PĀ GƏ̄ 22:16 - Bibəl ta Sar̄

¹⁶ Kem kɔ́ɔ́ḿ tutə ká kákə́rá ō, Ndo̰ḿ tə́ya̰ kem nga̰ā̰ḿ tə́ ō. Ḭ̄ ə̄nīm̄ ta bāá yo tə́.

Bible sar

¹⁶ Kem kɔ́ɔ́ḿ tutə ká kákə́rá ō, Ndo̰ḿ tə́ya̰ kem nga̰ā̰ḿ tə́ ō. Ḭ̄ ə̄nīm̄ ta bāá yo tə́.

PĀ GƏ̄ 22:16 Referans Kwoze

JA̰A̰ 19:37

Ndangən̄ loo kə́ rang tə́ ɓáý to̰ na: Nin̄ a a̰a̰n̄ nge ń ɔsənən̄ ní.

MATIYE 27:35

Dan ń əndanən̄ kə máyá̰ tū kāgə̄ kə́ dēsə́ tə́ oy anī, áskar gə̄ túgə̄n̄ wə̄lā kēgə̄n̄neé naā kūbə̄ yān gə̄.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

JA̰A̰ 20:25

Anī ngé ndóō yá̰a̰ kə́rēý gə̄ ədanən̄ na n-a̰a̰n̄ Kɔ́ɔ̄ɓē. Banī ni ədadə́ na ré n-a̰a̰ tə́re do máyá̰ kə́ da jīn tə́ aĺ ō, ré n-əla ta ngōn̄ jīn gotə bəlo máyá̰ ní tə́ aĺ ō, ré n-əla jīn kadən tə́ aĺ ō anī, n-a n-taā kem alé.

JA̰A̰ 19:23

Dan ń áskar gə̄ əndan̄ Jeju kə máyá̰ tū kāgə̄ kə́ dēsə́ tə́ oy anī, ɔyn̄ kūbə̄ yān gə̄ kēngə̄n̄ naā tə́ loo sɔ́, kógə̄ḿ kə dɔ áskar gēé. Unən̄ kūbə̄ jī yān ō. Kūbə̄ jī ní i kə́ kanjə̄ kəlā kurə̄n, kəjōn i kógə̄ḿ beē ḭḭ dɔɔ́ bátə́ gān̄g nang tə́.

MARK 15:24

Əndanən̄ kə máyá̰ tū kāgə̄ kə́ dēsə́ tə́ ba túgə̄n̄ wə̄lā dɔ kūbə̄ yān gə̄ tə́ yā gerə̄ń dɔ deē ń wə̄lā əhɔ adə̄n ní, ba gō tə́ anī nin̄-nə̄ɓōn̄ naā kūbə̄ gə̄ ní.

JA̰A̰ 19:34

Banī áskar kógə̄ḿ ɔsə kadən kə nəngaá, anī mósə ō man̄ ō teēn̄.

Najə̄ kə́ Majə yā Jeju ń Luk ndang ní 23:33

Dan ń ugə̄n̄ loo ń a ɓāŕnən̄ na i Kār̄ dɔ tə́ ní anī, əndanən̄ kə máyá̰ tū kāgə̄ kə́ dēsə́ tə́ tū tə́ naā tə́ kə ngé rāā majaĺ gə̄ ní. Kógə̄ḿ i dɔ jī ko̰n tə́ ō, kógə̄ḿ i dɔ jī gelən tə́ ō.

PILIPƏ 3:2

Ə̄ndāī kum kedə̄ dɔ rɔ̄sí tə́ najə̄ yā ngé rāā kəla kə́ majaĺ gə̄ tə́, bísə gə̄ ń noō ń nin̄ i ngé kəja mɔtə kə́ rɔ̄kum aĺ gə̄ ní!

Najə̄ kə́ Majə yā Jeju ń Luk ndang ní 23:23

Ba nin̄-əhɔn̄ gír ngan̄g ngá̰ý kə̄ nodə́ tə́ kə kɔŕ gēé kə̄ dɔɔ́, ba dəjen̄ kadə̄ kə əndan̄ Jeju tū kāgə̄ kə́ dēsə́ tə́ kə máyá̰, ba kɔŕ yādə́ ní a ɓār̄ kə̄ dɔɔ́ ngan̄g ngá̰ý mān̄ kə̄ kété ɓáý to̰.

