PĀ GƏ̄ 26:1 - Bibəl ta Sar̄

¹ Pā yā Dabid. Kɔ́ɔ̄ɓē, ī-gān̄g sarya yāḿ, tɔdɔ̄ m̄-rāā yá̰a̰ i kə́ gōó ō, m-ə̄ndā kemḿ dɔí tə́ kanjə̄ kadə̄ kemḿ tɔ́sə̄m̄ ō.

Bible sar

¹ Pā yā Dabid. Kɔ́ɔ̄ɓē, ī-gān̄g sarya yāḿ, tɔdɔ̄ m̄-rāā yá̰a̰ i kə́ gōó ō, m-ə̄ndā kemḿ dɔí tə́ kanjə̄ kadə̄ kemḿ tɔ́sə̄m̄ ō.

PĀ GƏ̄ 26:1 Referans Kwoze

PĀ GƏ̄ 28:7

Kɔ́ɔ̄ɓē i loo ɓɔ̄ɔ̄ rɔ̄ yāḿ kə́ ngan̄g ngá̰ý ō, i der yāḿ ō. M-ə̄ndā kemḿ dɔn tə́, anī ni dḭḭ̄m̄. Adə̄ m̄-rāā walya ō m-ə̄nī pā m-ɔ́səń gɔnən ō!

PĀ GƏ̄ 7:8

Gír de gə̄ kánə̄n̄ naā gīrə̄n̄ gidií, ī-tél āw̄ ī-ndi gotií tə́ dɔɔ́ dɔdə́ tə́!

Gōsə̄ najə̄ gə̄ 20:7

De kə́ súmūú njə̄rā dɔ róbə yān tə́ kə háĺ kə́ gōtə́. Ngánən gə̄ ndin̄ gotən tə́ kə rɔ̄nelēé!

PĀ GƏ̄ 21:7

Ḭ̄ ī-rāā ādə̄ de gə̄ a tɔ́rə̄n̄ tadə́ dɔ naā tə́ i kə rīneé ngándáńg. Ndin ta kumií tə́ adə̄n rɔ̄nel̄ ngá̰ý.

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

1 SAMUEL 24:15

Mban̄g kə́ Israel tə́ ā ī-rɔ̄ɔ̄ i náā? Ā ī-ngɔ̄də̄ i náā? Ā ī-ngɔ̄də̄ i bísə́ kə́ nger əsan a? Ā ī-ndəle i ngáɓer kə̄njá a?

2 PIYER 1:10

Ngákó̰ó̰ḿ gə̄, i tām̄ najə̄ ń toō tə́ n majə kadə̄ ə́gaī rɔ̄sí kə̄ nang tə́ ādī tɔȳ kə́ kété ɓáý ī-mbūsīneé gír ɓār̄ ń Nə́ɓā ɓāŕsí ní ō, gə̄rā ń Nə́ɓā gə̄rāsí ní ō, ādī ngan̄g ní. Tɔdɔ̄ ré ī-rāāī beé anī, ā ə̄sōī kum yá̰á̰ kə́ majaĺ tə́ aĺ i kə́ bátə́ gə̄ tə́.

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

HEBƏRO 10:23

Jə-ngɔ̄mī yá̰á̰ ń j-əndāī kemjí dɔ tə́ á j-ədaī najə̄n ní. Tɔdɔ̄ Nə́ɓā ń ənī míndən adə̄jí ní i nge ra dɔ ndūn tə́.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

Gōsə̄ najə̄ gə̄ 29:25

Ɓōĺ deē i yá̰á̰ kə́ a əyā gūmbə̄ no deē tə́, ba deē ń ənī kemən mámák adə̄ Kɔ́ɔ̄ɓē ní yá̰a̰ a rāān alé.

PĀ GƏ̄ 121:3

Ādə̄ ni-rāā adə̄ njaí tə́gā yá̰a̰ alé, ādə̄ nge ngɔ̄m̄ dɔí tún̄ ɓīī alé!

PĀ GƏ̄ 94:18

Kɔ́ɔ̄ɓē, dan ń m-ə́da na: M-ā m-ə̄sō! Anī kem majə yāí əhɔm̄ kə̄ dɔɔ́.

