PĀ GƏ̄ 21:8 - Bibəl ta Sar̄

⁸ A̰á̰ā̰, mban̄g əndā kemən i dɔ Kɔ́ɔ̄ɓē tə́ ō, kem majə yā Nə́ɓā kə́ dɔɔ́ sa̰y ngá̰ý rāā adə̄ ni-ra ngan̄g ō.

Bible sar

⁸ A̰á̰ā̰, mban̄g əndā kemən i dɔ Kɔ́ɔ̄ɓē tə́ ō, kem majə yā Nə́ɓā kə́ dɔɔ́ sa̰y ngá̰ý rāā adə̄ ni-ra ngan̄g ō.

PĀ GƏ̄ 21:8 Referans Kwoze

IJAI 10:10

m̄-ger̄ loo taā ɓē ko̰o̰ gə̄ yā nə́ɓā kə́ rɔ̄kum aĺ gə̄, loo gə̄ ń yá̰á̰ kə́ tɔ́sə̄ kum gotədə́ gə̄ i ngá̰ý tū tə́ tɔȳ kə́ Jerusalem ō, tɔȳ kə́ Samari ō ní.

PĀ GƏ̄ 72:9

Ngé ndi kem dəla loo tə́ gə̄ a ɔsən̄ nodə́ nang tə́ non tə́, madə̄ ba̰ā̰n gə̄ a əsan̄ nán̄g.

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

1 KORḚNTƏ 15:25

Tɔdɔ̄ i gáŕ kadə̄ ni-o̰o̰ ɓē bátə́ kadə̄ Nə́ɓā tetə madə̄ ba̰ā̰n gə̄ malang rɔ̄ɔ̄, ba əladə́ gír njan tə́.

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

Najə̄ kə́ Majə yā Jeju ń Luk ndang ní 19:14

Ba madə̄n gə̄ kə́ gō nang yān tə́ imə̄nən̄ ngá̰ý, adə̄ ɔrə̄n̄ de gə̄ əlan̄də́ gōn tə́ kadə̄ aw̄ ədan̄ na: Jḭḭ jə-gḛy kadə̄ ni-o̰o̰ ɓē dɔjí tə́ alé.

PĀ GƏ̄ 18:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid kə́ nge kəla yā Kɔ́ɔ̄ɓē. Ni-ɔr̄ najə̄ kə Kɔ́ɔ̄ɓēé kə pāá i gō gān̄g ń Kɔ́ɔ̄ɓē gān̄g dɔn jī Saul tə́ ō, jī madə̄ ba̰ā̰n gə̄ tə́ malang ní ō, əda na:

PĀ GƏ̄ 2:9

Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

2 SAMUEL 7:1

Dan ń mban̄g Dabid ənge kújə ndi kemeé ō, Kɔ́ɔ̄ɓē rāā adə̄ ngé ba̰ā̰n gə̄ malang ń gīrə̄n̄ gidə ɓē yān əlan̄ ta naā tə́ ní əya̰nən̄ adə̄ taā koō ō anī,

1 SAMUEL 31:3

ba tél tūrə̄n̄ rɔ̄də́ i kə̄ dɔn nəkɔ́ tə́, adə̄ rɔ̄ɔ̄ tél bo i kum kə̄ dɔ Saul tə́. Dan ń ngé kur gərā gə̄ teēn̄ dɔn tə́ á ni a̰a̰də́ ní kemən gān̄g man̄,

1 SAMUEL 25:29

Kɔ́ɔ̄ḿ, gír̄ ń deē kə́rēý aw̄ń kemən tə́ ní i kógə̄ḿ beē, i ndəle gōí. Deē ní sāā i kadə̄ óy kɔ̄ɔ́. Ba Kɔ́ɔ̄ɓē Nə́ɓā yāí a ngɔ̄mī kadə̄ ā ī-ndi kə kumií kə ndɔ̄ gə̄. Banī ni a ənī koō kajə yā madə̄ ba̰ā̰í gə̄ sa̰y kɔ̄ɔ́ rɔ̄n tə́ tītə̄ kə́ ənī i kə bējēé beē.

PĀ GƏ̄ 16:8

M-á̰á̰ Kɔ́ɔ̄ɓē ta kumḿ tə́ ngándáńg. Ni i dɔ jī ko̰ḿ tə́ adə̄ m-ā m̄-ndi ngan̄g.

PĀ GƏ̄ 109:20

Ba ngé kəndā najə̄ dɔḿ tə́ tītə̄ ń noō gə̄ ō, ngé tə́dā najə̄ kə́ majaĺ dɔḿ tə́ tītə̄ ń noō gə̄ ō ní, Kɔ́ɔ̄ɓē a əgādə́ kə̄rā i tītə̄ ń noō!