PĀ GƏ̄ 27:6 - Bibəl ta Sar̄

⁶ Ń toō ní dɔḿ un dɔ madə̄ ba̰ā̰ḿ gə̄ ń gīrə̄n̄ gidəḿ ní, dɔḿ un dɔdə́ malang. M-ā m̄-tun̄ yá̰a̰ yā kadə̄ Kɔ́ɔ̄ɓē kem kújə yān tə́ kə kɔŕ rɔ̄nelēé ō, m-ā m-ə̄nī pā yā kɔsəń gɔn Kɔ́ɔ̄ɓē ō.

Bible sar

⁶ Ń toō ní dɔḿ un dɔ madə̄ ba̰ā̰ḿ gə̄ ń gīrə̄n̄ gidəḿ ní, dɔḿ un dɔdə́ malang. M-ā m̄-tun̄ yá̰a̰ yā kadə̄ Kɔ́ɔ̄ɓē kem kújə yān tə́ kə kɔŕ rɔ̄nelēé ō, m-ā m-ə̄nī pā yā kɔsəń gɔn Kɔ́ɔ̄ɓē ō.

PĀ GƏ̄ 27:6 Referans Kwoze

PĀ GƏ̄ 3:3

Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

HEBƏRO 13:15

I beé ní, jə-ndējī Nə́ɓā tɔȳ yājí tītə̄ yá̰a̰ tun̄ beé kə ndɔ̄ gə̄ ndɔ̄ gə̄, kə ta kūl̄ Jeju. Kumən na ādə̄ jə-tɔ̄yī rīn kə tam tají kə ndɔ̄ gə̄ ndɔ̄ gə̄.

PĀ GƏ̄ 107:22

Ādə̄ ndējə̄n̄ Nə́ɓā yá̰a̰ tun̄ gə̄ kə́ yā ɓōkə́nneé tɔ̄ȳ ō, ənīn̄ gotə kəla rāān gə̄ kə kɔŕ rɔ̄nelēé ō.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

2 SAMUEL 22:49

Kɔ́ɔ̄ɓē, ḭ̄ ɔ̄rə̄m̄ kɔ̄ɔ́ ta madə̄ ba̰ā̰ḿ gə̄ tə́. Ḭ̄ ī-rāā adə̄ ngé gə̄ ń ənīmə̄n̄ rɔ̄ɔ̄ ní m̄-tetədə́ rɔ̄ɔ̄. Ḭ̄ ɔ̄rə̄m̄ kɔ̄ɔ́ jī ngé dɔ́nɔ gə̄ tə́.

JEJU TEĒ KUM JA̰A̰ 15:3

Nin̄-ənīn̄ pā yā Moijə nge kəla yā Nə́ɓā ō, pā yā Ngōn̄ batə̄ ō, ədan̄ na: Kɔ́ɔ̄ɓē Nə́ɓā kə́ bo kə́ tɔ́gən i ngá̰ý, kəla rāāí i kəla kə́ bo gə̄ ō, kə́ to kɔr kum gə̄ ō. Mban̄g kə́ dɔ nápar de gə̄ tə́, gō róbə yāí gə̄ i gō róbə́ kə́ gō tə́ gə̄ ō, kə́ rɔ̄kum gə̄ ō.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

PĀ GƏ̄ 95:1

Ī-reēī! J-uriī kɔĺ rɔ̄nel̄ dɔ Kɔ́ɔ̄ɓē tə́, jə-tɔ̄yī mbal̄ ń ajəjí ní.

2 SAMUEL 7:9

Loo malang ń āw̄ tū tə́ ní mā i seí naā tə́, adə̄ m̄-rāā adə̄ madə̄ ba̰ā̰í gə̄ gətóon̄ kɔ̄ɔ́ malang noí tə́. M-ā m̄-rāā kadə̄ rīí a ɓār̄ tītə̄ rī mban̄g kə́ bo ngá̰ý gə̄ kə́ dɔ nang tə́.

JEREMI 31:7

Najə̄ ń Kɔ́ɔ̄ɓē əda ní n toó: Ə́gaī kɔŕ rɔ̄nel̄ dɔ Jakob tə́, ɔ́jiī no ngār yā nápar de gə̄ kə walya kə́ ngá̰ý. Úniī ndūsí kə̄ dɔɔ́ ō, ī-rāāī rɔ̄nel̄ ō, ba ə́daī na: Kɔ́ɔ̄ɓē, ajə gír deē yān gə̄ adə̄ i gá̰ ngán Israel gə̄ ń na̰yn̄ ní.

