PĀ GƏ̄ 20:3 - Bibəl ta Sar̄

³ Ādə̄ ni ń ndi kem loo yān kə́ táĺ tə́ ní əla kə yá̰á̰ rāań seí ō. Ādə̄ ni ń ndi Siyo̰ ní ɔsə kílí kə̄ dɔɔ́ ō!

Bible sar

³ Ādə̄ ni ń ndi kem loo yān kə́ *táĺ tə́ ní əla kə yá̰á̰ rāań seí ō. Ādə̄ ni ń ndi *Siyo̰ ní ɔsə kílí kə̄ dɔɔ́ ō!

PĀ GƏ̄ 20:3 Referans Kwoze

PĀ GƏ̄ 51:19

Yá̰a̰ tun̄ ń Nə́ɓā ndigə ní i de kə́ dɔn tetə ká káláńg. Nə́ɓā! Deē ń kə̄ngān tétə̄ rárák kɔ̄ɔ́ ō, kemən tɔ̄ɔ̄ táḿ táḿ kɔ̄ɔ́ ō ní, ī-mbātə́n alé.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

2 YÁ̰A̰ GƏ̄ 7:1

Dan ń Salomo̰ ndɔ̄ȳ Nə́ɓā oy anī yá̰a̰ tun̄ kə́ yā róō horoó ō, yá̰a̰ tun̄ kə́ tām̄ yā kem kógə̄ḿ tə́ ō ní, hor ḭḭ dɔ rā̰ tə́ əsō dɔ tə́ o̰o̰ malang ō, kɔsə gɔn yā Kɔ́ɔ̄ɓē taā loo malang kem kújə yā Kɔ́ɔ̄ɓē tə́ ō.

TA KƏLA 4:4

Ba Abel ndējə̄ yān i ngán dā̰ gə̄ ń kṵ́ṵ́də́ ojədə́ ta kəga dɔ ní ō, yibə̄də́ ō. Kɔ́ɔ̄ɓē ndigə Abel ō, ndigə yá̰a̰ ndējə̄ yān ō,

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

IJAI 60:7

Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ loo tun̄ yá̰a̰ yāḿ tə́ ō, yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

1 YÁ̰A̰ GƏ̄ 21:26

Ni-rāā loo tun̄ yá̰a̰ tām̄ yā Kɔ́ɔ̄ɓē tə́ loo ní tə́, ba ndējə̄n yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō dɔ tə́. Gō tə́ anī ni ɓāŕ Kɔ́ɔ̄ɓē, anī Kɔ́ɔ̄ɓē ndigə ɓār̄ yān ba rāā adə̄ hor ḭḭ dɔ rā̰ tə́ reē o̰o̰ yá̰a̰ tun̄ gə̄ ń ton̄ dɔ loo tun̄ yá̰á̰ tə́ ní.

LEBI GƏ̄ 9:24

Hor teē rɔ̄ Kɔ́ɔ̄ɓē tə́ o̰o̰ dā̰ kə́ yā róō horoó kadə̄ Kɔ́ɔ̄ɓē ō, yibə̄ dā̰ gə̄ ō ń ton̄ dɔ loo tun̄ yá̰á̰ tə́ ní adə̄ ngán Israel gə̄ malang a̰a̰n̄. Nin̄-əgan̄ kɔŕ rɔ̄nel̄ ba ɔsən̄ nodə́ nang tə́ rɔȳnəń Kɔ́ɔ̄ɓē.

PĀ GƏ̄ 128:5

Ādə̄ Kɔ́ɔ̄ɓē ń ndi Siyo̰ ní rāā majə seí. Loo ń noō tə́ ā á̰a̰ majə yā ɓē kə́ Jerusalem kə dɔ ndɔ̄ gə̄ malang ń ā ī-ndiń kə kumií ní ō,

PĀ GƏ̄ 134:3

Ādə̄ Kɔ́ɔ̄ɓē nge rāā dɔ rā̰ ō dɔ nang ō ń ndi Siyo̰ ní, rāā majə sesí!