PĀ GƏ̄ 28:9 - Bibəl ta Sar̄

⁹ Kɔ́ɔ̄ɓē, ájə́ gír deē yāí gə̄ ō, ī-rāā majə kə yá̰a̰ halaí gēé ō. ādə̄ ḭ̄ i nge kuldə́ ō, nge ka̰a̰ gōdə́ ngándáńg ō!

Bible sar

⁹ Kɔ́ɔ̄ɓē, ájə́ gír deē yāí gə̄ ō, ī-rāā majə kə yá̰a̰ halaí gēé ō. ādə̄ ḭ̄ i nge kuldə́ ō, nge ka̰a̰ gōdə́ ngándáńg ō!

PĀ GƏ̄ 28:9 Referans Kwoze

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

PĀ GƏ̄ 78:71

Unən i gō batə̄ yān gə̄ tə́ n reē seneé, kadə̄ tél nge kul̄ Jakob ń i gír deē yān ní, Israel ń i yá̰a̰ ndəbā yān ní.

NDŪ NAJƏ̄ 9:29

Kɔ́ɔ̄ɓē, nin̄ i gír deē yāí gə̄ ń ī-teē sedə́ kɔ̄ɔ́ kem ɓē kə́ Ejiptə tə́ kə tɔ́gí kə́ ngá̰ý ō, kə jīí kə́ kəla kə̄ dɔɔ́ ō ní.

MATIYE 2:6

Ḭ̄ Betlehem, ɓē kə́ gō nang yā Juda tə́, i ḭ̄ n i ngōn̄ ɓē kə́ dūú ngá̰ý tɔȳ gotə ɓē gə̄ kə́ gō nang yā Juda tə́ ní alé, tɔdɔ̄ ngār kə́ nge kul̄ Israel gə̄ ń i gír deē yāḿ gə̄ ní a teē i kemií ḭ̄ tə́.

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

ESDRAS 1:4

Loo malang ń gotə ngán Israel gə̄ ndin̄ tū tə́ ní, ādə̄ de kə́ loo ní tə́ gə̄ adə̄n̄də́ kadə̄ karī gə̄ kə́ rāān̄ kə gində̄ arjā̰a̰á̰ ō, kə lɔ́rɔ́ ō, yá̰a̰ kənge kə́ rang gə̄ ō, yá̰a̰ kul̄ gə̄ ō, yá̰a̰ ndējə̄ kə́ kadə̄ kə gō kem ndigií gə̄ ō, tām̄ yā kújə yā Nə́ɓā kə́ Jerusalem tə́.

1 MBAN̄G GƏ̄ 8:51

Tɔdɔ̄ nin̄ i gír deē yāí gə̄, yá̰a̰ halaí gə̄, nin̄ i de gə̄ ń ī-teē sedə́ kɔ̄ɔ́ kem ɓē kə́ Ejiptə tə́, kum hor kə́ təngā ngá̰ý kə́ yā nōoń gində̄ tə́ ní.

EPEJƏ 1:18

Ādə̄ ni teē kumsí ādə̄ á̰a̰ī loo kə́ unjə̄ kow yān, yā kadə̄ ī-gerīneé yá̰á̰ ń ni ɓāŕsí kadə̄ ə̄ndāī kemsí dɔ tə́ ní ō, yā kadə̄ ī-gerīneé yá̰a̰ kənge kə́ to kɔsə gɔn yān ō, yá̰a̰ ndəbā ń ni-adə̄ ngé yān gə̄ ní ō,

PĀ GƏ̄ 25:22

Nə́ɓā, ɓɔ́ ī-gān̄g dɔ Israel! Ɔ̄rən kɔ̄ɔ́ kum yá̰á̰ kə́ majaĺ gə̄ malang ń reēn̄ dɔn tə́ ní.

1 MBAN̄G GƏ̄ 8:53

Tɔdɔ̄ Kɔ́ɔ̄ɓē Nə́ɓā, i ḭ̄ n ɔ̄r̄ kam̄də́ dan gír de gə̄ malang kə́ dɔ nang tə́ tə́ tām̄ yāí tə́ kadə̄ nin̄ i yá̰a̰ halaí gə̄, tītə̄ ń ə̄ndāń ta nge kəla yāí Moijə tə́ ādə̄ ədań dan ń ī-teēń kə kaají gēé kɔ̄ɔ́ kem ɓē kə́ Ejiptə tə́ ní.

