PĀ GƏ̄ 25:3 - Bibəl ta Sar̄

³ De gə̄ ń əndān̄ kemdə́ dɔí tə́ ní, deē kógə̄ḿ kə́ tél ndə̄ngā rɔ̄n gətóo. Banī ngé gə̄ ń télən̄ kɔ̄ɔ́ gōí tə́ ní rɔ̄də́ sɔl̄də́, tām̄ jīdə́ i karī!

Bible sar

³ De gə̄ ń əndān̄ kemdə́ dɔí tə́ ní, deē kógə̄ḿ kə́ tél ndə̄ngā rɔ̄n gətóo. Banī ngé gə̄ ń télən̄ kɔ̄ɔ́ gōí tə́ ní rɔ̄də́ sɔl̄də́, tām̄ jīdə́ i karī!

PĀ GƏ̄ 25:3 Referans Kwoze

NŌŌ RƆ̄ 3:25

Kɔ́ɔ̄ɓē a rāā kem majə kə deē ń a əndā kemən dɔn tə́ ō, sāān ō ní.

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

MISE 7:7

Banī mā m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́, m̄-ngóō Nə́ɓā ń a ajəm̄ ní. Ni Nə́ɓā yāḿ, a oōm̄.

PĀ GƏ̄ 62:5

A̰á̰ā̰, nin̄ sāān̄ mbəre kənīn, i najə̄ loo kə́ bo ń ni-ndi tū tə́ ní tə́. Nel̄də́ sor̄ ngá̰ý, a tɔ́rə̄n̄ tadə́ dɔ de gə̄ tə́ i kə tadə́, banī kemdə́ a ndɔ̄ĺ de gə̄.

PĀ GƏ̄ 27:14

Ī-ngóō ta Kɔ́ɔ̄ɓē. Ə́hɔ rɔ̄í tɔgə ō, ə́hɔ kemií ngan̄g ō! Ī-ngóō ta Kɔ́ɔ̄ɓē.

Makətūbə̄ ń Pol ndang adə̄ Rom gə̄ ní 8:25

Banī yá̰á̰ ń á̰a̰ kə kumií aĺ ɓáý ní ré əndā kemií dɔ tə́ anī, ā ī-tə́gā i taí loo ngóō ta tə́.

PĀ GƏ̄ 37:34

Ré ī-tə́gā taí ba ī-ngóō Kɔ́ɔ̄ɓē ō, un gō róbə́ yān ō anī, ni a ɔsiī kə̄ dɔɔ́ kadə̄ ḭ̄ i kɔ́ɔ̄ dɔ nang ń ni-ənī míndən yā kadī ní ō, ā á̰á̰ ngé kem ndul gə̄ ń ɔrə̄n̄də́ kɔ̄ɔ́ ní ō.

PĀ GƏ̄ 33:20

Jḭḭ̄ j-əndāī kemjí i dɔ Kɔ́ɔ̄ɓē tə́, i ni n i der yājí ō, nge dḭḭ̄jí ō ní.

PĀ GƏ̄ 123:2

Adə̄ jə-to i tītə̄ ɓəlo kə́ dəngam gə̄ kə́ ndi a ngóōn̄ ta jī kɔ́ɔ̄də́ kə́ dəngam gə̄ ō, ɓəlo kə́ dəyá̰ kə́ ndi a ngóō ta jī kɔ́ɔ̄n kə́ dəyá̰ ō. Rɔ̄kum j-un kumjí kə̄ dɔɔ́ j-a̰a̰ń loo ɗek ɗek kə̄ rɔ̄ Nə́ɓā yājí tə́, jə-ngóōń tan kadə̄ a̰a̰ kum tō ndoō yājí.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

PĀ GƏ̄ 69:6

Nə́ɓā, yá̰á̰ ń m̄-rāā loo de kə́ mbóó tə́ ní ī-ger̄ ō. Yá̰á̰ kə́ gōtə́ aĺ gə̄ ń m̄-rāā ní, nge kə́ to loo mundə̄ tə́ kə́ ḭ̄ á̰a̰ā̰ aĺ ní gətóo ō.

