PĀ GƏ̄ 26:10 - Bibəl ta Sar̄

¹⁰ Yá̰á̰ kə́ to yḛr kum tákə̄ jīdə́ ō, nar kə́ kəndā jī naā tə́ rosə jī ko̰də́ ō.

Bible sar

¹⁰ Yá̰á̰ kə́ to yḛr kum tákə̄ jīdə́ ō, nar kə́ kəndā jī naā tə́ rosə jī ko̰də́ ō.

PĀ GƏ̄ 26:10 Referans Kwoze

NDŪ NAJƏ̄ 16:19

Ī-lōō tə́la ta njaí naā tə́ loo sarya tə́. Ā ī-gān̄g sarya tām̄ ta kum deē alé. Ī-lōō taā kadə̄ karī, tɔdɔ̄ kadə̄ karī i yá̰á̰ kə́ a utə̄ kum de kə́ ngáā gə̄ ō, a nujə najə̄ yā de kə́ sew gə̄ ō.

PĀ GƏ̄ 52:2

Ɔr̄ i najə̄ yā Doeg kə́ Edom ń reē əda Saul na Dabid na aw̄ ɓē Abimelek ní.

1 SAMUEL 8:3

Banī unən̄ gō njan alé. Ngur kənge yá̰a̰ rāādə́, adə̄ táān̄ yá̰a̰ gə̄ ń de gə̄ adə̄n̄də́ kadə̄ əndān̄neé najə̄ yādə́ gə̄ naā tə́ ní. Adə̄ sarya gān̄gdə́ i gōtə́ alé.

Teē Ngán Israel gə̄ 23:8

Ā ī-taā kadə̄ karī yā deē alé, tɔdɔ̄ i yá̰á̰ kə́ a tɔ̄ɔ̄ kum de kə́ nge ka̰a̰ loo ō, a nujə najə̄ yā de kə́ súmūú ō.

KƏLA RĀĀ 23:12

Dan ń loo tīī anī Jipə kə́rēý gə̄ oōn̄ naā, nin̄-túbə̄n̄ kə yá̰a̰ kəsaá ō, kə yá̰a̰ ka̰yá̰ ō, bátə́ kadə̄ ré n-tɔ̄lə̄n̄ Pol pá tá.

MISE 7:3

Rāā yá̰á̰ kə́ majaĺ ní, nin̄ ngangə̄n̄ ngá̰ý loon tə́. Ngār gə̄ adə̄ a mangən̄də́ i mbée ō, ngār sarya gə̄ a dəjen̄ i yá̰a̰ kəndā nja gə̄ ō, yá̰a̰ gə̄ ń de kə́ bo gə̄ gḛyn̄ kənge ní, nin̄ ədan̄ adə̄ kumən unjə̄ ō. Nin̄ əndān̄ rɔ̄də́ naā tə́ yā rāań yá̰a̰ yādə́ kə́ majaĺ gə̄ ō.

AMOS 5:12

A̰á̰ā̰, m̄-ger̄ kadə̄ yá̰a̰ rāāsí kə́ majaĺ ngá̰ý gə̄ i ngá̰ý ō, yá̰a̰ rāāsí kə́ gōtə́ aĺ gə̄ boon̄ ngá̰ý ō, de gə̄ ń najə̄ gətóo dɔdə́ tə́ ní, sḭḭ̄ i madə̄ ba̰ā̰də́ gə̄ ō, yá̰a̰ kəndā nja kə́ gōtə́ aĺ gə̄ ɓáa, sḭḭ̄ ī-taāī ō, loo sarya tə́ ɓáa, ɔ̄gī kadə̄ gāngə̄n̄ sarya yā ngé ndoō gə̄ kə gōó ō.

IJAI 33:15

I de kə́ nge rāā yá̰á̰ kə́ gōtə́ ō, kəda najə̄ kə́ rɔ̄kum ō. Hál deē ní n toó: Ni-mbātə́ yá̰á̰ kə́ kənge kə ta kūl̄ yá̰á̰ kə́ rāā kə dɔ́nɔ́ ō, ni mbəre ngé kadən yá̰a̰ karī yā mangnəń gə̄ kə̄ gogə́ ō. Dan ń a ɔrə̄n̄ najə̄ tɔ̄l̄ deē anī, ni utə̄ mbīn kɔ̄ɔ́. Ni utə̄ kumən kɔ̄ɔ́ yā ka̰a̰ń yá̰á̰ kə́ majaĺ alé.

Gōsə̄ najə̄ gə̄ 4:16

Nin̄ a ɓīīn̄ alé, bátə́ kadə̄ ré rāān̄ yá̰á̰ kə́ majaĺ pá tá, ré nin̄ rāān̄ deē kógə̄ḿ adə̄ əsō aĺ anī, ɓīī a əhɔ ta kumdə́ alé.

Gōsə̄ najə̄ gə̄ 1:16

Tɔdɔ̄ nin̄ a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, nin̄ nāgə́n̄ i yā ɓōkə́ mósə deē nang tə́.

PĀ GƏ̄ 36:4

Najə̄ kə́ tan tə́ i sor̄ ō gól̄ loo ō ngóy. Tām̄ yān tə́ ɓáa rāā yá̰á̰ kə́ majə i yá̰á̰ kə́ kumən gətóo.

PĀ GƏ̄ 11:2

Á̰a̰ā̰, ngé kem ndul gə̄ ran̄ tilií ba tə́ndān̄ gərā yādə́ tū kəlān tə́ ō, ndɔ́rə̄n̄ gō ō, yā túrəń de kə́ súmūú gə̄.

PĀ GƏ̄ 10:14

Tá yá̰á̰ kə́ gōtə́ aĺ ngá̰ý ń ni-rāā kə nge ndoó ō, ka̰a̰ tápə̄ yā nge ndoō ō ní, ḭ̄ á̰a̰ā̰ ō, īkɔ́ ə̄ndā rɔ̄í ta yá̰a̰ gə̄ ń reēn̄ dɔn tə́ ní malang. Nge tɔ́gə gətóo əya̰ rɔ̄n i kem jīí ḭ̄ tə́. Ḭ̄ i nge rāā kə ngōn̄ halaá.