɔn̄ Joakin mban̄g kə́ Juda aw̄n̄ seneé Babilon. Ni rāā ɓāl̄ kutə mətá gidə i sīrí Babilon. Kem ɓāl̄ kə́ nge ko̰ kutə mətá gidə i sīrí tə́, kə ndɔ̄ kə́ nge ko̰ kutə jōó gidə i sīrí yā nāā kə́ nge ko̰ kutə gidə i jōó anī, Ewil Merodak mban̄g kə́ Babilon rāā kem ndaa seneé. Ni ɔrən dəngáyá kem ɓāl̄ ń ndiń mban̄g tə́ ní.

2 MBAN̄G 18:30

Ni ədasí na kə ə̄nī kemsí ādī Kɔ́ɔ̄ɓē na Kɔ́ɔ̄ɓē a gān̄g dɔsí rɔ̄kum. Ni-əda na, rɔ̄kum ɓē ń toō a əsō kem jī mban̄g kə́ Asiri tə́ alé.

2 MBAN̄G 18:32

yā ngóoń kadə̄ n-aw̄ n-ɔýsí n-aw̄ sesí kem ɓē kə́ tītə̄ yāsí tə́, ɓē kə́ gémē ō, kasə nduú kə́ kijə ō, mápa ō, ndɔr̄ kāgə̄ nduú gə̄ ō, kāgə̄ olibə gə̄ kə́ yā rāā yibə̄ kə́ kijə tə́ ō, yibə̄ tejə ō i tū tə́. I beé n ā ī-ndiīneé kə kumsí ba ā óyīneé aĺ ní. Ōōī najə̄ yā Ejekias alé, tɔdɔ̄ ni gól̄sí əda na Kɔ́ɔ̄ɓē na a gān̄g dɔsí.