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

PĀ GƏ̄ 35:26

Ngé gə̄ ń rāān̄ rɔ̄nel̄ tām̄ yá̰á̰ kə́ to kum kaȳ aĺ kə́ teē dɔḿ tə́ ní, ādə̄ rɔ̄də́ sɔl̄də́ malang! Ngé gə̄ ń ɔjən̄ rɔ̄də́ dɔḿ tə́ ní, ādə̄ rɔ̄sɔl̄ əhɔdə́ ō, ādə̄ əlan̄ rɔ̄sɔl̄ dɔdə́ tə́ ō.

PĀ GƏ̄ 132:18

M-ā m-ə́la rɔ̄sɔl̄ rɔ̄ madə̄ ba̰ā̰n gə̄ tə́ tītə̄ kūbə̄ beé, banī jākā mbang yān a ndə́lē pipir nɔtə non tə́.

PĀ GƏ̄ 71:13

Ngé gə̄ ń sāān̄ tɔ̄lə̄m̄ ní, ādə̄ rɔ̄də́ sɔl̄də́ ō, yá̰á̰ kə́ majaĺ teē dɔdə́ tə́ ō! ngé gə̄ ń sāān̄ kadə̄ yá̰á̰ kə́ majaĺ teē dɔḿ tə́ ní, ādə̄ kídə̄n̄də́ ō əlan̄ rɔ̄sɔl̄ dɔdə́ tə́ ō!

PĀ GƏ̄ 31:17

Á̰a̰m̄ mā nge kəla yāí kə kumií kə́ majaá, ájəm̄ tām̄ kem majə yāí tə́.

PĀ GƏ̄ 62:1

Pā kə́ kem makətūbə̄ yā ngār yā gōsə̄ pā gə̄ tə́. I kə gō míndə Yedutun. I pā yā Dabid.

PĀ GƏ̄ 6:10

Kɔ́ɔ̄ɓē oō ndūḿ ń m̄-rāānneé ɓɔ́ ní, ni ndigə ndɔ̄ȳ yāḿ.

JA̰A̰ 15:25

Banī i tām̄ kadə̄ najə̄ ń ndangən̄ kem ndū najə̄ yādə́ tə́ na: Nin̄-imə̄mə̄n̄ i kanjə̄ kumən ní, reē udəń gírí.

PĀ GƏ̄ 119:78

Ngé kɔjə rɔ̄ gə̄ ń najə̄ kə́ sor̄ yādə́ gə̄ taān̄ tɔ́gə́ḿ ní rɔ̄də́ sɔl̄də́. Yá̰a̰ gə̄ ń ī-ra kə de gēé ta rāā ní mā m̄-gír̄ yá̰á̰ ngá̰ý dɔ tə́.

PĀ GƏ̄ 109:3

Najə̄ yādə́ kə́ ɔjə kadə̄ nin̄ imə̄mə̄n̄ gīr̄ gidəḿ ō, nin̄ ənīmə̄n̄ rɔ̄ɔ̄ kanjə̄ kumən ō.

PĀ GƏ̄ 69:4

m̄-túr̄ kɔĺ sétə́ kɔr asəm̄ nák kɔ̄ɔ́. Kem míndə́ḿ təngām̄ tólóló. Kumḿ ɔr kɔ̄ɔ́ loo ngóō Nə́ɓā tə́.

TA KƏLA 49:13

Jabulo̰ a ndi i dɔ gɔ́sə bā bo tə́, ta kā̰ yā too bo gə̄ tə́. Dɔ nin̄ loo yān a aw̄ bátə́ teē ɓē kə́ Sidon tə́.

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.

PĀ GƏ̄ 22:6

Nin̄ nōōn̄ kə̄ dɔí tə́ kadə̄ ī-rāā sedə́, anī ī-gān̄g dɔdə́. Əndān̄ kemdə́ dɔí tə́, anī rɔ̄də́ sɔl̄də́ alé.

PĀ GƏ̄ 31:18

Kɔ́ɔ̄ɓē, m̄-ɓāríī kadə̄ ī-dḭḭ̄m̄ ní, ī-lōō rāā kadə̄ m̄-tél m̄-ndə̄ngā rɔ̄ḿ. Banī ādə̄ rɔ̄ ngé taā kem Nə́ɓā aĺ gə̄ sɔl̄də́ ō, ādə̄ yo utə̄ tadə́ ɔgə̄də́ kɔr̄ najə̄ ō!