PĀ GƏ̄ 23:6 - Bibəl ta Sar̄

⁶ A̰á̰ā̰ ndi majə ō, kem majə ō, a unən̄ gōḿ kə dɔ ndɔ̄ gə̄ malang ń m-ā m̄-ndiń kə kumḿ ní. Kɔ́ɔ̄ɓē, m-ā m̄-tél yā rāā ɓē kem kújə yāí tə́ kə́ njɔ́ḿ gə̄ tə́.

Bible sar

⁶ A̰á̰ā̰ ndi majə ō, kem majə ō, a unən̄ gōḿ kə dɔ ndɔ̄ gə̄ malang ń m-ā m̄-ndiń kə kumḿ ní. Kɔ́ɔ̄ɓē, m-ā m̄-tél yā rāā ɓē kem kújə yāí tə́ kə́ njɔ́ḿ gə̄ tə́.

PĀ GƏ̄ 23:6 Referans Kwoze

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

2 TIMOTE 4:18

Kɔ́ɔ̄ɓē a ɔrə̄m̄ kɔ̄ɔ́ kum yá̰a̰ malang kə́ majaĺ tə́ ō. Ni a ajəm̄ tām̄ yā Ɓē ko̰o̰ yān kə́ dɔ rā̰ tə́ ō. Kɔsə gɔn i yān kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!

2 KORḚNTƏ 5:1

Rɔ̄jí i kújə yājí kə́ dɔ nang tə́ laā. Ba jə-gerī kadə̄ ré kújə yājí ngeé ń toō nujə kɔ̄ɔ́ anī, j-awī kə nge kə́ a to ngándáńg dɔ rā̰ tə́, kə́ Nə́ɓā rāā tām̄ yājí tə́, kújə́ ní i kújə́ kə́ deē rāā kə jīneé alé.

PĀ GƏ̄ 16:11

Ḭ̄ ɔ́jəm̄ róbə́ kə́ aw̄ kə deé tū ndi kə kumuú tə́ adə̄ m̄-ger̄. Ré deē i rɔ̄í tə́ ngɔr anī rɔ̄n nelə̄n ngá̰ý. Rɔ̄nel̄ kə́ ngándáńg i dɔ jī ko̰í tə́.

2 KORḚNTƏ 1:10

I ni n ɔr̄jí ta yo kə́ tītə̄ ń noō tə́ ō, a ɔr̄jí ɓáý ō ní. A̰á̰ā̰, j-əndā kemjí dɔn tə́ kadə̄ a ajəjí ta yo tə́ ɓáý.

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

PILIPƏ 1:23

Dɔḿ tɔ̄ɔ̄ jōó: Ngur kadə̄ m-óy m-āw̄ m̄-ndi kə Kərist rāām̄, i nge ń noō n m̄-gḛy ngá̰ý ní.

PĀ GƏ̄ 21:4

Ḭ̄ ɔ́ý yá̰á̰ kə́ majə gə̄ ngá̰ý dɔí tə́, ī-tə́nań tan yā rāań majə seneé. Ḭ̄ ə́la jākā mbang kə́ rāā kə lɔ́rɔ́ dɔn tə́.