PĀ GƏ̄ 23:3 - Bibəl ta Sar̄

³ Rāām̄ adə̄ m̄-tél m̄-ngan̄g májə́ májə́. Njə̄rā seḿ dɔ róbə́ kə́ gōtə́ gə̄ tə́ i tām̄ yā rīn kə́ bo tə́.

Bible sar

³ Rāām̄ adə̄ m̄-tél m̄-ngan̄g májə́ májə́. Njə̄rā seḿ dɔ róbə́ kə́ gōtə́ gə̄ tə́ i tām̄ yā rīn kə́ bo tə́.

PĀ GƏ̄ 23:3 Referans Kwoze

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

PĀ GƏ̄ 31:3

Ī-nēl̄ mbīí kə̄ kōōḿ tə́, ī-reē láẃ ī-gān̄g dɔḿ. Ādə̄ ḭ̄ i mbal̄ yāḿ kə́ ngan̄g ngá̰ý ō, loo ndiḿ kə́ ngan̄g ń a ajəm̄ ní ō.

PĀ GƏ̄ 19:7

Ni teē ta ngóy dɔ rā̰ kə́ dām̄ kə́rēý tə́, njə̄rā bátə́ ugə̄ ta ngóy dɔ rā̰ kə́ dām̄ kə́ noō tə́ ō, yá̰á̰ kə́ kəngān ɔdən aĺ gətóo ō.

PĀ GƏ̄ 51:10

Ədam̄ najə̄ mā̰ȳ rɔ̄ yāí na a adə̄m̄ rɔ̄nel̄ ngá̰ý. Loo ń noō tə́ mā ń ī-tétə̄ kə̄ngāḿ rárák kɔ̄ɔ́ ní, m-ā m̄-rāā rɔ̄nel̄.

PĀ GƏ̄ 5:8

Banī i ndūí ń ī-ra dɔ tə́ tām̄ yāḿ tə́ ní n ndḛḛ̄ kadə̄ mā m-údəń kújə yāí tə́ ní. M-ə̄sō kə̄ nang tə́ noí tə́ i kə ɓōló kemḿ tə́, kumḿ sɔɔ̄ loo kə́ táĺ yāí.

PĀ GƏ̄ 51:12

Nə́ɓā, ī-rāā ādə̄ kemḿ unjə̄ njáý njáý. Ī-tūr̄ ndílə́ḿ ādə̄ téĺ kə́ kijə ō, ī-rāān ādə̄ ra ngan̄g ō.

Makətūbə̄ yā Job 33:30

yā teēń seneé kɔ̄ɔ́ bāá yo tə́, yā rāań kadə̄ loo kə́ unjə̄ kow yā ngé ndi kə kumdə́ gə̄ unjə̄ń dɔ deē tə́.

Gōsə̄ najə̄ gə̄ 8:20

Mā m-ún i róbə́ yá̰á̰ kə́ gōtə́, róbə́ kə́ a rāān̄ yá̰a̰ tū tə́ i kə gōó.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

PĀ GƏ̄ 79:9

Nə́ɓā kə́ nge kajəjí, ī-rāā sejí ādə̄ de gə̄ tɔ̄ȳn̄neé rīí. Tām̄ yā rī ɓār̄ yāí tə́ ní, ī-gān̄g dɔjí ō, ə̄ndā njaí dɔ yá̰á̰ kə́ majaĺ gə̄ ń jə-rāā tə́ ní ō.

PĀ GƏ̄ 85:13

Kɔ́ɔ̄ɓē nəkɔ́ i nge rāā kadə̄ deē ndi majə ō, nge rāā kadə̄ dɔ nang yājí teē kōō ō.

Gōsə̄ najə̄ gə̄ 4:11

m̄-ndóōī loo rāā yá̰a̰ kə kum kedēé ō, m-ɔ́jiī loo rāā háĺ kə́ súmūú ō.

PĀ GƏ̄ 119:176

m̄-dáȳ tītə̄ batə̄ kə́ ta tḭ̄ḭ̄ beé, ī-sāā nja nge kəla yāí, tɔdɔ̄ dɔḿ ndígə̄nal gō míndí gə̄ alé.

EJEKIEL 20:14

Banī m̄-rāā yá̰á̰ ní alé tām̄ rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

JEREMI 31:8

M-ā m-ḭ́ḭ sedə́ dɔ nang kə́ mbɔ́r ɓē kə́ ko̰ó̰ tə́ ō, ta ngóy dɔ nang tə́ ō, yā reē kɔsə dɔdə́ naā tə́. A télən̄ yā reē naā tə́ malang kə ngé kum tɔ̄ɔ̄ gə̄ ō, ngé tə́sō motə gə̄ ō, dəyá̰ kə́ ndān̄ ngán gə̄ ō, kó ndōō gə̄ ō adə̄ i kósə de kə́ ngá̰ý gə̄ n a ɔsən̄ dɔdə́ naā tə́ ní.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

PĀ GƏ̄ 34:3

M-ə́ndá gúúḿ najə̄ yā Kɔ́ɔ̄ɓē tə́. Ādə̄ ngé tél kə rɔ̄də́ kə̄ nang tə́ gə̄ rāān̄ rɔ̄nel̄ loo koō najə̄ kɔrə̄ḿ tə́.

PĀ GƏ̄ 31:4

Mbal̄ yāḿ ō loo ndiḿ kə́ ngan̄g ngá̰ý ō i ḭ̄. Ɔ́jəm̄ róbə ō ɔ́r noḿ ō ādə̄ de gə̄ tɔ̄ȳn̄neé rīí.

PĀ GƏ̄ 106:8

Ba ni ajədə́ tām̄ yā rīn tə́, ajədə́ i yā kɔjəń tɔ́gən.

PĀ GƏ̄ 109:21

Banī ḭ̄ Kɔ́ɔ̄ɓē Nə́ɓā yāḿ, ī-rāā yá̰a̰ tām̄ yāḿ tə́, najə̄ yā rīí tə́, tām̄ kem majə yāí i ngá̰ý. Ī-gān̄g dɔḿ!

JEREMI 31:25

Ngé gə̄ ń kəndā man̄ taā tɔ́gə́də́ ní, m-ā m̄-tɔ̄l̄ kəndā dɔdə́ tə́ ō. Ngé gə̄ ń tél sɔlə̄n̄ yélélé ní m-ā m-ādə̄də́ tɔ́gə ō.