PĀ GƏ̄ 20:8 - Bibəl ta Sar̄

⁸ De kə́rēý gə̄ əndān̄ kemdə́ i dɔ púsə rɔ̄ɔ̄ yādə́ gə̄ tə́ ō, kə́ madə̄ gə̄ əndān̄ kemdə́ i dɔ sə́nda yādə́ gə̄ tə́ ō. Ba jḭḭ tā a jə-nōō i kə̄ dɔ Kɔ́ɔ̄ɓē Nə́ɓā yājí tə́.

Bible sar

⁸ De kə́rēý gə̄ əndān̄ kemdə́ i dɔ púsə rɔ̄ɔ̄ yādə́ gə̄ tə́ ō, kə́ madə̄ gə̄ əndān̄ kemdə́ i dɔ sə́nda yādə́ gə̄ tə́ ō. Ba jḭḭ tā a jə-nōō i kə̄ dɔ Kɔ́ɔ̄ɓē Nə́ɓā yājí tə́.

PĀ GƏ̄ 20:8 Referans Kwoze

PĀ GƏ̄ 125:1

Pā kə́ yā kaw̄ń kə̄ loo kə́ táĺ tə́. Ngé kəndā kemdə́ dɔ Kɔ́ɔ̄ɓē tə́ gə̄ ton̄ tītə̄ mbal̄ Siyo̰ beé. Ni yéȳ aĺ ō, ra ngándáńg ō.

MISE 7:8

Sḭḭ̄ madə̄ ba̰ā̰jí gə̄, ī-lōōī rāā rɔ̄nel̄ najə̄ yājí tə́. Ré j-əsō anī, j-a j-ḭḭ dɔɔ́. Ré jḭḭ i kum loo kə́ ndɔ̄ɔ́ tə́ anī, Kɔ́ɔ̄ɓē i loo kə́ unjə̄ kow yājí.

NGÉ SARYA 5:31

Kɔ́ɔ̄ɓē, ādə̄ madə̄ ba̰ā̰í gə̄ malang oyn̄ yo kə́ tītə̄ yā Sisəra, banī ādə̄ madə̄ taí gə̄ ton̄ tītə̄ mbang ń ḭḭ kə̄ dɔɔ́ á ndə́lē ngá̰ý ní. Ɓē tél ndi lɔm ɓāl̄ kutə sɔ́.

JOJUE 11:4

Adə̄ mban̄g gə̄ teēn̄ kə ɓūtə̄ ngé rɔ̄ɔ̄ yādə́ gēé malang. I kósə de kə́ dum̄ tə́da, tām̄ nin̄ ton̄ tītə̄ kum nán̄g ngárə̄ḿnjēý. Sə́nda yādə́ gə̄ i ngá̰ý ō, púsə́ sə́nda yādə́ i ngá̰ý ō.

1 SAMUEL 17:45

Dabid tél əda Pilistin ní na: Ḭ̄ ī-reē kə̄ rɔ̄ḿ tə́ i kə kaskaraá ō, səngɔyɔɔ́ ō, nəngaá ō. Ba mā m-ā m-āw̄ kə̄ rɔ̄í tə́ i kə rī Kɔ́ɔ̄ɓē kə́ bo kə́ tɔ́gən i ngá̰ý. Ni i Nə́ɓā yā ngé rɔ̄ɔ̄ gə̄ kə́ Israel tə́ ń ī-tájən ní.

2 MBAN̄G 19:23

Ḭ̄ ə́la de gə̄ ādə̄ tájə̄n̄ Kɔ́ɔ̄ɓē kum gotií. Əda na ḭ̄ Senakerib na āl̄ ta tél mbal̄ gə̄ tə́, na āw̄ bátə́ ūgə̄ loo ɓɔ̄ɔ̄ rɔ̄ gə̄ kə́ Liban tə́, kə́ dum̄ kadə̄ deē aw̄ tū tə́ gə̄ tə́ kə ta kūl̄ púsə rɔ̄ɔ̄ yāí kə́ ngá̰ý gēé, yā tə́gā kāgə̄ sédər kə́ majə ngá̰ý gə̄ kə́ tū tə́ ō, kāgə̄ sipəres kə́ ngāl̄ ngá̰ý gə̄ kə́ tū tə́ ō. Əda na ā āw̄ bátə́ yā kugə̄ dɔ mbal̄ yān kə́ ngāl̄ tɔȳ madə̄ gə̄ malang tə́ ō, na ā āw̄ bátə́ yā kugə̄ kem ku kāgə̄ yān gə̄ tə́ ō.

2 YÁ̰A̰ GƏ̄ 14:10

Asa əga kɔŕ kə̄ dɔ Kɔ́ɔ̄ɓē Nə́ɓā yān tə́, ə́da na: Kɔ́ɔ̄ɓē, de kə́ asə ra dɔ dán de kə́ tɔ́gən i ngá̰ý tə́ kə de kə́ tɔ́gən gətóó tə́ kə́ rang gətóo, i ḭ̄ ngóy. Kɔ́ɔ̄ɓē Nə́ɓā yājí, ī-rāā sejí! Tɔdɔ̄ j-ə̄ndā tɔ́gə́jí i dɔí tə́ ō, kósə de kə́ ngá̰ý gə̄ ń toō, jə-reē yā rɔ̄ɔ̄də́ i kə rīí ō. Kɔ́ɔ̄ɓē, ḭ̄ i Nə́ɓā yājí. Ādə̄ deē ndul tɔ́sə̄ gātīí alé!

2 YÁ̰A̰ GƏ̄ 14:11

Kɔ́ɔ̄ɓē tetə Nubi gə̄ rɔ̄ɔ̄ no Asa tə́ ō, no Juda gə̄ tə́ ō, adə̄ Nubi gə̄ a̰ȳn̄ naā.

ESDRAS 8:22

Rɔ̄sɔl̄ ɔgə̄m̄ dəje mban̄g kadə̄ adə̄jí ɓūtə̄ áskar gə̄ kə́ ngé kal̄ sə́nda gə̄ kadə̄ dānə̄n̄jí, kadə̄ ngɔ̄mə̄n̄jí róbó najə̄ yā madə̄ ba̰ā̰ gə̄ tə́. Tɔdɔ̄ j-əda mban̄g na: De gə̄ malang ń a sāān̄ Nə́ɓā yājí ní, jīn kə́ majə i dɔdə́ tə́. Banī de gə̄ malang ń əya̰nən̄ kɔ̄ɔ́ ní, wōn̄g rāān sedə́ ngá̰ý.

PĀ GƏ̄ 33:16

I kutə ngé rɔ̄ɔ̄ kə́ ngá̰ý gə̄ n a ajə mban̄g ní a? I tɔ́gə kə́ ngá̰ý n a ajə go̰ rɔ̄ ní a?

PĀ GƏ̄ 33:17

Sə́nda i yá̰á̰ gól̄ rɔ̄ karī, deē a tetəń rɔ̄ɔ̄ alé, tɔ́gən kə́ ngá̰ý a teē kə deé ta yo tə́ alé.

PĀ GƏ̄ 124:8

Kɔ́ɔ̄ɓē nge rāā dɔ rā̰ ō dɔ nang ō dḭḭ̄jí kə rɔ̄neé.

Gōsə̄ najə̄ gə̄ 21:31

Rákən̄ yá̰a̰ rɔ̄ɔ̄ sə́nda gə̄ tə́ yā ngóoń ta rɔ̄ɔ̄, banī ta tɔ̄l̄ ta anī i Kɔ́ɔ̄ɓē n i nge tetə rɔ̄ɔ̄ kadə̄ deē ní.

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.