PĀ GƏ̄ 24:8 - Bibəl ta Sar̄

⁸ Mban̄g kə́ bo ní i náā? I Kɔ́ɔ̄ɓē ń i go̰ rɔ̄ɔ̄ kə́ tɔ́gən i ngá̰ý ní. I Kɔ́ɔ̄ɓē ń ta rɔ̄ɔ̄ tə́ anī ni i go̰ rɔ̄ɔ̄ ní.

Bible sar

⁸ Mban̄g kə́ bo ní i náā? I Kɔ́ɔ̄ɓē ń i go̰ rɔ̄ɔ̄ kə́ tɔ́gən i ngá̰ý ní. I Kɔ́ɔ̄ɓē ń ta rɔ̄ɔ̄ tə́ anī ni i go̰ rɔ̄ɔ̄ ní.

PĀ GƏ̄ 24:8 Referans Kwoze

JEJU TEĒ KUM JA̰A̰ 6:2

Anī m-á̰á̰ sə́ndá kə́ ndaa. Ba deē ń ndi gidən tə́ ní, əhɔ ga̰ gərā jīn tə́. Adə̄n̄ deē ní jākā mbang kógə̄ḿ. Ba ni-aw̄ i kə́ nge tetə rɔ̄ɔ̄ tə́, yā kaw̄ tetə rɔ̄ɔ̄.

Teē Ngán Israel gə̄ 15:3

Kɔ́ɔ̄ɓē i go̰ rɔ̄ɔ̄, rīn əhɔ dɔn majə ngá̰ý, a ɓāŕnən̄ na i Kɔ́ɔ̄ɓē.

KOLOSƏ 2:15

Nə́ɓā taā tɔ́gə kɔ̄ɔ́ jī ngé ko̰o̰ ɓē gə̄ tə́ ō, jī ngé tɔ́gə gə̄ tə́ ō, i tītə̄ ń noō. Ngōnən ń tetədə́ rɔ̄ɔ̄ ní, ni-aw̄ sedə́ adə̄ njə̄rān̄ gōn tə́ tītə̄ ɓəlo gə̄, adə̄ de gə̄ malang a̰a̰n̄də́.

PĀ GƏ̄ 93:1

Kɔ́ɔ̄ɓē i mban̄g. Kɔsə gɔn utə̄ gidə rɔ̄n malang. Tɔ́gə gīr̄ gidən tītə̄ ndāŕ kəhɔ ɓōdə̄ beé. Rɔ̄kum, dɔ nang ra ngan̄g, yá̰a̰ a yéȳn alé.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

PĀ GƏ̄ 50:1

I pā yā Asap. Nə́ɓā, Nə́ɓā ń i Kɔ́ɔ̄ɓē ní, ɔr̄ najə̄. Ni ɓāŕ dɔ nang, əla gír loo ń mbang a əɓa tū tə́ ní, bátə́ loo ń mbang a udə tū tə́ ní.