PĀ GƏ̄ 27:11 - Bibəl ta Sar̄

¹¹ Kɔ́ɔ̄ɓē, ɔ́jəm̄ róbə yāí ō, ī-ndɔ́rə̄m̄ kə̄ dɔ róbə́ kə́ majə tə́ ō, najə̄ yā madə̄ ba̰ā̰ḿ gə̄ tə́.

Bible sar

¹¹ Kɔ́ɔ̄ɓē, ɔ́jəm̄ róbə yāí ō, ī-ndɔ́rə̄m̄ kə̄ dɔ róbə́ kə́ majə tə́ ō, najə̄ yā madə̄ ba̰ā̰ḿ gə̄ tə́.

PĀ GƏ̄ 27:11 Referans Kwoze

PĀ GƏ̄ 5:8

Banī i ndūí ń ī-ra dɔ tə́ tām̄ yāḿ tə́ ní n ndḛḛ̄ kadə̄ mā m-údəń kújə yāí tə́ ní. M-ə̄sō kə̄ nang tə́ noí tə́ i kə ɓōló kemḿ tə́, kumḿ sɔɔ̄ loo kə́ táĺ yāí.

PĀ GƏ̄ 86:11

Kɔ́ɔ̄ɓē, ɔ́jəm̄ róbə yāí, anī m-ā m-ún gō najə̄ yāí kə́ rɔ̄kum. Ī-rāā ādə̄ kemḿ i dɔ yá̰á̰ kə́ kal kógə̄ḿ beē tə́: I kadə̄ m̄-ɓōĺ gidə rīí.

PĀ GƏ̄ 26:12

m̄-rā i dɔ loo kə́ ngan̄g majə tə́, adə̄ m-ā m̄-tɔ̄ȳ Kɔ́ɔ̄ɓē dan ngé kán̄ naā gə̄ tə́.

PĀ GƏ̄ 119:10

m̄-sāāī i kə ngarā̰ kemḿ gēé malang, ī-lōō kəya̰m̄ kadə̄ m-ə́ya̰ gō míndí gə̄ kɔ̄ɔ́ ba m̄-rā m̄-dáȳ sa̰y.

PĀ GƏ̄ 64:6

Nin̄ rɔ́tə̄n̄ najə̄ kə́ to kum kedə̄ gə̄ ta naā tə́. Nómə̄n̄ rɔ̄də́ yā kəyā gūmbə̄ loo mundə̄ tə́, ba ədan̄ na ké i náā n a a̰a̰də́ ní wa.

IJAI 35:8

Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

PĀ GƏ̄ 25:9

Ngé gə̄ ń sɔlə̄n̄ dɔdə́ ní, ni-aw̄ sedə́ kə̄ tū yá̰á̰ kə́ gōtə́ tə́ ō, ɔjədə́ róbə yān ō.

Najə̄ kə́ Majə yā Jeju ń Luk ndang ní 20:20

Loo ń noō tə́ ní, nin̄-əlan̄ gír kum̄ loo, adə̄ əlan̄ de kə́ ngé kəndā ma̰ȳ loo gə̄ rɔ̄ Jeju tə́. Nin̄-sēmə̄n̄ kumdə́ séḿ séḿ, adə̄ rāān̄ yá̰a̰ tītə̄ kə́ nin̄ i de kə́ súmūú gə̄, yā kadə̄ ré Jeju əda najə̄ kə́ majaĺ ɓáa kə n-əhɔnən̄ dɔ tə́ yā kəlan jī ngé ko̰o̰ ɓē gə̄ tə́ kadə̄ rāānən̄ kə gō ndū ń nin̄-ənīn̄ ní.

Gōsə̄ najə̄ gə̄ 8:9

De kə́ nge ger̄ kum najə̄ a ger̄ kadə̄ i najə̄ kə́ kum unjə̄ ō, de kə́ ger̄ yá̰a̰ a a̰a̰ kadə̄ i najə̄ kə́ gōtə́ ō.

PĀ GƏ̄ 25:12

Deē ń ɓōĺ ndíĺ Kɔ́ɔ̄ɓē ní, ni a ɔjən róbə́ ń kadə̄ a un ní.

Gōsə̄ najə̄ gə̄ 15:19

Kōn̄ i róbə yā de kə́ yay tə́, banī róbə yā de kə́ súmūú gə̄ i kə́ kɔsə kadə̄ unjə̄.

PĀ GƏ̄ 54:5

Tɔdɔ̄ tə̄rā gə̄ ənīmə̄n̄ rɔ̄ɔ̄ ō, de kə́ ngé dɔ́nɔ gə̄ sāān̄ tɔ̄lə̄m̄ ō. Nin̄ usədə́ dɔ Nə́ɓā tə́ alé.

PĀ GƏ̄ 5:9

Kɔ́ɔ̄ɓē, ḭ̄ ń i Nə́ɓā kə́ nge rāā yá̰á̰ kə́ gōtə́ ní, ɔ́r noḿ najə̄ yā madə̄ ba̰ā̰ḿ gə̄ tə́. Ī-rāā róbə yāí noḿ tə́ ādə̄ dɔ asə naā.

PĀ GƏ̄ 139:24

Á̰a̰ā̰ ké m-ún gō ɓesə̄ gə̄ wa, ɔ́rəm̄ ta róbə ādə̄ m̄-njə̄rā dɔ róbə́ kə́ jóó ń i róbə yāí ní tə́.