Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.
Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.
Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!
I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.
Nápar de gə̄, ōōī najə̄ yā Kɔ́ɔ̄ɓē. Ə̄nīī mbēr̄ yān ādī ngé gə̄ ń ndin̄ loo kə́ sa̰y ngá̰ý tə́ ní oōn̄. Ədaī na: Nge ń tə̄ndā ngán Israel gə̄ tḭ̄ḭ̄də́ naā tə́ ní a ɔsə dɔdə́ naā tə́. Ni ngɔ̄m̄də́ tītə̄ ń nge kul̄ yá̰a̰ ngɔ̄məń yá̰a̰ kul̄ yān gə̄ ní beē.
Loo ń noō tə́ jḭḭ ń i gír deē yāí gə̄ á i yá̰a̰ kul̄ gə̄ kə́ i ḭ̄ n i nge kaw̄ sedə́ dɔ mu tə́ ní, j-a j-asə kɔsə gɔnií ngándáńg ō, ɓōkíī tɔ̄ȳ kə dɔ ɓāl̄ gə̄ ō.
M-ā m-āw̄ sedə́ dɔ mu kə́ majə tə́ ō, nin̄ a əngen̄ loo kəsa mu yādə́ dɔ mbal̄ bo gə̄ kə́ dɔ nang kə́ Israel tə́ tə́ ō. Batə̄ yāḿ gə̄ a asən̄ kɔr̄ koō loo ngeé ń noō tə́, loo kə́ majə kə́ mu i tū tə́ tə́. Nin̄ a əsan̄ yá̰a̰ dɔ nang kə́ teē yá̰a̰ gə̄ tə́ tə́, dɔ mbal̄ bo gə̄ kə́ Israel tə́ tə́.