PĀ GƏ̄ 29:3 - Bibəl ta Sar̄

³ Ndū Kɔ́ɔ̄ɓē ɓār̄ dɔ man̄ tə́. Nə́ɓā kə́ nge kɔsə gɔn rāā adə̄ man̄ ndang. Kɔ́ɔ̄ɓē o̰o̰ ɓē dɔ man̄ kə́ bo gə̄ tə́.

Bible sar

³ Ndū Kɔ́ɔ̄ɓē ɓār̄ dɔ man̄ tə́. Nə́ɓā kə́ nge *kɔsə gɔn rāā adə̄ man̄ ndang. Kɔ́ɔ̄ɓē o̰o̰ ɓē dɔ man̄ kə́ bo gə̄ tə́.

PĀ GƏ̄ 29:3 Referans Kwoze

Teē Ngán Israel gə̄ 9:33

Moijə teē gō Parao̰ tə́ kɔ̄ɔ́ ba aw̄ gidə ɓē tə́. Aw̄ ɔy jīn kə̄ dɔɔ́ ndɔ̄yń Kɔ́ɔ̄ɓē. Anī kɔ̄sə̄ tə́sō to̰ aĺ ō, man̄ ndán̄g to̰ aĺ ō, edə to̰ aĺ ō.

Teē Ngán Israel gə̄ 9:28

Ī-ndɔ̄yī Kɔ́ɔ̄ɓē tām̄ yāḿ tə́ ādə̄ man̄ ndang to̰ aĺ ō, kɔ̄sə̄ tə́sō to̰ aĺ ō, ɓáa m-ā m-ə́yá̰sí kadə̄ āwī ba m-ā m-ɔ̄gə̄sí kaw̄ to̰ alé.

JEJU TEĒ KUM JA̰A̰ 19:6

Gō tə́ anī, m-ōō kōō yá̰á̰ kə́ ɓār̄ tītə̄ kōō kósə de kə́ ngá̰ý gə̄ beé ō, tītə̄ man̄ bā kə́ ngá̰ý ō, tītə̄ kōō man̄ kə́ ndang ngá̰ý ō. Kósə de gə̄ ní ədan̄ na: Aleluya! Tɔdɔ̄ Kɔ́ɔ̄ɓē Nə́ɓā yājí kə́ bo kə́ tɔ́gən i ngá̰ý o̰o̰ ɓē.

JEJU TEĒ KUM JA̰A̰ 16:18

Anī man̄ tel̄ kə̄ loo gə̄ tə́ ō, ndū de gə̄ ɓār̄ ō, man̄ ndang kə̄ loo gə̄ tə́ ō, dɔ nang ndew i ndew kə́ to ɓōĺ ngá̰ý kə́ jóo toó deē a̰a̰ dɔ nang loo ndew tə́ tītə̄ ń noō aĺ ɓáý ō.

JEJU TEĒ KUM JA̰A̰ 11:19

Ta kújə yā Nə́ɓā kə́ dɔ rā̰ tə́ teē ra wōyōó, anī m-á̰a̰ sandúkə madə̄ naā yān kemeé. Loo ń noō tə́ man̄ tel̄ ō, ndū de gə̄ ɓār̄ ō, man̄ ndang ō, dɔ nang ndew ō, kɔ̄sə̄ tə́sō ngá̰ý ō.

JEJU TEĒ KUM JA̰A̰ 4:5

Tel̄ man̄ gə̄ teēn̄ tū kōr̄ kāgə̄ mbang ní tə́ ō, ndū de gə̄ ɓār̄ tū tə́ ō, man̄ ndang tū tə́ ō. Hor lámba gə̄ sīrí ń i Ndíĺ kə́ sīrí gə̄ yā Nə́ɓā ní, unjə̄n̄ no kōr̄ kāgə̄ mbang ní tə́.

PĀ GƏ̄ 104:3

Kɔ́ɔ̄ɓē tə́ndā kújə yān gə̄ dɔ naā tə́ dɔ man̄ kə́ dɔɔ́ gə̄ tə́. Rāā kil̄ man̄ gə̄ i púsə́ sə́nda yān gə̄ tə́. Ndi i dɔ bɔ̄gə̄ néĺ tə́ n a njə̄rań ní.

1 SAMUEL 7:10

Dan ń ra a róō ngōn̄ batə̄ horoó ɓáý ní a, Pilistin gə̄ reēn̄ yā rɔ̄ɔ̄ Israel gə̄. Banī Kɔ́ɔ̄ɓē rāā adə̄ man̄ ndang kə ngangá ngá̰ý dɔdə́ tə́ ndɔ̄ ń noō tə́. Kɔ́ɔ̄ɓē əla ɓōĺ kə́ ngá̰ý kemdə́ tə́ adə̄ a̰ȳn̄ naā no Israel gə̄ tə́.

Teē Ngán Israel gə̄ 19:16

Teē kə́ gír looí ɓatə kə ndɔ̄ kə́ nge ko̰ mətá anī, man̄ ndang ō, tel̄ ō, kil̄ man̄ risə til nding dɔ mbalá ō, tōw̄ ɓār̄ ngá̰ý ō, adə̄ de gə̄ ndewn̄ yakə yakə kem gérger ń ndin̄ tū tə́ ní tə́.

JEJU TEĒ KUM JA̰A̰ 8:5

Anī de kə́ dɔ rā̰ tə́ un ganáń ní ō, ɔy hor kə́ dɔ loo tun̄ yá̰á̰ tə́ ɓōkə́ kemeé adə̄ rosə ō, ba ɓōkə́ dɔ nang tə́. Anī man̄ ndang ō, ndū de gə̄ ɓār̄ ō, man̄ tel̄ ō, dɔ nang ndew ō.

JA̰A̰ 12:29

Kósə de gə̄ ń ran̄ noó ō, oōn̄ ndū deē ní ō ní ədan̄ na i man̄ n na ndang. De kə́rēý gə̄ ədan̄ na i de kə́ dɔ rā̰ tə́ kógə̄ḿ n na ɔr̄ najə̄ seneé ní.

KƏLA RĀĀ 7:2

Anī Etiyen əda na: Ngákó̰ó̰ḿ gə̄ ō, bɔbə́ḿ gə̄ ō, ōōī. Dan ń kaají Abəraham i dɔ nang kə́ Mesopotami tə́ ɓáý tá kadə̄ aw̄ ndi Haran ní, Nə́ɓā kə́ to kɔsə gɔn ndɔ̄bən noó ba ədan na:

Makətūbə̄ yā Job 36:33

Man̄ yān kə́ ndang əda kōō reēn ō, yá̰a̰ kul̄ gə̄ gə̄gē dɔdə́ ədadə́ na ni a reē ngɔr ō.

Makətūbə̄ yā Job 40:9

Jīí i tītə̄ jī Nə́ɓā á? Ndūí ɓār̄ tītə̄ man̄ kə́ ndang tītə̄ yān a?