PĀ GƏ̄ 23:4 - Bibəl ta Sar̄

⁴ Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

Bible sar

⁴ Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

PĀ GƏ̄ 23:4 Referans Kwoze

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 118:6

Kɔ́ɔ̄ɓē i dām̄ yāḿ tə́, adə̄ m̄-ɓōĺ yá̰á̰ kógə̄ḿ alé, de gə̄ a rāān̄ i rí seḿ?

PĀ GƏ̄ 138:7

Ré mā i dan wur kɔl tə́ anī, ī-rāā ādə̄ m̄-ndi kə kumḿ gogə́. Ī-ɓir̄ jīí ə́ndań kó̰ń ngé rɔ̄ɔ̄ḿ gə̄ ō, jī ko̰í rāā adə̄ m̄-tetə rɔ̄ɔ̄ ō.

PĀ GƏ̄ 3:6

m̄-to kə̄ nang tə́ ō m̄-ɓīī ō. m̄-ndól̄ anī m-á̰a̰ kadə̄ tɔ́gə́ḿ i Kɔ́ɔ̄ɓē.

Najə̄ kə́ Majə yā Jeju ń Luk ndang ní 1:79

Yā kadə̄ ngé gə̄ ń ndin̄ tilií ō, ndíl yo tə́ ō ní a̰a̰n̄neé loo ō, yā kɔjəń njají loo njə̄rā dɔ róbə kem sɔl̄ tə́ ō.

MISE 7:14

Kɔ́ɔ̄ɓē, ɔ́ŕ gír deē yāí gə̄ ta róbə kə kāgə̄ yāí ń ā ī-ngɔ̄məń yá̰a̰ kul̄ gə̄ ní. Nin̄ ndin̄ i kə kéŕdə́ dɔ nang kə́ tutə kɔ̄ɔ́ tə́. Kāgə̄ kə́ kan̄ gə̄ gīrə̄n̄ gidədə́. Ɔ́ŕdə́ ta róbə tītə̄ kə́ kété, āw̄ sedə́ dɔ mu gə̄ kə́ Basan tə́ ō, dɔ nang kə́ Galaad tə́ ō!

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

2 TIMOTE 4:22

Ādə̄ Kɔ́ɔ̄ɓē i naā tə́ kə ndílí. Ādə̄ Nə́ɓā rāā kem majə sesí.

JEREMI 2:6

Nin̄ mbātə́n̄ kəda na: Kɔ́ɔ̄ɓē ń teē sejí kɔ̄ɔ́ kem ɓē kə́ Ejiptə tə́ ō, ni i nge ɔr̄ nojí kem dəla loo tə́ ō, dɔ nang kə́ i kə̄sā gə̄ ō, i mbḛ̄ gə̄ ō n i tū tə́ ō, kem ɓē kə́ loo laa ō, ndíl yo ō, i tū tə́ ō, kem ɓē ń deē kógə̄ḿ kə́ mān̄ tū tə́ gətóo ō, kem ɓē ń deē kógə̄ḿ kə́ ndi tū tə́ gətóo ō ní i rá?

PĀ GƏ̄ 44:19

J-əya̰ gōí aĺ ō, jə-tɔ̄ kɔ̄ɔ́ dɔ róbə yāí tə́ aĺ ō.

PĀ GƏ̄ 14:5

I nin̄ n ran̄ a a̰a̰n̄ woy woy noó. Tɔdɔ̄ Kɔ́ɔ̄ɓē i dām̄ yā de kə́ súmūú gə̄ tə́.

Makətūbə̄ yā Job 3:5

Ādə̄ loo kə́ ndul ō, loo kə́ risə til nding kə́ ɓádá ō, dəjen̄ ndɔ̄ ní ba taān̄. Ādə̄ kil̄ man̄ kə́ ndul ndí ndḭ́ i dɔ ndɔ̄ ní tə́! Ādə̄ loo kə́ risə til nding əla ɓōĺ kemən tə́!

JAKARI 11:10

Gō tə́ anī, m-ún kāgə̄ yāḿ ń rīn na i madə̄ naā ní m̄-tētə̄. Adə̄ m̄-gān̄g madə̄ naā ń Kɔ́ɔ̄ɓē əhɔ kə gír de gēé malang ní i tītə̄ ń noō.

PĀ GƏ̄ 110:2

Ādə̄ Kɔ́ɔ̄ɓē ń ndi Siyo̰ ní rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y! Ó̰o̰ ɓē dan madə̄ ba̰ā̰í gə̄ tə́!

Makətūbə̄ yā Job 24:17

Ta gír loo i loo kə́ risə til nding tām̄ yā de gə̄ ń noō tə́ malang. Banī ɓōĺ kə́ ngá̰ý ń loo kə́ risə til nding a əla kem nge kɔy yá̰a̰ yā de gə̄ dɔ gúú tə́ ní ndérən kɔ̄ɔ́.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

JAKARI 11:14

Gō tə́ anī, m̄-tétə̄ kāgə̄ yāḿ kə́ nge ko̰ jōó ń rīn na i ɓoo naā ní kɔ̄ɔ́. Yá̰á̰ ń ɓoo Juda naā tə́ kə Israel adə̄ to tītə̄ kə́ nin̄ i ngákó̰o̰ naā gə̄ beé ní, m̄-tētə̄ yá̰á̰ ní kɔ̄ɔ́ i tītə̄ ń noō.