PĀ GƏ̄ 22:21 - Bibəl ta Sar̄

²¹ Ɔ̄rə̄m̄ ta yo kaskar tə́ kɔ̄ɔ́. Ī-taām̄ ta ngān̄g bísə gə̄ ń noō tə́.

Bible sar

²¹ Ɔ̄rə̄m̄ ta yo kaskar tə́ kɔ̄ɔ́. Ī-taām̄ ta ngān̄g bísə gə̄ ń noō tə́.

PĀ GƏ̄ 22:21 Referans Kwoze

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

TƏ́DA 23:22

I ni n teē sedə́ kɔ̄ɔ́ dɔ nang kə́ Ejiptə tə́ kə́ tɔ̄gə́ kə́ tītə̄ tɔ́gə dɔgə ní.

KƏLA RĀĀ 4:27

Najə̄ ní i rɔ̄kum, tɔdɔ̄ Herod ō, Po̰sə Pilatə ō, nápar de kə́ rang gə̄ ō, Israel gə̄ ō, ɓoon̄ naā kem ɓē ń toō tə́ dɔ Jeju nge kəla yāí kə́ táĺ tə́, ni ń úr yibə̄ ngār dɔn tə́ ní.

JA̰A̰ 14:30

M-ā m-ɔ̄r̄ najə̄ sesí ngá̰ý to̰ alé, tɔdɔ̄ ngār yā de kə́ dɔ nang ń toō tə́ gə̄ a reē i mbée. Ni-aw̄ kə tɔ́gə yā rāā yá̰á̰ kógə̄ḿ seḿ alé,

JA̰A̰ 8:59

Loo ń noō tə́ nin̄-ɔyn̄ kūbə̄rū mbal̄ gə̄ yā tə́nīnneé. Banī Jeju ɓɔ̄ɔ̄ rɔ̄n ba teē kɔ̄ɔ́ kem kújə yā Kɔ́ɔ̄ɓē tə́.

IJAI 34:7

Dɔgə gə̄, kə man̄g kə́ bəra gə̄ ō, kə man̄g gə̄ ō əsōn̄ ndɔ̄ naā tə́. Mósə taā loo dɔ nang tə́ ō, mból dā̰ taā loo dɔ nang tə́ ō.

NDŪ NAJƏ̄ 33:17

Ādə̄ de gə̄ rɔȳn̄ Jəjep. Ni-ngan̄g tītə̄ man̄g kə́ bəra beé. Gajən kə́ ngan̄g ngan̄g gə̄ i jōó tītə̄ gajə dɔgə. Ni-tɔ́səń gír de gə̄ ō, bugə́juńdə́ bátə́ aw̄ sedə́ əndādə́ ta ngóy dɔ nang tə́ ō. Gajən kə́ kógə̄ḿ i dūbə̄ de kə́ ngá̰ý gə̄ yā Epəraim, ba gajən kə́rēý i ɓūtə̄ de kə́ ngá̰ý gə̄ yā Manase.

Najə̄ kə́ Majə yā Jeju ń Luk ndang ní 22:53

Ngáńdáńg kə ndɔ̄ gə̄ mā i sesí kem kújə yā Kɔ́ɔ̄ɓē tə́, ba sḭḭ̄ ə́hɔmī alé. Banī i kum mbang yāsí n toó ō, i kum mbang yā tɔ́gə́ kə́ kum til tə́ gə̄ ō.

PĀ GƏ̄ 35:17

Kɔ́ɔ̄ɓē, loo kadə̄ ī-ra á̰á̰ yá̰á̰ ń noō kə kumií karī i ba̰ý? Ī-lōō kadə̄ yá̰á̰ kə́ majaĺ ń toō rāām̄ ō, ī-taām̄ jī ɓɔl gə̄ ń toō tə́ ō.