PĀ GƏ̄ 138:5

Ādə̄ ənīn̄ pā tɔ̄ȳn̄neé yá̰a̰ rāāí gə̄ ədan̄ na: Kɔsə gɔn yā Kɔ́ɔ̄ɓē i ngá̰ý.

PĀ GƏ̄ 110:7

Dan ń mban̄g i róbó ní, aw̄ a̰ȳ man̄ kə́ a nūgə́. Dan ń ni a̰ȳ oy anī ɔr̄ dɔn dɔɔ́.

PĀ GƏ̄ 81:1

Pā kə́ kem makətūbə̄ yā ngār yā gōsə̄ pā gə̄ tə́ ō, i pā yā Asap ō. A dānə̄n̄ gō i kə kənde kə́ Gat.

PĀ GƏ̄ 47:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

PĀ GƏ̄ 21:13

Ā ī-túr̄də́ kə ga̰ gərā yāí gēé. Ā ī-rāādə́ kadə̄ a a̰ȳn̄ naā.

PĀ GƏ̄ 21:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

1 YÁ̰A̰ GƏ̄ 22:18

Kɔ́ɔ̄ɓē Nə́ɓā yāsí i naā tə́ sesí aĺ a? Ni-rāā adə̄ ī-ndiī majə kə nápar de gə̄ ń ndin̄ gīrə̄n̄ gidəsí ní. Tɔdɔ̄ ni-əla de gə̄ ń ndin̄ kété dɔ nang ń toō tə́ ní kem jīḿ tə́. Adə̄ nin̄ əlan̄ dɔdə́ gíŕ tɔ́gə yā Kɔ́ɔ̄ɓē tə́ ō, gíŕ deē yān gə̄ tə́ ō.

2 MBAN̄G 25:27

Əhɔn̄ Joakin mban̄g kə́ Juda aw̄n̄ seneé Babilon. Ni rāā ɓāl̄ kutə mətá gidə i sīrí Babilon. Kem ɓāl̄ kə́ nge ko̰ kutə mətá gidə i sīrí tə́, kə ndɔ̄ kə́ nge ko̰ kutə jōó gidə i sīrí yā nāā kə́ nge ko̰ kutə gidə i jōó anī, Ewil Merodak mban̄g kə́ Babilon rāā kem ndaa seneé. Ni ɔrən dəngáyá kem ɓāl̄ ń ndiń mban̄g tə́ ní.

2 SAMUEL 22:1

Dan ń Kɔ́ɔ̄ɓē ɔr̄ Dabid kɔ̄ɔ́ jī madə̄ ba̰ā̰n gə̄ tə́ ō, jī Saul tə́ ō ní anī, ənī pā ń toō adə̄ Kɔ́ɔ̄ɓē,

TA KƏLA 40:13

Kem ndɔ̄ mətá anī Parao̰ na a un dɔn dɔɔ́, na a tél yā kəndān loo kəla yān tə́ gogə́ kadə̄ a əla kópə jīn tə́ tītə̄ ń na a rāań kété ní.

TA KƏLA 40:20

Ndɔ̄ mətá gō tə́ anī Parao̰ rāā nāā kojən. Ni rāā yá̰a̰ kəsa kə́ ngá̰ý adə̄ ngé rāā kəla yān gə̄ malang. Ni əndā ngol ngé kadə̄ mban̄g yá̰a̰ ka̰ȳ gə̄ ō, ngol ngé kɔr̄ mápa gə̄ ō, loo kə́ bo tə́ ta kum ngé kəla yān gə̄ tə́ malang.

PĀ GƏ̄ 3:4

Banī Kɔ́ɔ̄ɓē, ḭ̄ i der yāḿ. Ḭ̄ i kɔsə gɔn yāḿ, nge kun dɔḿ dɔɔ́.

PĀ GƏ̄ 57:8

m̄-sōl̄ to̰ alé, Nə́ɓā yāḿ, m̄-sōl̄ to̰ alé. m-ā m-ə̄nī pā yā kɔsəń gɔnií.

PĀ GƏ̄ 119:108

Kɔ́ɔ̄ɓē, ī-taā ndɔ̄ȳ yāḿ ń m-ādī kadə̄ karī tə́ ní, ba ī-ndóōm̄ ndūí gə̄ ń ḭ̄ ī-ra dɔ tə́ ní.