MISE 7:14

Kɔ́ɔ̄ɓē, ɔ́ŕ gír deē yāí gə̄ ta róbə kə kāgə̄ yāí ń ā ī-ngɔ̄məń yá̰a̰ kul̄ gə̄ ní. Nin̄ ndin̄ i kə kéŕdə́ dɔ nang kə́ tutə kɔ̄ɔ́ tə́. Kāgə̄ kə́ kan̄ gə̄ gīrə̄n̄ gidədə́. Ɔ́ŕdə́ ta róbə tītə̄ kə́ kété, āw̄ sedə́ dɔ mu gə̄ kə́ Basan tə́ ō, dɔ nang kə́ Galaad tə́ ō!

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

JEREMI 31:7

Najə̄ ń Kɔ́ɔ̄ɓē əda ní n toó: Ə́gaī kɔŕ rɔ̄nel̄ dɔ Jakob tə́, ɔ́jiī no ngār yā nápar de gə̄ kə walya kə́ ngá̰ý. Úniī ndūsí kə̄ dɔɔ́ ō, ī-rāāī rɔ̄nel̄ ō, ba ə́daī na: Kɔ́ɔ̄ɓē, ajə gír deē yān gə̄ adə̄ i gá̰ ngán Israel gə̄ ń na̰yn̄ ní.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

IJAI 46:3

Israel gə̄, ōōī najə̄ yāḿ, sḭḭ̄ kojə yā Jakob ń ī-na̰yiī ní. M-ə́lá gír ka̰a̰ gōsí i dan ń ojən̄neésí ní tə́. M-ə́lá gír kətōsí i ndɔ̄ ń ī-reēīneé dɔ nang tə́ ní.

PĀ GƏ̄ 14:7

I náā n ndi Siyo̰ nú yā tetəń rɔ̄ɔ̄ kadə̄ Israel ní? Dan ń Kɔ́ɔ̄ɓē a tél kə ngé gə̄ ń rɔ̄ gān̄gdə́ ní yā reē sedə́ dan gír deē yān gə̄ tə́ anī, Jakob a rāā walya, Israel a ndi i kə rɔ̄nelēé.

MISE 5:4

I ni n i nge rāā kadə̄ lɔm to ní. Ré de kə́ Asiri gə̄ reē udən̄ dɔ nang yājí tə́ ō, túdə̄n̄ kə̄ kem kújə́ kə́ ngáā ngáā yājí gə̄ tə́ ō anī, j-a j-əlaī kə ngār gə̄ kə́ kutədə́ i ngá̰ý yā kadə̄ rɔ̄ɔ̄n̄də́.

2 SAMUEL 21:3

Dabid dəje Gabaon gə̄ na ké i yá̰á̰ rí n kə n-rāā tām̄ yādə́ tə́ wa. Ké yá̰á̰ kə́ majaĺ ń rāādə́ ní ké n-a n-əgā kə̄rān i kə rí tá a tɔ́rə̄n̄neé tadə́ dɔ de gə̄ yā Kɔ́ɔ̄ɓē tə́ wa.

2 SAMUEL 7:7

Dan ń mā m̄-njə̄rań kə ngán Israel gēé ní, ngār gə̄ ń m-ādə̄də́ ta róbə kɔr no ngán Israel gə̄ ń i gír deē yāḿ gə̄ ní nin̄ i ngá̰ý, ɓá tā ba m-ə́da deē kógə̄ḿ dandə́ tə́ na ké tām̄ rí tə́ áké rāā kújə kə kāgə̄ sedər adə̄m̄ aĺ wa alé.

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

NDŪ NAJƏ̄ 1:31

tītə̄ ń rāań kem dəla loo tə́ ní ō. Kem dəla loo tə́ ní, sḭḭ̄ kɔ́ gə̄ á̰a̰ī kadə̄ Kɔ́ɔ̄ɓē Nə́ɓā yāsí ətōsí i tītə̄ ń deē a ətōń ngōnən ní. Ni-ətōsí dɔ róbə́ ń ī-njə̄rāī tū tə́ bátə́ ī-reē ūgīneé loo ń toō tə́ laā ní.

NDŪ NAJƏ̄ 9:26

m̄-rāān ɓɔ́ m-ə́da na: Kɔ́ɔ̄ɓē Nə́ɓā, ī-lōō nujə kə gír deē yāí gə̄ ń ī-gān̄g dɔdə́ loo de kə́ bo tə́ ō, ī-teē sedə́ kɔ̄ɔ́ Ejiptə kə tɔ́gí kə́ ngá̰ý ō ní.