PĀ GƏ̄ 22:1 - Bibəl ta Sar̄

¹ Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā: Wāl̄ kə́ ta gír loo tə́ beē. I pā yā Dabid.

Bible sar

¹ Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā: Wāl̄ kə́ ta gír loo tə́ beē. I pā yā Dabid.

PĀ GƏ̄ 22:1 Referans Kwoze

MARK 15:34

Ugə̄ kum mbang kə́ mətá kə́ loo sɔlí tə́ anī, Jeju əga kɔŕ ngá̰ý əda na: Eloi, Eloi, lama sabaktani? Kumən na i Nə́ɓā yāḿ, Nə́ɓā yāḿ, ə́ya̰m̄ kɔ̄ɔ́ i tām̄ rí tə́?

MATIYE 27:46

Ugə̄ kum mbang kə́ mətá kə́ loo sɔlí tə́ anī, Jeju əga kɔŕ ngá̰ý əda na: Eli, Eli, lama sabaktani. Kumən na i Nə́ɓā yāḿ, Nə́ɓā yāḿ, ə́ya̰m̄ kɔ̄ɔ́ i tām̄ rí tə́?

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

PĀ GƏ̄ 22:16

Kem kɔ́ɔ́ḿ tutə ká kákə́rá ō, Ndo̰ḿ tə́ya̰ kem nga̰ā̰ḿ tə́ ō. Ḭ̄ ə̄nīm̄ ta bāá yo tə́.

Makətūbə̄ yā Job 3:24

Yá̰a̰ kəsaḿ i síkə̄ nōō yāḿ gə̄ ō, m̄-tó̰ō̰ kə gír naá tītə̄ man̄ kə́ a nūgə́ kə tɔ́gɔ́ ō.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

PĀ GƏ̄ 10:1

Kɔ́ɔ̄ɓē, ī-ra sa̰y i najə̄ rí tə́? Kem ndɔ̄ gə̄ ń wur kɔl əsōń dɔ deē tə́ ní ī-ɓɔ̄ɔ̄ rɔ̄í kɔ̄ɔ́ i tām̄ rí tə́?

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

PĀ GƏ̄ 22:11

Dan ń m̄-teē kem kó̰ó̰ḿ tə́ hap ní adə̄mə̄n̄ seí. Mā i kem kó̰ó̰ḿ tə́ ɓáý n ḭ̄ i Nə́ɓā yāḿ ní!

PĀ GƏ̄ 71:11

Nin̄ ədan̄ na: Nə́ɓā əya̰n kɔ̄ɔ́, ādə̄ njasí ra gōn tə́, ə́hɔniī. De kə́ yā taān jīsí tə́ gətóo!

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

PĀ GƏ̄ 38:8

Tɔdɔ̄ dūnə̄ḿ təngām̄ tólóló, rɔ̄ḿ i do malang.

PĀ GƏ̄ 37:28

Tɔdɔ̄ Kɔ́ɔ̄ɓē gḛy yá̰á̰ kə́ súmūú, ni əya̰ deē yān gə̄ kɔ̄ɔ́ alé, a ngɔ̄m̄də́ ngándáńg. Banī a tɔ̄ɔ̄n̄ kōō de kə́ gír kaa yā nge kem ndul gə̄ tə́ kɔ̄ɔ́.

PĀ GƏ̄ 16:1

I pā yā Dabid. Nə́ɓā ī-ngɔ̄mə̄m̄, tɔdɔ̄ i ḭ̄ n m̄-rāāī loo ɓɔ̄ɔ̄ rɔ̄ yāḿ tə́ ní.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

IJAI 59:11

Jḭḭ̄ malang j-ɔjiī wōn̄g yājí kə̄ ndágá kə nuú tītə̄ dā̰ kə́ bembeé gə̄ beé. Jə-nōōī tītə̄ dér dum gə̄ beé kanjə̄ dəba. J-əndāī kemjí dɔ Nə́ɓā tə́ kadə̄ rāā yá̰á̰ kógə̄ḿ, banī yá̰á̰ kógə̄ḿ kə́ rāā yá̰a̰ gətóo. Jə-ndi j-a jə-ngóōī kadə̄ ajəjí banī ni ra sa̰y rɔ̄jí tə́.

PĀ GƏ̄ 26:9

Ī-lōō ɓoo jīḿ naā tə́ kə ngé rāā majaĺ gēé. Ī-lōō ɓoo jīḿ naā tə́ kə ngé tɔ̄l̄ de gēé.

LEBI GƏ̄ 2:6

Báa ī-tétə̄ naā tə́ ō, ī-ɓōkə́ yibə̄ dɔ tə́ ō. Nge ń noō i kōō kə́ ndējə̄.