PĀ GƏ̄ 22:13 - Bibəl ta Sar̄

¹³ Ngé rɔ̄ɔ̄ḿ gə̄ ḭḭn̄ seḿ tītə̄ man̄g kə́ bəra gə̄ ō, gīrə̄n̄ gidəḿ əlan̄ ta naā tə́ tītə̄ dā̰ kə́ ngan̄g ngá̰ý gə̄ kə́ dɔ nang kə́ Basan tə́ ō.

Bible sar

¹³ Ngé rɔ̄ɔ̄ḿ gə̄ ḭḭn̄ seḿ tītə̄ man̄g kə́ bəra gə̄ ō, gīrə̄n̄ gidəḿ əlan̄ ta naā tə́ tītə̄ dā̰ kə́ ngan̄g ngá̰ý gə̄ kə́ dɔ nang kə́ Basan tə́ ō.

PĀ GƏ̄ 22:13 Referans Kwoze

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

PĀ GƏ̄ 35:21

Nin̄ teēn̄ tadə́ ngá̰ý ədan̄neé najə̄ dɔḿ tə́ na: Ha, j-a̰a̰n loo rāā yá̰á̰ kə́ gōtə́ aĺ kə kumjí!

NŌŌ RƆ̄ 3:46

Madə̄ ba̰ā̰jí gə̄ malang teēn̄ tadə́ ɔrə̄n̄neé najə̄ dɔjí tə́.

NŌŌ RƆ̄ 2:16

Madə̄ ba̰ā̰í gə̄ malang teēn̄ tadə́ ɔrə̄n̄neé najə̄ dɔí tə́. Nin̄ kɔ̄rə́n̄ ngél ō, ngórə̄n̄ ngān̄gdə́ ō. Nin̄ ədan̄ na: Ādə̄ jə-nujiī seneé. I ndɔ̄ ń jə-ndi j-a jə-ngóō ta mandang ní n toó. J-ugə̄ kem ndɔ̄ ní tə́ ō, j-a̰a̰ ndɔ̄ ní kə kumjí ō.

PĀ GƏ̄ 17:12

Nin̄ ton̄ tītə̄ ɓɔl kə́ ngóō ta dā̰ sḛḛ yā rə́yā̰n naā tə́ beē, ton̄ tītə̄ balsáa ɓɔl kə́ ɓɔ̄ɔ̄ rɔ̄n kem túpə́ kámbə́ tə́ beē.

Makətūbə̄ yā Job 16:10

Ta de gə̄ ra kə wōyōó dɔḿ tə́. Nin̄ əndan̄ mbɔ́rə́ḿ ō, tájə̄mə̄n̄ ngá̰ý ō, kánə̄n̄ naā kə̄ dɔḿ tə́ ō.

PĀ GƏ̄ 35:17

Kɔ́ɔ̄ɓē, loo kadə̄ ī-ra á̰á̰ yá̰á̰ ń noō kə kumií karī i ba̰ý? Ī-lōō kadə̄ yá̰á̰ kə́ majaĺ ń toō rāām̄ ō, ī-taām̄ jī ɓɔl gə̄ ń toō tə́ ō.

PĀ GƏ̄ 22:21

Ɔ̄rə̄m̄ ta yo kaskar tə́ kɔ̄ɔ́. Ī-taām̄ ta ngān̄g bísə gə̄ ń noō tə́.

PĀ GƏ̄ 22:7

Ba mā tā a rāāmə̄n̄ i ngōn̄ kur̄ tə́ ba i deē tə́ to̰ alé. De gə̄ tájə̄mə̄n̄ ō, gír deē yāḿ gə̄ mbātə́mə̄n̄ kɔ̄ɔ́ ō.

PĀ GƏ̄ 7:2

Kɔ́ɔ̄ɓē, Nə́ɓā yāḿ, m̄-namī. Ájəm̄, ī-taām̄ jī ngé rāā kumḿ ndoō tə́ gə̄ tə́ malang.