IJAI 53:5

Banī ni-ənge do i najə̄ yá̰a̰ rāājí gə̄ kə́ gōtə́ aĺ gə̄ tə́, rējə̄nən̄ i najə̄ majaĺ yājí gə̄ tə́. I ni n əndanən̄ ndéý ń reē kə kem sɔlɔ́ adə̄jí ní. Jḭḭ̄ j-əngeī rɔ̄ ngan̄g i kə ta kūl̄ do gə̄ ń ni-ənge ní.

PĀ GƏ̄ 22:20

Banī Kɔ́ɔ̄ɓē, ī-lōō kadə̄ danií i sa̰y rɔ̄ḿ tə́ beē. Ḭ̄ ń i tɔ́gə́ḿ ní ī-reē láẃ ī-dḭḭ̄m̄!

PĀ GƏ̄ 22:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā: Wāl̄ kə́ ta gír loo tə́ beē. I pā yā Dabid.

JA̰A̰ 20:27

Gō tə́ anī ni-tél əda Toma na: Əla ta ngōn̄ jīí kə̄ laā ō, á̰a̰ jīḿ gə̄ ō. Ī-reē kə jīí kə̄ kété laā ə́la kadəḿ tə́. Ī-lōō gír taā kem aĺ tə́ ba ī-taā kem.

PĀ GƏ̄ 59:6

Ḭ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, Nə́ɓā yā Israel, ī-ndól̄ ba ə́ndá nápar de gə̄ ń noō malang tām̄ majaĺ yādə́ tə́. Ī-lōō kadə̄ kumií o̰o̰ī kə ngé kem ndul gə̄ ń noō, nin̄ i ngé ra dɔ ndūdə́ tə́ aĺ gə̄.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

PĀ GƏ̄ 86:14

Nə́ɓā, de kə́ ngé gán̄g rɔ̄də́ gə̄ ənīmə̄n̄ rɔ̄ɔ̄, ɓūtə̄ de kə́ ngé rāā yá̰a̰ kə dɔ́nɔ́ gə̄ sāān̄ tɔ̄lə̄m̄, usədə́ dɔí tə́ alé.

MATIYE 26:57

Ngé gə̄ ń əhɔn̄ Jeju ní aw̄n̄ seneé ɓē Kaipə ngol ngé tun̄ yá̰a̰ gə̄ tə́, loo ń ngé ndóō de gə̄ ndū najə̄ gə̄ ō, kum kɔɔ̄ gə̄ ō, kánə̄n̄ naā tū tə́ ní tə́.

MATIYE 7:6

Ī-lōōī tə́nī yá̰á̰ kə́ yā ɓōĺ gidə kadə̄ bísə gə̄ ō, ī-lōōī tə́nī məde yāsí gə̄ nang tə́ no kosong tə́ ō, na sōgə́ a tə́ɓān̄ njadə́ tə́ ō, télən̄ kə̄ rɔ̄sí tə́ tə́gā rə́yā̰n̄sí ō.

JEREMI 12:6

De kə́ gír kojə yāí tə́ gə̄, adə̄ i ngákó̰ó̰í gə̄ n unən̄ dɔí igəneé ní. Rɔ̄kum, i nin̄ kɔ́ gə̄ n ɔsən̄ dɔ de gə̄ naā tə́ ba ɔrə̄n̄ najə̄ gidií tə́ jəke ní. Ré ənīn̄ rɔ̄də́ sɔl̄ lɔm ɔrə̄n̄neé najə̄ seí gə̄gē anī, ī-lōō kənī kemií kadə̄də́.

PĀ GƏ̄ 59:14

Ī-gān̄g gíŕdə́ kə wōngōó ngá̰ý kɔ̄ɔ́ ɗer. Ī-gān̄g gíŕdə́ ādə̄ deē kógə̄ḿ na̰y aĺ ō, ādə̄ de gə̄ gerə̄n̄ ta kaw̄ kə̄ ta ngóy dɔ nang tə́ nú na Nə́ɓā i nge ko̰o̰ ɓē dɔ Jakob tə́ ō.

PĀ GƏ̄ 38:11

Ta wurəḿ ndigə diw diw ō, tɔ́gə́ḿ gətóo ō, ta kumḿ ndə́lē to̰ aĺ ō.