PĀ GƏ̄ 21:5 - Bibəl ta Sar̄

⁵ Ḭ̄ ī-rāā ādə̄ ndi kə kumneé tītə̄ ń dəjeīń ní, ndi i ndi kə́ dan a gān̄g aĺ bátə́.

Bible sar

⁵ Ḭ̄ ī-rāā ādə̄ ndi kə kumneé tītə̄ ń dəjeīń ní, ndi i ndi kə́ dan a gān̄g aĺ bátə́.

PĀ GƏ̄ 21:5 Referans Kwoze

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

HEBƏRO 8:1

Najə̄ kə́ bo ngá̰ý dɔ yá̰á̰ ń j-əda tə́ ní n toó: J-awī kə ngol ngé tun̄ yá̰a̰ gə̄ kə́ tītə̄ ń noō, tɔdɔ̄ ni-ndi dɔ jī ko̰ Nə́ɓā tə́ dɔ rā̰ tə́, nge ń ndi dɔ kōr̄ kāgə̄ mbang yān tə́ ní. Nə́ɓā i tɔ́gə́ kə́ dɔ tɔ́gə gə̄ tə́ malang.

JA̰A̰ 17:22

M-ādə̄də́ kɔsə gɔn ń ādə̄m̄ ní, yā kadə̄ nin̄ i kógə̄ḿ beē tītə̄ ń ḭ̄ ō mā ō jḭḭ i kógə̄ḿ beē ní.

JA̰A̰ 17:5

Ngɔlaā ní, Bɔbə́ḿ, ɔ́sə gɔnəḿ rɔ̄í īkɔ́ tə́ kə kɔsə gɔn ń m-āwń dan ń m̄-ndiń rɔ̄í tə́ kété pá tá kadə̄ dɔ rā̰ kə dɔ nang ton̄ ní.

JA̰A̰ 17:1

Dan ń Jeju ɔr̄ najə̄ beé oy anī, ənī kumən kə̄ dɔɔ́ dɔ rā̰ tə́, ba əda na: Bɔbə́ḿ, mbang asə, ɔ́sə gɔn Ngōnīí ādə̄ Ngōnīí ɔsə gɔnií ō.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

PĀ GƏ̄ 96:6

Loo kə́ ndə́lē pipir ō unjə̄ kow ō i kété non tə́, tɔ́gə ō yá̰á̰ kə́ ɔjə kadə̄ ni i de kə́ bo ō i kem loo yān kə́ táĺ tə́.

PĀ GƏ̄ 62:7

A̰á̰ā̰, ni i mbal̄ yāḿ ō, nge kajəḿ ō, loo ndiḿ kə́ ngan̄g ō. Adə̄ m-ā m̄-yéȳ alé.

PĀ GƏ̄ 8:5

m-ə́da kə̄ kemḿ tə́ na: Deē i rí kə́ sáláńg á ā ī-gír̄ dɔn tə́? Deē ndul ndetə kadə̄ usiī dɔn tə́ a?

PĀ GƏ̄ 3:3

Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

1 YÁ̰A̰ GƏ̄ 17:27

Ngɔlaā ní ī-rāā majə kə gír kojə yāḿ mā nge kəla yāí, ādə̄ gír kojə yāḿ to ta kumií tə́ ngándáńg. Kɔ́ɔ̄ɓē, dan ń i ḭ̄ n ī-rāā majə seneé ní, ni a ndi majə ngándáńg.

2 SAMUEL 7:19

Tá nge ń noō asə aĺ ɓáý ta kumií ḭ̄ Kɔ́ɔ̄ɓē tə́, adə̄ ɔ̄r̄ najə̄ kə́ tām̄ yā gír kojə yāḿ tə́ kété no ndɔ̄n tə́ ɓáý to̰. Nge ń noō i yá̰á̰ ndóō yā deē ndul a Kɔ́ɔ̄ɓē Nə́ɓā?

1 MBAN̄G GƏ̄ 3:14

Tá ɓáý to̰ ní, ré ún gō róbə yāḿ gə̄, adə̄ əhɔ ndū najə̄ yāḿ gə̄ kemií tə́ ī-rāań yá̰a̰ ō, ī-rāā gō míndə gə̄ ń m-ə̄ndā dɔí tə́ kadə̄ ī-rāā ní ō, tītə̄ yā bɔbí Dabid anī, m-ā m̄-rāā kadə̄ ī-ndi kə kumií ɓāl̄ ngá̰ý.

PĀ GƏ̄ 61:7

Ə̄nī ndɔ̄ ta madə̄ tə́ ādə̄ mban̄g, ādə̄ ɓālə̄n i ɓú nja ngá̰ý!

PĀ GƏ̄ 133:3

To i tītə̄ tal kə́ dɔ mbal̄ Hermon tə́, kə́ əhɔ dɔ mbal̄ Siyo̰ tə́. Kɔ́ɔ̄ɓē gḛy rāā majə kə deé ō, kadə̄ deē ndi kə kumneé ngándáńg ō, i loo ń noō tə́.