PĀ GƏ̄ 21:3 - Bibəl ta Sar̄

³ Ḭ̄ ādə̄n yá̰á̰ ń kemən gḛy ní, ḭ̄ ɔ̄gən yá̰á̰ ń dəjeī ní alé.

Bible sar

³ Ḭ̄ ādə̄n yá̰á̰ ń kemən gḛy ní, ḭ̄ ɔ̄gən yá̰á̰ ń dəjeī ní alé.

PĀ GƏ̄ 21:3 Referans Kwoze

2 SAMUEL 12:30

Ni-ɔr̄ jākā mbang yā mban̄g yādə́ dɔn tə́ kɔ̄ɔ́, kɔȳ jākā ní tɔȳ kəlōo kutə mətá. Mbal̄ gə̄ kə́ gātə̄də́ i ngá̰ý gə̄ i tū tə́. Ɔrə̄n̄ əndān̄ dɔ Dabid tə́. Yá̰a̰ kənge gə̄ ń Dabid ɔy kem ɓēé aw̄ń ní i ngá̰ý.

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

PĀ GƏ̄ 59:10

M-ā m-á̰a̰ loo i kə̄ rɔ̄í tə́, ḭ̄ ń i tɔ́gə́ḿ ní. Loo yāḿ kə́ ngan̄g kə́ kem ɓēé i Nə́ɓā.

PĀ GƏ̄ 31:19

Ngé sor̄ gə̄ ń a tájə̄n̄ de kə́ súmūú ō, a gángə̄n̄ rɔ̄də́ dɔn tə́ ō, a kídə̄nən̄ ō ní, ī-rāā ādə̄ tadə́ do̰ō̰ naā kɔ̄ɔ́!

1 YÁ̰A̰ GƏ̄ 20:2

Dabid taā jākā mbang kə́ dɔ mban̄g yā Amon gə̄ tə́. Rāān̄ jākā ní i kə lɔ́rɔ́. Kɔȳn tɔȳ kəlōo kutə mətá. Əlan̄ mbal̄ kə́ gātə̄n i ngá̰ý tutə. Əlan̄ jākā ní dɔ Dabid tə́. Ni ɔy yá̰a̰ kənge kə́ kem ɓē ní tə́ ngá̰ý aw̄ń.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.

Makətūbə̄ ń Pol ndang adə̄ Rom gə̄ ní 11:35

I náā n adə̄ Nə́ɓā yá̰á̰ kété yā kadə̄ Nə́ɓā tél adə̄n kum gotə ní?

JEJU TEĒ KUM JA̰A̰ 19:12

Kumən to tītə̄ ta ndo̰ hor ō, yá̰á̰ súū rɔ̄ gə̄ i ngá̰ý dɔn tə́ ō. Ndangən̄ rī kógə̄ḿ dɔn tə́. Ba deē kógə̄ḿ kə́ ger̄ rī ní gətóo ō, banī i nəkɔ́ tá ngóy.

PĀ GƏ̄ 18:18

Ni-gān̄g dɔḿ jī madə̄ ba̰ā̰ḿ kə́ ngan̄g ngá̰ý tə́ ō, jī ngé rɔ̄ɔ̄ seḿ gə̄ kə́ tɔ́gə́də́ tɔȳ yāḿ tə́ ō.

Makətūbə̄ yā Job 41:11

Ndo̰ hor gə̄ teēn̄ tan tə́ bəlim bəlim ō, hor kə́ ndɔ́w̄ gə̄ kə́rān̄ tan tə́ sir sir ō.

2 YÁ̰A̰ GƏ̄ 6:41

Ba ngɔlaā ní Kɔ́ɔ̄ɓē Nə́ɓā, ḭ́ḭ dɔɔ́ ī-reē loo kɔr̄ koō yāí tə́, ḭ̄ ō, sandúkə ń tɔ́gə yāí i kemeé ní ō. Kɔ́ɔ̄ɓē Nə́ɓā, ādə̄ əlan̄ kūbə̄ kajə rɔ̄ ngé tun̄ yá̰a̰ yāí gə̄ tə́ ō, ādə̄ deē yāí gə̄ ń ran̄ dɔ ndūdə́ tə́ ní ndin̄ majə kə rɔ̄nelēé ō.

2 SAMUEL 5:3

Kum kɔɔ̄ kə́ Israel tə́ gə̄ malang reēn̄ rɔ̄ mban̄g Dabid tə́ Hebron. Ni-əhɔ madə̄ naā sedə́ ta kum Kɔ́ɔ̄ɓē tə́ ō, urən̄ yibə̄ ngār dɔn tə́ əndānneé mban̄g kə́ Israel tə́ ō.

2 SAMUEL 2:4

Loo ń noō tə́ Juda gə̄ reē urən̄ yibə̄ ngār dɔ Dabid tə́ kem ɓē kə́ Hebron tə́. Nin̄ əndānən̄ mban̄g dɔ Juda gə̄ tə́. Dan ń reē ədan Dabid na i de gə̄ kə́ Yabes kə́ gō nang kə́ Galaad tə́ gə̄ ń dubə̄n̄ Saul anī,

1 SAMUEL 16:13

Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

PĀ GƏ̄ 20:5

Ādə̄ ni adī yá̰á̰ ń kemií gḛy ní, ādə̄ rāā yá̰a̰ malang ń ī-sāā rāā ní ādə̄ udə gírí!