PĀ GƏ̄ 21:9 - Bibəl ta Sar̄

⁹ Ā ə́hɔ madə̄ ba̰ā̰í gə̄ malang kə jīí. Ā ə́hɔ́ ngé kənīī rɔ̄ɔ̄ gə̄ kə jī ko̰í.

Bible sar

⁹ Ā ə́hɔ madə̄ ba̰ā̰í gə̄ malang kə jīí. Ā ə́hɔ́ ngé kənīī rɔ̄ɔ̄ gə̄ kə jī ko̰í.

PĀ GƏ̄ 21:9 Referans Kwoze

PĀ GƏ̄ 50:3

Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

PĀ GƏ̄ 18:8

Loo ń noō tə́ wōn̄g rāā Kɔ́ɔ̄ɓē adə̄ dɔ nang yéȳ ō ndebə ō. Ngəra mbal̄ gə̄ ndāmə̄n̄ ngin ngin ō yéȳn̄ ō.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

PĀ GƏ̄ 2:5

Gō tə́ anī ni-ɔr̄ najə̄ sedə́ kə wōngōó. Wōn̄g yān adə̄də́ ɓōĺ.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

JEJU TEĒ KUM JA̰A̰ 20:14

Ənīn̄ yo ō, loo kə́ ɓádá ō, kum bundūm̄ hor ní tə́. Bundūm̄ hor i yo kə́ nge ko̰ jōó.

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.

MATIYE 25:46

Anī de gə̄ ní a aw̄n̄ yā kənge ndéý kə́ dan gān̄g aĺ tām̄ yā majaĺ yādə́ tə́ ō, de kə́ súmūú gə̄ a aw̄n̄ loo kə́ deē a ndi kə kumneé tū tə́ ngándáńg tə́ ō.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

MATIYE 22:7

Wōn̄g rāā mban̄g ní, adə̄ əla ɓūtə̄ áskar yān gə̄ kadə̄ aw̄ tɔ̄lə̄n̄ ngé tɔ̄l̄ de gə̄ ní kɔ̄ɔ́ ba əlan̄ hor dɔ ɓē yādə́ tə́.

MATIYE 13:50

yā tə́nīdə́ kum hor kə́ bo ngá̰ý tə́. Nin̄ a nōōn̄ ō, a máyā̰n̄ ngān̄gdə́ ō loo ngeé ń noō tə́.

MATIYE 13:42

ɓōkə́də́ kum hor kə́ bo ngá̰ý tə́. Loo ń noō tə́ nin̄ a nōōn̄ ō, a máyā̰n̄ ngān̄gdə́ ō.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

MATIYE 3:10

Kə̄ngā i kə́ kəndā ngəra kāgə̄ gə̄ tə́ ɓá kɔ̄ɔ́, adə̄ kāgə̄ gə̄ malang ń a anə̄n̄ majə aĺ ní, a tə́gān̄də́ yā ɓōkə́də́ horoó kɔ̄ɔ́.

PĀ GƏ̄ 106:17

Loo ń noō tə́ dɔ nang teē tan ur Datan, ni ɔr tan dɔ de gə̄ yā Abiram tə́.

Makətūbə̄ yā Job 6:3

Banī nin̄ ɔȳn̄ tɔȳ nán̄g ngárə̄ḿnjēý ké ta bā bo gə̄ tə́. I tām̄ najə̄ ń noō tə́ n m-ɔ̄rəń najə̄ mbitə mbitə ní.

TA KƏLA 19:28

Ni-a̰a̰ loo kum kə̄ Sodom ō, Gomor ō, dām̄ kə́ ndágə loo tə́ ō anī, a̰a̰ sa hor kə́ tītə̄ sa hor mbō beé, əɓa tū tə́ luk luk.

ESDRAS 6:12

Mban̄g, aláa gír de gə̄ ń a mānə̄n̄ dɔ ndūḿ ba a əlan̄ jīdə́ yā nujəń kújə yā Nə́ɓā ń toō kɔ̄ɔ́ kem ɓē kə́ Jerusalem tə́ ní, ādə̄ Nə́ɓā ń rāā adə̄ rīn to kem ɓē kə́ Jerusalem tə́ ní mbə́rē tə́nīdə́ kɔ̄ɔ́. I mā Darius n m-ə́da kadə̄ rāān̄ yá̰a̰ gə̄ ń toō ní. Ādə̄ de gə̄ əndān̄ kumdə́ gírí majə rāān̄.

PĀ GƏ̄ 18:38

m̄-ngɔ̄də̄ madə̄ ba̰ā̰ḿ gə̄ m-ə́wádə́. Ré m̄-tɔ̄l̄də́ təgā aĺ anī m̄-tél gōdə́ tə́ alé.