PĀ GƏ̄ 62:6

Majə kadə̄ m̄-sāā loo ndi lɔm i rɔ̄ Nə́ɓā tə́ ngóy. Tɔdɔ̄ i ni n i nge rāā kadə̄ m-ə̄ndā kemḿ dɔn tə́ ní.

PĀ GƏ̄ 62:2

Ndi lɔm yāḿ i rɔ̄ Nə́ɓā tə́ ngóy. M-ájə i kə ta kūl̄neé.

PĀ GƏ̄ 54:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā yā Dabid kə́ yā ndóoń deē yá̰a̰.

PĀ GƏ̄ 43:1

Nə́ɓā, ī-gān̄g sarya yāḿ, ī-rɔ̄ɔ̄ dɔḿ tə́ ta ngé ra dɔ ndūdə́ tə́ aĺ gə̄ tə́. Ī-taām̄ jī nge gól̄ loo tə́ ō, nge rāā yá̰a̰ majaĺ tə́ ō, ə́ya̰m̄ dɔɔ́!

PĀ GƏ̄ 37:31

Ndū najə̄ yā Nə́ɓā yān i kemən tə́, adə̄ njan a ngan̄g.

PĀ GƏ̄ 35:24

Kɔ́ɔ̄ɓē, ḭ̄ ń i de kə́ gōtə́ ní, ī-gān̄g sarya yāḿ! Nə́ɓā yāḿ, ādə̄ asədə́ rāām̄ kur̄ kəgō yādə́ tə́!

PĀ GƏ̄ 31:14

Najə̄ ń de kə́ ngá̰ý gə̄ tə́dan̄ dɔḿ tə́ ní m-ōō kə mbīḿ. Nin̄ ədan̄ na m-ə́la ɓōĺ kem de gə̄ ń ndi gīrə̄n̄ gidəḿ tə́ ní. Nin̄ sə̄lān̄ naā dɔḿ tə́, oōn̄ naā loo mundə̄ tə́ yā tɔ̄lə̄m̄.

PĀ GƏ̄ 26:11

m̄-rāā yá̰a̰ malang kə gōó majə. Ní ɓɔ́, ī-gān̄g dɔḿ!

PĀ GƏ̄ 25:21

Ādə̄ hálí kə́ gōtə́ ō kə́ súmūú ō ngɔ̄mə̄mə̄n̄, tɔdɔ̄ m-ə̄ndā kemḿ dɔí tə́.

PĀ GƏ̄ 25:2

Nə́ɓā yāḿ, m-ə̄ndā kemḿ dɔí tə́ ba ī-lōō kəla rɔ̄sɔl̄ dɔḿ tə́! Ādə̄ madə̄ ba̰ā̰ḿ gə̄ tetəmə̄n̄ rɔ̄ɔ̄ alé!

PĀ GƏ̄ 15:2

I deē ń najə̄ gətóo dɔn tə́ ní, i nge ń rāā yá̰á̰ kə́ gōtə́ ní ō, najə̄ kə́ tan tə́ i najə̄ ń ni gír̄ kemən tə́ rɔ̄kum ō ní.

PĀ GƏ̄ 4:5

Ré wōn̄g rāāsí anī ī-lōōī rāā majaĺ. Ī-gírī yá̰a̰ dɔ tə̄rá ɓīīsí tə́ ba ī-lōōī kəda najə̄.

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

Makətūbə̄ yā Job 2:3

Anī Kɔ́ɔ̄ɓē dəjen najə̄ ədan na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō. Ni-əhɔ rɔ̄n tɔgə kem háĺ kə́ gōtə́ yān tə́, banī ḭ̄ ī-ra seḿ ta rāān yá̰á̰ kə́ gōtə́ aĺ kanjə̄ kumən.

Makətūbə̄ yā Job 4:6

I dan ń ī-ndi majə ní ngóy n ā ī-ɓōĺ Nə́ɓā ní a? I yá̰a̰ gə̄ ń ə̄ndā kemií dɔdə́ tə́ ní ngóy n əndān̄ ngəra hálí kə́ majə ní a?