PĀ GƏ̄ 22:6 - Bibəl ta Sar̄

⁶ Nin̄ nōōn̄ kə̄ dɔí tə́ kadə̄ ī-rāā sedə́, anī ī-gān̄g dɔdə́. Əndān̄ kemdə́ dɔí tə́, anī rɔ̄də́ sɔl̄də́ alé.

Bible sar

⁶ Nin̄ nōōn̄ kə̄ dɔí tə́ kadə̄ ī-rāā sedə́, anī ī-gān̄g dɔdə́. Əndān̄ kemdə́ dɔí tə́, anī rɔ̄də́ sɔl̄də́ alé.

PĀ GƏ̄ 22:6 Referans Kwoze

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

Makətūbə̄ yā Job 25:6

deē ndul ń i kəde ō, ngōn̄ kem Adam ń i ngōn̄ kur̄ ō ní, yān a to i ba̰ý?

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

HEBƏRO 13:12

I tām̄ najə̄ ń noō tə́ n Jeju oyń gidə ɓē tə́ ndágá ō yā tə́goń de gə̄ kadə̄ unjə̄n̄ njáý njáý kə ta kūl̄ mósən nəkɔ́ ní.

MATIYE 11:19

Ba dan ń Ngōn̄ Deē reē ní, əsa yá̰a̰ ō, a̰ȳ yá̰a̰ ō anī de gə̄ ədan̄ na ni na i nge kəsa wa ō, nge kasə rāā ō, ni na i madə̄ ngé taā lambóo gə̄ ō, ngé rāā majaĺ gə̄ ō, banī yá̰a̰ rāān gə̄ ɔjə kadə̄ najə̄ i yā kum kedə̄ yā Nə́ɓā.

PĀ GƏ̄ 31:11

Rɔ̄ḿ nelə̄m̄ aĺ bátə́ kadə̄ ndɔ̄ḿ təgāń. m̄-ra i dan to̰ō̰ tə́ bátə́ kadə̄ ɓālə̄ḿ təgāń. Yá̰á̰ kə́ majaĺ ń m̄-rāā ní rāā adə̄ tɔ́gə́ḿ gətóo kɔ̄ɔ́ ō, əsa kə̄ngāḿ ō.

JEJU TEĒ KUM JA̰A̰ 15:3

Nin̄-ənīn̄ pā yā Moijə nge kəla yā Nə́ɓā ō, pā yā Ngōn̄ batə̄ ō, ədan̄ na: Kɔ́ɔ̄ɓē Nə́ɓā kə́ bo kə́ tɔ́gən i ngá̰ý, kəla rāāí i kəla kə́ bo gə̄ ō, kə́ to kɔr kum gə̄ ō. Mban̄g kə́ dɔ nápar de gə̄ tə́, gō róbə yāí gə̄ i gō róbə́ kə́ gō tə́ gə̄ ō, kə́ rɔ̄kum gə̄ ō.

JA̰A̰ 7:15

Anī ɔr kum Jipə gə̄ ngá̰ý, adə̄ ədan̄ na: Ni ndóō yá̰a̰ alé, ba ger̄ makətūbə̄ yā Nə́ɓā i ba̰ý?

NŌŌ RƆ̄ 3:30

Majə kadə̄ əla mbɔ́rən adə̄ deē ń a ənda ní ō, əya̰ rɔ̄n ādə̄ ndū asən ō.

JA̰A̰ 8:48

Jipə gə̄ tél ədanən̄ na: Dan ń j-əda na ḭ̄ i de kə́ Samari ō, ndíĺ kə́ majaĺ i kemií tə́ ō ní, i gōtə́ aĺ a?

JA̰A̰ 7:20

Kósə de gə̄ tél ədanən̄ na: Ndíĺ kə́ majaĺ i kemií tə́, i náā n sāā tɔ̄lī?

MATIYE 12:24

Banī Parijiyḛ gə̄ ń oōn̄ ní, ədan̄ na Jeju na a tə̄ɓā ndíĺ kə́ majaĺ gə̄ na i kə ta kūl̄ tɔ́gə́ ń Beljebul, ngār yā ndíĺ kə́ majaĺ gə̄ na adə̄n ní ngóy.

PĀ GƏ̄ 88:8

Ḭ̄ ī-bə̄gā wōn̄g yāí dɔḿ tə́. Ī-taā tɔ́gə́ḿ kə bəngál man̄ yāí gēé.

PĀ GƏ̄ 31:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

2 YÁ̰A̰ GƏ̄ 14:11

Kɔ́ɔ̄ɓē tetə Nubi gə̄ rɔ̄ɔ̄ no Asa tə́ ō, no Juda gə̄ tə́ ō, adə̄ Nubi gə̄ a̰ȳn̄ naā.

PĀ GƏ̄ 25:3

De gə̄ ń əndān̄ kemdə́ dɔí tə́ ní, deē kógə̄ḿ kə́ tél ndə̄ngā rɔ̄n gətóo. Banī ngé gə̄ ń télən̄ kɔ̄ɔ́ gōí tə́ ní rɔ̄də́ sɔl̄də́, tām̄ jīdə́ i karī!

PĀ GƏ̄ 41:5

Mā m-ə́da na: Kɔ́ɔ̄ɓē, m̄-rāā majaĺ seí rɔ̄kum, ba á̰a̰ kum tō ndoō yāḿ, ī-rāā ādə̄ rɔ̄ḿ ngan̄g.