PĀ GƏ̄ 24:3 - Bibəl ta Sar̄

³ I náā n asə kaw̄ dɔ mbal̄ yā Kɔ́ɔ̄ɓē tə́ ní? I náā n asə ra kem loo kə́ táĺ yān tə́ ní?

Bible sar

³ I náā n asə kaw̄ dɔ mbal̄ yā Kɔ́ɔ̄ɓē tə́ ní? I náā n asə ra kem *loo kə́ táĺ yān tə́ ní?

PĀ GƏ̄ 24:3 Referans Kwoze

PĀ GƏ̄ 15:1

I pā yā Dabid. Kɔ́ɔ̄ɓē, i náā n a asə kadə̄ ə́hɔn kə̄ rɔ̄í tə́ kem kújə yāí tə́ ní? I náā ń a ndi dɔ mbal̄ kə́ táĺ yāí tə́ ní?

HEBƏRO 12:28

Tām̄ najə̄ ń toō tə́, jḭḭ̄ ń j-əngeī i ɓē ko̰o̰ kə́ a yéȳ aĺ ní, ādə̄ jə-ndadə̄ j-adī Nə́ɓā ō, jə-rāāī kəla j-adə̄niī kə gō nelə̄n ō. J-ənī kemjí j-adə̄niī ō, jə-ɓōlíī ndílən ō.

PĀ GƏ̄ 65:4

Yá̰á̰ kə́ gōtə́ aĺ gə̄ tɔyn̄ tɔ́gə́ḿ, banī ḭ̄ ásə kɔr̄ majaĺ yājí gə̄ kɔ̄ɔ́.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

PĀ GƏ̄ 68:18

Púsə rɔ̄ɔ̄ gə̄ yā Nə́ɓā i dūbú ngá̰ý, i dūbú ngá̰ý nja kutə kə̄ gogə́. Kɔ́ɔ̄ɓē i dandə́ tə́, mbal̄ Sinai i kem loo kə́ táĺ tə́.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

1 YÁ̰A̰ GƏ̄ 15:1

Dabid adə̄ rāān̄ kújə yān kem ɓē yān tə́. Ni-rāā loo tām̄ yā sandúkə́ kə́ táĺ yā Nə́ɓā tə́ ba udə kújə tandā tū tə́ kadə̄ sandúkə́ ní ndi gírí.

JA̰A̰ 20:17

Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.

JA̰A̰ 13:36

Simo̰ Piyer ədan na: Kɔ́ɔ̄ɓē, a āw̄ i kə̄ rá? Jeju tél ədan na: Loo ń m-ā m-āw̄ kə̄ tū tə́ ní, ngɔlaā ásə kun gōḿ yā kaw̄ tū tə́ alé, banī gō tə́ pá tá ā ún gōḿ ɓáý.

EJEKIEL 44:5

Anī Kɔ́ɔ̄ɓē ədam̄ na: Ḭ̄ ngōn̄ deē, ī-nēl̄ mbīí majə, ī-teē kumií ō, ī-rāā mbīí ō. Ōō yá̰a̰ malang kə́ ɔjə dɔ ndū najə̄ gə̄ ō, jī bēl̄ loo rāā yá̰a̰ gə̄ ō, kə́ tām̄ yā kújə yāḿ tə́ ń m-ā m̄-rāā yā kədaī ní. Ngé gə̄ ń kadə̄ ə̄ndā kumií gíŕdə́ tə́ ngá̰ý al̄ naā ní, i ndū najə̄ gə̄ ō, jī bēl̄ loo rāā yá̰a̰ gə̄ ō ń a adə̄n̄ deē ta róbə kudə loo kə́ táĺ tə́ ō, a adə̄n̄ deē ta róbə teē kem loo kə́ táĺ tə́ ō ní tə́.

EJEKIEL 44:9

Mā Kɔ́ɔ̄ɓē Nə́ɓā m-ə́da najə̄ ń toō: Tə̄rā ń əja mɔtə kə́ dan wur tə́ aĺ ō, oō taḿ aĺ ō ní, a udə kem loo yāḿ kə́ táĺ tə́ to̰ alé, ká ni ndiń i dan Israel gə̄ tə́ gə̄gē ní.